ROTEIRO DA MULLER NA CORUÑA

O luns 24 de abril iniciamos o Roteiro da muller na cidade da Coruña promovido polo Equipo de Dinamización da Lingua Galega do instituto.

Comezamos estes percorridos pola Cidade Vella e a contorna do centro, despois de rematar de buscar a información (ademais de organizala e realizar debuxos) sobre as mulleres que dan nome na cidade da Coruña a rúas, edificios emblemáticos e mesmo mulleres relevantes relacionadas con algún lugar da cidade da Coruña.

Aínda que buscamos información das rúas con nome de muller en toda a cidade o roteiro a pé comprende 14 puntos e paradas.

Os puntos do roteiro a pé son 14, partindo da escultura de Isabel Zendal, diante do centro e rematando na rúa que leva o seu nome, na cidade vella.

Serían nesta orde: Escultura de Isabel Zendal, Victoria Fernández, Adelaida Muro, María Casares, Teresa Herrera, Juana de Vega, Teatro Rosalía, María Luísa Durán Marquina (diante da placa das Irmandades da Fala), María Pita, María Barbeito, Real Academia e casa de Emilia Pardo Bazán, Teresa Herrera, Casa de Rosalía de Castro, rúa de Isabel Zendal. Lembramos ao pasar a casa de María Pita.