Concursos literarios e premios

No festival de fin de curso celebrado o 22 de xuño entregamos os premios da biblioteca. Nesta ocasión decidimos premiar ás persoas que máis préstamos teñen rexistrado ao longo do curso. Os premios consistiron en libretas de bibliotecas escolares e un libro tendo en conta os intereses de cada unha das persoas premiadas. Como pode verse na táboa de abaixo, a maioría son alumnas, mais tamén quixemos premiar aos nosos P.A.S. máis lectores. 

Animámosvos a seguir vindo remexer entre os andeis, pois sempre hai algún título especial esperándovos. Graciñas a todos e felices vacacións!!!

O Centro de Día de Carnota en colaboración co Concello vén de convocar o I Concurso de Relatos Curtos, con motivo da celebración do Día Internacional do Maior o día 1 de outubro. O concurso ten como lema “Por que quero chegar a vello?”.

Desde a biblioteca animámosvos a participar nesta actividade, que contribuirá a xerar unha concepción positiva da vellez, entendida como unha etapa autónoma, produtiva e participativa.

Poderán concorrer a este certame todas aquelas persoas que o desexen, sen límite de idade, con relatos inéditos en lingua galega, cun máximo de 1000 palabras, que aborden o tema do concurso (Por que quero chegar a vello?).

Hoxe estamos de noraboa!!! Tres dos nosos alumnos foron os gañadores do concurso: 1º premio para Nerea Ronquete de 3º; 2º premio para Aitor Ariza de 4º e o 3º premio, para Maricarmen Núñez de 4º. Noraboa a todos os que participastes e que cos vosos traballos fixestes un chisco máis alegre o tempo dos maiores do Centro de Día.

O mércores 22 de decembro imos entregar os premios deste trimestre. Nesta ocasión entregamos dous premios:

-Para o alumnado que levou máis materiais en préstamo.

As premiadas son: Adriana Leis Formoso (21), Fátima Nieves Riveiro (20), Zoé Quintela Costa (19) e Begoña Pérez Domínguez (18).

-Para os mellores usuarios. Chamámoslles "bos usuarios" a aquelas persoas que están moi pendentes de todo o que acontece na biblioteca, das novidades que chegan, das actividades que se organizan, que asesoran os compañeiros na busca dos materiais e mesmo botan unha man no préstamo. 

As premiadas son Natalia Tajes Caamaño e Nerea Ronquete Cambeiro.

A todos os premiados, mellor diremos premiadas xa que son todas rapazas, noraboa!

O martes 22 de xuño durante o recreo entregamos na biblioteca os premios finais deste curso.

Concedemos dous tipos de premio tendo en conta o uso que se fai da biblioteca e polas lecturas realizadas e os préstamos de materiais.

Na categoría "Aos mellores Usuarios" as persoas premiadas foron:

Natalia Tajes Caamaño, Nicole Lemaître Domínguez e Demi Patricia Pérez Bacha (todas de 2º da ESO).

Na categoría "Aos mellores lectores" as persoas premiadas foron:

Tania Costa Beiro (3º ESO), Begoña Pérez Domínguez e Adriana Leis Formoso (ambas de 2º da ESO)

Os agasallos consistiron en lotes formados por unha axenda das que nos mandaron da Asesoría de Bibliotecas Escolares, material escolar e un libro especialmente escollido para cada premiada. Este lote ía presentado en cadansúa bolsa de Bibliotecas Escolares.

Concedemos tamén un premio especial a David Álvarez pola continuada colaboración da Radio coas actividades da biblioteca. 

Podedes ver algunha foto da actividade aquí.

Queremos felicitar a todos os premiados  e animarvos a todos e a todas a seguir dándolle sentido á biblioteca. 

Xa queda pouco tempo para saber quen serán os premiados no fin de curso. Lembrade que, coma todos estes anos, entregaremos agasallos aos mellores lectores. E este ano vai haber sorpresas!

E si, chegou o día agardado. No último día de clase deste curso, o 23 de xuño, entregamos os premios: 

Premio aos mellores lectores 

Na lista apareceron Silvia Fuentes Martínez de 3º, Ariadna Leis Capelo de 4º e Andrea Sendón Alonso de 4º. 

Premio aos usuarios de máis empréstitos

Os premiados foron José Martín Lago Pérez de 4º  e Tania Costa Beiro de 2º da ESO.

Premio aos mellores  na formación de usuario

Os premiados foron moitos e podedes ler a relación aquí.

Aproveitando a ocasión, tamén lles lanzamos unha "pedrada" aos morosos, mais a estes preferimos non darlles publicidade. 

Só nos queda dicirvos que foi un pracer atendervos ao longo do curso. Esperamos que sigades facendo uso de todos cantos servizos vos ofrece a biblioteca.

Bo verán e moi boas lecturas!!