Coma cada ano o IES Illa de Sarón vai levar a cabo o seu concurso de fotografía, este ano adicado ás matemáticas que se esconden na arquitectura.
Está aberto a toda a comunidade educativa, anímate e participa!!!!
BASES:
Pode participar neste concurso toda a comunidade do centro IES Illa de Sarón.
Cada persoa participante poderá presentar un máximo de dúas fotografías que terá como temática: AS MATEMÁTICAS NA ARQUITECTURA.
As fotografías terán un tamaño mínimo de 2000 KB, a relación entre os lados estará entre 4/3 e 16/9, e terán inserido o título, en galego, que o autor decida.
Haberá tres categorías: A, alumnado de 1º e 2º de ESO; B, alumnado de 3º e 4º de ESO e C, resto da comunidade.
Prazo e procedemento de entrega dos traballos:
O prazo de entrega dos traballos será entre os días 3 e 24 de maio .
O procedemento para entregar os traballos será envialas á dirección de correo electrónico REBECARUBALCANCIO@edu.xunta.es .
O asunto indicado no correo será: Fotografía – Nome e apelidos do autor/a e o curso ou posto.
Actividades relacionadas co concurso:
Os traballos fotográficos entregados serán impresos e con eles realizarase unha exposición no centro.
Organizarase unha votación na que participarán como xurado os membros do departamento de matemáticas e do departamento de educación plástica e visual.
Haberá un premio dun vale de 20€ para a categoría A e outro para a categoría B. O premio para a categoría C será un diploma.
O xurado poderá deixar deserto calquera dos premios se así o considera oportuno.
O fallo do xurado darase a coñecer antes do venres 3 de xuño.
