Rematamos o "mes do libro" coa visita de Andrea Maceiras, recente gañadora do XIX Premio Anaya de Literatura Infantil e Xuvenil, que nos acompañou nunha marabillosa viaxe pola Amazonia co seu libro A folla azul, lido polo alumnado de 1º ESO.
Moitas grazas, Andrea, pola túa visita!!
O alumnado de 4º ESO participou onte nun obradoiro impartido por Arturo Rodríguez, profesional do sector audiovisual con experiencia en campañas publicitarias de varias marcas galegas. Nel os alumnos e alumnas desenvolveron as distintas fases da creación dunha imaxe oficial do Concello de Fisterra para o Día da Diversidade Sexual.
E continuamos co "mes do libro"! O alumnado do Club de lectura gozou hoxe da visita de Rocío Leira, autora de A afogada, novela lida durante a segunda avaliación. Falounos da súa traxectoria como escritora, do proceso da escrita e compartimos con ela a nosa análise dos diferentes personaxes e dos temas que aparecen no libro: as persoas con altas capacidades, o maltrato...
Moitas grazas, Rocío, pola túa visita!
Chegou o Día do Libro, e que mellor xeito de celebralo que recomendando lecturas? Por iso esta semana estivemos posando coas nosas suxestións na biblioteca: narrativa, ciencia, manga, poesía, cómic... E o resultado é a seguinte montaxe. Esperamos que vos guste!
Hoxe o alumnado de 3º e 4º ESO asistiu no IES Agra de Raíces a un encontro co profesor de Filosofía e escritor Xosé Ricardo Losada, autor da novela A casa xunto ao volcán, lida durante a primeira avaliación. Este foi o primeiro dos varios encontros que neste "mes do libro" terá o noso alumnado con autores e autoras.
O alumnado de 1º, 2º e 3º ESO asistiu onte no Palacio da Ópera da Coruña ao concerto didáctico Flamenco, Classic, Swing y las ganas de vivir. Tamén visitou a Domus, onde gozou de diversas actividades interactivas.
Hoxe celebramos o Día Internacional da Muller cun concerto, organizado polo Concello, do grupo The Tetas' Van, que interpretou versións en galego de temas coñecidos, reivindicando a igualdade plena, a liberdade de expresión e a importancia do papel das mulleres na sociedade.
 |
881 960 528 |
 |
ies.findocamino@edu.xunta.es |
