Skip to Content

Información sobre entrega de boletíns e proceso de matrícula para o curso 22-23

  • ENTREGA DE NOTAS

O día de entrega de notas é o luns día 27 de xuño ás 11.00  horas (non haberá trasporte escolar).

O alumnado que teña libros do centro  deberá devolvelos antes da entrega de notas.

O alumnado  que non continue no centro no curso 22-23 deberá devolver o ordenador Edixgal, nos prazos establecidos.

Xunto coas notas entregaranse os documentos necesarios para a matrícula do curso 2022-23.

  • PRAZO DE RECLAMACIÓNS  28 e 29 de Xuño. 

 

  • MATRÍCULA PARA O CURSO 22-23.

O prazo da matrícula ordinaria para o curso 2022-23 comeza o día 27 de xuño. Para evitar aglomeracións, pregamos, sempre que sexa posible, que se respecte o seguinte calendario, en horario de 10.00  a 13.00 horas:

-Alumnado que se matricule en 1º da ESO o 28 de xuño.

-Alumnado que se matricule en 2º da ESO o 29 de xuño.

-Alumnado que se matricule en 3º da ESO o 30 de xuño.

-Alumnado que se matricule en 4º da ESO o día 1  xullo.

 

Achéganse, como documentos adxuntos, os impresos de matrícula, que poderán ser descargados e cubertos.

Documentación a entregar   

Impresos: 1º ESO  2º ESO  3º ESO 4º ESO

 

 

 

 

 

 

Excursión do Club de Ciencia e o Club de lectura a Santiago

O mércores o alumnado integrante dos dous clubs visitou en Santiago o Museo de Historia Natural e librerías especializadas en cómic e literatura infantil e xuvenil. Un merecido agasallo!!

Ver imaxes

Obradoiro de Ciencia divertida

O luns pasado o Club de Ciencia e o Club de lectura gozaron dunha comida conxunta para celebrar o remate das súas reunións neste curso tan repleto de lecturas e actividades. Despois de xantar, participaron nun obradoiro de Ciencia divertida no laboratorio. Un bo xeito de rematar a temporada!

Ver imaxes

Excursión a Allariz

O alumnado de 1º e 2º ESO gozou dunha excursión a Allariz enmarcada no Proxecto Terra, no que participa o noso centro. Visitaron Sta. Mariña de Augas Santas, achegándose ao Forno da Santa e ao Castro de Armeá; realizaron diversas actividades no Centro de Educación Ambiental do Rexo, e coñeceron o centro histórico de Allariz, o Museo do Coiro, o Museo da Moda e o Museo do Xoguete, exemplos de actuacións significativas de recuperación do patrimonio etnográfico da vila. Foron dous días ben intensos!

Ver imaxes

Participación no fondo solidario de libros de texto e axudas para adquirir libros de texto e material escolar da ESO 2022/2023

 No DOG do día 18 de maio de 2022 publícase a Orde do 29 de abril de 2022 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2022/23.

O IES Fin do  Camiño está incluído no proxecto educación dixital (E-DIXGAL), polo tanto, o  alumnado está excluído da participación no fondo solidario de libros de texto e das axudas para adquirir libros de texto. Non obstante, terá dereito á axuda para adquirir material escolar, así como ás establecidas nas disposicións adicionais primeira e segunda, se reúne os requisitos establecidos nesta orde.

Prazo: remata o 22 de xuño de 2022 (incluído)

Presentación:

-Forma presencial  no centro  educativo  cos impresos ( anexo I;e II) que entregaremos ao alumnado en papel .

-Vía electrónica,na aplicación informática Fondolibros (https://www.edu.xunta.gal/fondolibros), a través da sede electrónica da Xunta de Galicia: https://sede.xunta.gal.

 Documentos:enlace a orde  e impresos de solicitude Anexo I e II

 

1ª Liga Maker Drone Galicia

O noso centro foi un dos dezaoito seleccionados para participar onte na 1ª Liga Maker Drone Galicia, organizada pola Fundación Barrié e o Instituto Tecnolóxico e Galicia (ITG). O reto ao que se enfrontaron foi deseñar e programar un dron  capaz de recoller auga, transportala e acceder, desde o exterior, á planta dun edificio no que había un incendio simulado para contribuír á súa extinción no menor tempo posible. Parabéns ao noso equipo polo seu traballo!

Ver imaxes

Letras Galegas 2022

O venres tivo lugar na nosa pequena carballeira o acto de inauguración da celebración das Letras Galegas. A carón dun maio, evocando o Valdeorras natal de Florencio Delgado Gurriarán, tres alumnas e un alumno recitaron algúns dos seus poemas. Durante a última sesión da mañá os seus versos seguiron soando nun espectáculo de maxia a cargo de Martín Camiña.

O alumnado continuará realizando actividades centradas na figura do poeta homenaxeado ao longo de todo o mes de maio.

Ver imaxes

Ver díptico



by Dr. Radut