Hoxe tivo lugar no noso centro unha xornada de presentación da 1ª Liga Maker Drone de Galicia na que participará parte do alumnado de 3ºESO. Organizada pola Fundación Barrié e a Fundación Instituto Tecnolóxico de Galicia (ITG), é a primeira competición a nivel autonómico que presenta o reto de construír un sistema drone enfocado á solución dun problema social particular.

O domingo 24 de outubro foi o Día das Bibliotecas. Para celebralo, a semana pasada visitamos co alumnado de 1ºESO a Biblioteca Municipal de Fisterra Casa do Arco, onde nos explicaron a súa organización, funcionamento e as diferentes localizacións que tivo ao longo do tempo. Aproveitamos a ocasión para conseguir o noso carné de lectores e lectoras... e a gozar dos libros!