Novas Consellería

Summary: 

O conselleiro subliña o reforzo da oferta de FP Dual Intensiva e dos másteres con novos ciclos en Vilagarcía e Sanxenxo

Agradece a implicación de Thune Eureka, que amplía a colaboración con tres novos proxectos incluído un dos 13 títulos de alta especialización exclusivos de Galicia

Idioma Gallego

O conselleiro de Educación, Ciencia, Universidades e FP, Román Rodríguez, visitou esta mañá as instalacións da empresa Thune Eureka en Vilagarcía de Arousa, para coñecer de primeira man a súa experiencia coa FP Dual Intensiva desde o curso 2022-23, unha colaboración que se vai reforzar para o vindeiro 2024-25 con novas prazas e proxectos.

Na súa visita, na que estivo acompañado pola directora xeral de FP, Eugenia Pérez, o conselleiro subliñou o incremento da FP na comarca de Salnés-Arousa, especialmente na Dual intensiva e nos másteres, que se materializa nun incremento de preto dun 9% ata acadar as 1.527 de novo ingreso para o próximo curso.

En Vilagarcía de Arousa, o conselleiro destacou o reforzo da FP Dual intensiva no Centro Integrado de FP CIFP Fontecarmoa, con 22 novas prazas no ciclo de grao medio Instalacións eléctricas e automáticas, ou novo grupo de Mecatrónica Industrial. No que atinxe aos másteres, entran novos o de Redacción de contidos dixitais para márketing e vendas no Fontecarmoa e o de Ciberseguridade en contornos das tecnoloxías da información no Instituto IES Armando Cotarelo Valledor. Así mesmo, en FP Dual xeral entran en funcionamento novos grupos do grao superior de Comercio Internacional e Documentación e administración sanitaria, con 50 prazas cada un deles.

Na mesma comarca, en Sanxenxo ofértase como novidade para o vindeiro curso o ciclo de FP Dual Intensiva de Automoción, que se impartirá por primeira vez no Instituto IES de Vilalonga, con 22 prazas.

Colaboración con Thune Eureka en alta especialización

O titular de Educación explicou que esta oferta “ampla, variada e de calidade”, que acada as 46.714 prazas de novo ingreso no conxunto de Galicia, é froito “dun labor de coordinación e de colaboración” entre administración e tecido socio-produtivo como é o caso da empresa Thune Eureka, a quen agradeceu a súa implicación coa Formación Profesional galega.

Precisamente, froito da demanda desta firma especializada como provedora de servizos completos de fabricación de bens, a partir de setembro empezará a impartirse o título de alta especialización de Mantemento electromecánico con oferta parcial do ciclo medio de Mecanizado no Instituto IES Plurilingüe de Valga, un dos 13 novos deste tipo que haberá en Galicia. 

Román Rodríguez explicou a importancia do proceso “de escoita previa” por parte da administración para deseñar unha oferta de FP axustada ás preferencias do alumnado e ás demandas do tecido socioeconómico. A este reto responde precisamente o deseño de titulacións de alta especialización “que son exclusivas de Galicia e que están feitas á medida de cada empresa”, especificou.

Así pois, a colaboración da Xunta con Thune Eureka en materia de FP reforzarase de cara ao vindeiro curso  cun total de ciclo prazas ofertadas. Unha delas é a mencionada de alta especialización en Valga e outras catro correspóndense co ciclo de FP Dual Intensiva de Soldadura e caldeiraría (dúas no Instituto Plurilingüe de Valga e outras dúas no Instituto Johan Carballeira de Bueu), que comezarán a impartirse a partir de setembro logo de pechar os acordos de colaboración pertinentes.

Estas prazas engádense ás dúas de FP Dual Intensiva de Mecanizado que comezaron este ano no Centro Integrado de FP CIFP Fontecarmoa (Vilagarcía) e que continuarán o vindeiro curso.  

Todos estes ciclos forman parte da familia profesional de Fabricación mecánica, cuxa oferta medra preto dun 16% ata acadar as 2.107 prazas novas no vindeiro curso. 

Información xeral Consellería de Educación, Ciencia, Universidades e Formación Profesional

Summary: 

A Consellería de Educación adxudicou en xaneiro a redacción do proxecto do instituto, que está na súa recta final, para poder licitar despois a obra

Será o primeiro instituto que se axuste aos parámetros do Plan de Nova Arquitectura Pedagóxica

Idioma Gallego

O conselleiro de Educación, Ciencia, Universidades e FP, Román Rodríguez, vén de asinar o convenio para que o Concello de Vigo ceda os terreos para a construción do novo instituto de Navia, que recibirá o nome do escritor Domingo Villar, no que a Xunta de Galicia vai investir 14M€. O documento foi remitido xa ao Goberno municipal.

No convenio, o Concello de Vigo comprométese a aceptar a cesión de uso da parcela correspondente á segunda modificación puntual do Plan Parcial de San Paio de Navia e poñela a disposición do departamento educativo da Xunta para a construción do centro.

De feito, a Xunta adxudicou a redacción do proxecto en xaneiro á UTE formada polas empresas Iglesias y Veiga Arquitectos e Mestura Arquitectes, por un importe de 328.000€. Os traballos sobre este documento están na súa recta final para a súa posterior entrega ao Goberno galego para poder licitar a obra.

Cómpre lembrar que os Orzamentos de 2024 xa contemplan este actuación, dividida en tres anualidades, cunha cantidade de 103.769,45€ no ano 2024, 6.761.639€ no 2025 e 6.761.639€ no 2026. Con todo, o orzamento de licitación definitivo deberá axustarse á contía económica definida que determine o proxecto.

A maiores, o Concello de Vigo comprométese a axilizar todos os trámites municipais de posta a disposición dos terreos necesarios, concesión de licenzas de obras, primeira ocupación e actividade, unha vez comprobada a adecuación do proxecto á normativa técnica e urbanística de aplicación, e o axuste das obras a licenza outorgada.

Constitúese, así mesmo, unha Comisión Mixta de seguimento do convenio, integrada por tres membros de cada unha das partes, que se fará cargo de resolver as cuestións técnicas que xurdan arredor do acordo.

Plan de Nova Arquitectura Pedagóxica

O novo instituto, que atenderá as necesidades educativas derivadas da dinámica poboacional nunha área de expansión como é o barrio de Navia, deseñarase seguindo as especificidades académicas, tecnolóxicas e de sostibilidade recollidas no Plan de Nova Arquitectura Pedagóxica da Xunta para todas as actuacións que se acometen en centros educativos. Será o primeiro instituto construído en base a estes parámetros.

O novo instituto terá capacidade para arredor duns 700 alumnos de ESO e Bacharelato e ocupará unha superficie total de preto de 8.200 m². En consonancia co Plan de Nova Arquitectura Pedagóxica, propóñense espazos docentes acolledores e interactivos, que fomenten novos modelos de aprendizaxe, dinámicos e adaptables. Ademais, o edificio construirase pensando en reducir nun 30% o consumo enerxético respecto de edificios similares.

Información xeral Consellería de Educación, Ciencia, Universidades e Formación Profesional

Summary: 

A directora xeral de Ordenación e Innovación Educativa asiste á inauguración deste espazo, unha actuación que se acomete a través do Plan de Mellora de Bibliotecas Escolares

Idioma Gallego

A directora xeral de Ordenación e Innovación Educativa, Judith Fernández, e a delegada territorial da Xunta en Vigo, Ana Ortiz, asistiron hoxe á inauguración da nova biblioteca do Instituto IES Santa Irene de Vigo, que a través do Plan de Mellora de Bibliotecas Escolares (Plambe) da Xunta de Galicia puido acometer obras de renovación e ampliación deste lugar.

Con esta actuación, o centro recupera unha parte do espazo da biblioteca que antes estaba dedicada a almacenaxe de arquivos e, agora, será empregada como sala de consultas e traballo. Esta nova zona complementa, así, ao outro gran espazo da biblioteca escolar onde se desenvolven as actividades de lectura. “A iniciativa ten un mérito especial ao tratarse dun centro histórico no corazón da cidade de Vigo”, sinalou Judith Fernández.

A Consellería de Educación, Ciencia, Universidades e FP, a través do Plambe, leva investido na biblioteca escolar do IES Santa Irene máis de 28.000 euros. Un orzamento co que puido renovar o mobiliario e a tarima, ademais de adquirir material informático para dotar o espazo de novas tecnoloxías.

820 centros no Plambe

O Plambe ten como obxectivo mellorar estes espazos educativos que exercen “un papel fundamental na mellora das competencias académicas do alumnado e contribúen a reforzar a calidade do conxunto do sistema”, indicou a representante da Xunta. Coa mellora dos seus recursos búscase impulsar a comprensión lectora, o uso das bibliotecas como laboratorios creativos de aprendizaxe ou o estímulo do hábito lector entre toda a comunidade escolar.

Este curso, o Goberno galego repartiu un total de 1,5M€ entre 820 centros educativos, dos que 28 foron de nova incorporación. Grazas ao financiamento da Consellería, os novos centros actualizaron os seus fondos documentais, renovaron mobiliario e adquiriron novo equipamento.

Información xeral Consellería de Educación, Ciencia, Universidades e Formación Profesional

Summary: 

Asistirá a unha audiencia con Felipe VI e realizará unha visita ao Palacio Real

Á fase autonómica do certame concorreron 1.218 traballos de 109 centros educativos

Idioma Gallego

O director xeral de Centros e Recursos Humanos, Jesús Álvarez, xunto coa coordinadora de Programas da Fundación Institucional Española (FIES), Victoria Revilla, e Óscar Aragón Fernández, representante institucional da Fundación Orange, participou hoxe no acto no que se deu a coñecer o nome do gañador da fase autonómica da 43ª edición do concurso Que é un rei para ti?.

Abril Castro Purriño, alumna de 6º de Primaria do colexio CPR Cervantes de Lugo, resultou gañadora en Galicia deste certame, promovido por FIES e Fundación Orange. O seu traballo O carrusel de España, amosa todas as comunidades autónomas movéndose e xirando de xeito harmónico nun tiovivo encabezado polo monarca.

A alumna vencedora asistirá, xunto co resto de representantes doutras rexións, a unha audiencia co rei Felipe VI e realizará unha visita ao Palacio Real. En total tomaron parte da fase galega 1.218 traballos realizados procedentes de 109 centros educativos.

Traballos en novos formatos

O obxectivo do concurso é fomentar nos nenos e nenas de 8 a 13 anos unha primeira toma de contacto coa figura do monarca, coa historia da Coroa e o seu papel na sociedade actual. Pode participar nel todo o alumnado de 3º, 4º, 5º e 6º de Educación Primaria, e de 1º e 2º de Educación Secundaria Obrigatoria

En liña coa transformación dixital que está a experimentar a sociedade, foméntase a presentación de traballos en novos formatos como infografías, proxectos ligados á robótica ou animación en 3D, xunto a outras formatos máis tradicionais (debuxo, escultura, redacción, etc.). No acto de hoxe, realizouse tamén a exposición dos 40 traballos finalistas en Galicia, que amosan mediante a imaxinación, a creatividade, o talento e o esforzo, a particular visión do alumnado arredor da figura de Felipe VI.

Información xeral Consellería de Educación, Ciencia, Universidades e Formación Profesional

Summary: 

Participa na entrega de premios estatais do Plan Director para a convivencia e mellora da seguridade escolar, que este ano se celebran no Colexio CPI do Toural de Vilaboa, un dos centros recoñecidos

A profesora Edelmira Parga, do Instituto IES Perdouro de Burela, tamén é unha das galardoadas neste proxecto

A Xunta de Galicia reforza esta área con distintas propostas e medidas a través da Estratexia de Convivencia e do Plan integral contra o acoso e o ciberacoso

Idioma Gallego

O conselleiro de Educación, Ciencia, Universidades e FP, Román Rodríguez, participou hoxe na entrega de premios estatais do Plan Director para a convivencia e mellora da seguridade escolar nos centros educativos e a súa contorna, concedidos polo Ministerio de Interior e que este ano se celebran no Centro Público Integrado CPI do Toural de Vilaboa, un dos colexios premiados nesta edición, xunto coa profesora Edelmira Parga, do Instituto IES Perdouro de Burela.

 

O representante da Xunta de Galicia aproveitou para felicitar aos dous centros galegos galardoados. Á mestra Edelmira Parga polo seu traballo a prol da convivencia nas aulas e, en especial, “a prol da integración dun colectivo moi particular, o do alumnado de Cabo Verde”, mentres que ao CPI do Toural pola “súa gran implicación na curtametraxe sobre o acoso que puidemos ver neste acto e na organización de charlas con policías nacionais e gardas civís”, facendo destes dous centros galardoados un referente da integración, da pluralidade, da universalidade e do esforzo por abrir a educación a todo o mundo.

 

O Plan Director é un proxecto desenvolvido en toda España que busca sensibilizar, previr e detectar as situacións de risco entre o alumnado, así como mellorar o coñecemento sobre os recursos policiais para contribuír á súa seguridade. O proxecto, que se realiza de maneira coordinada cos Corpos e Forzas de Seguridade do Estado e coas autoridades educativas a través diversas actividades, ten como obxectivo formar ao alumnado no respeto aos dereitos e liberdades, ademais de favorecer o incremento da vixilancia policial nas inmediacións dos centros.

 

No acto de hoxe entregáronse unha trintena de premios a centros educativos e equipos docentes de toda España, así como a Gardas Civís e Policías Nacionais, servindo como “recoñecemento ao traballo feito a prol da convivencia, un deber social e colectivo de todos”, asegurou o conselleiro. “Temos un gran labor no que a educación non pode quedar ao marxe, pois a convivencia é unha das claves do éxito educativo e o que sementemos hoxe nas aulas, imos recollelo mañá na sociedade. Administracións e sociedade debemos identificar e corrixir aquelas conductas que van contra a convivencia das persoas”, salientou.

 

Convivencia nas aulas

A Consellería de Educación, Ciencia, Universidades e FP, consciente da importancia de fomentar un espazo san nas aulas, conta con diversos programas para facer fronte aos distintos retos a través da Estratexia galega de convivencia escolar 2025. “Esta área é unha das principais necesidades ás que responder na educación tanto no presente como no futuro”, destacou Román Rodríguez, quen recordou que en Galicia “desenvolvemos numerosas iniciativas encamiñadas a combater a desigualdade, a exclusión ou os problemas de convivencia grazas ao traballo conxunto de toda a comunidade educativa”, algo que se reflexa en bos resultados como é o caso da prohibición do uso do móbiles nas aulas, onde “os datos amosan que mellorou a convivencia e a interacción entre o alumnado, así como a redución do ciberacoso”.

 

A Estratexia galega de convivencia escolar 2025 é a folla de ruta da Xunta enfocada a afianzar un bo clima nas aulas e a consolidar un modelo de convivencia inclusiva, equitativa e de calidade, do que forma parte o Plan Integral contra o acoso e ciberacoso. Este plan fundaméntase na prevención, na detección precoz e na acción coordinada de todos os axentes implicados para garantir que os centros educativos son espazos seguros e de confianza. Así mesmo, a Consellería promove a convivencia nas aulas a través de guías de uso responsable en redes, coa creación dunha identidade dixital segura ou ofertando competencias para a xestión informativa.

 

Ademais, o Goberno galego traballa na promoción da igualdade entre homes e mulleres, na inclusión e na non discriminación. Unha serie de medidas que se reflexan en recoñecementos como “o que hoxe lle facemos ao CPI do Toural e a profesora Edelmira Parga, os que constitúen un exemplo para toda Galicia polos fitos logrados no campo da convivencia”, concluíu o titular de Educación.

 

Información xeral Consellería de Educación, Ciencia, Universidades e Formación Profesional

Summary: 

A directora da Axencia Galega de Innovación participa na reunión de directores de alto nivel desta Iniciativa, unha alianza de 38 rexións europeas interesadas en estimular a innovación a través da colaboración interrexional

Pola tarde, Carmen Cotelo reúnese coa directora da Rede de Investigación e Innovación das Rexións Europeas (ERRIN) para establecer colaboracións máis estreitas con outras rexións europeas

Idioma Gallego

A directora da Axencia Galega de Innovación (GAIN) da Xunta de Galicia, Carmen Cotelo, participou esta mañá en Namur (Bélxica) na reunión de directores de alto nivel da Vanguard Initiative, unha alianza formada por 38 rexións europeas, da que Galicia forma parte dende 2015, que ten como obxectivo estimular o crecemento europeo baseado na innovación a través da colaboración interrexional e a especialización intelixente.

 

No marco da xuntanza, presentouse un informe sobre a posición desta Iniciativa ao respecto da orientación das novas políticas europeas de innovación. A proposta reclama unha política de innovación europea baseada en aproximacións colaborativas e nos principios da especialización intelixente. Así mesmo, presentáronse boas prácticas a nivel rexional sobre como organizar e mobilizar intermediarios e entidades claves, incluídas as pemes, para maximizar o impacto da Iniciativa.

 

Pola tarde, a representante da Consellería de Educación, Ciencia, Universidades e FP reúnese en Bruxelas con representantes da Rede de Investigación e Innovación das Rexións Europeas (ERRIN nas súas siglas en inglés), da que Galicia forma parte xunto a outras preto de 120 rexións de 20 países europeos. O obxectivo do encontro é intentar establecer colaboracións máis estreitas con outras rexións europeas en eidos estratéxicos para Galicia. ERRIN apoia aos seus membros na mellora das súas capacidades rexionais e locais de innovación e investigación e no desenvolvemento dos seus ecosistemas de I+D+i.

 

No marco desta viaxe a Bruxelas Carmen Cotelo mantivo onte tamén varias reunións de traballo con representantes da Dirección Xeral de I+D+i da Comisión Europea e do Consello Europeo de Investigación para coñecer as oportunidades que ofrecen as novas iniciativas e fondos europeos ao ecosistema galego de I+D+i e posicionar a Galicia como un referente en distintos ámbitos como a biotecnoloxía, deep tech ou os programas de captación e retención de talento como Oportunius. Así mesmo, reuniuse con Ana Ramos, directora da oficina de Bruxelas da Fundación Galicia Europa, coa que a axencia colabora en políticas e programas europeos de I+D+i.

 

Información xeral Consellería de Educación, Ciencia, Universidades e Formación Profesional

Summary: 

As persoas interesadas poderán presentar as súas solicitudes ata o 6 de xullo para optar a lograr un galardón dotado con 1.000€ e un diploma acreditativo

Idioma Gallego

O alumnado que remate este curso 2023/24 os estudos de ESO con resultados excelentes poderá optar aos premios extraordinarios ao rendemento académico. A Xunta de Galicia abre a convocatoria na que un total de 20 alumnos poderán obter este galardón, dotado con 1.000 euros e un diploma acreditativo.

 

Para poder acadar este premio, os interesados deberán ter obtido no conxunto dos catro cursos da ESO unha nota media igual ou superior a nove puntos. O prazo de presentación de solicitudes estará aberto ata o 8 de xullo, e formalizaranse preferiblemente por medios electrónicos a través da aplicación dispoñible no Portal Educativo ou desde a sede electrónica da Xunta de Galicia.

 

O alumnado deberá realizar, a maiores, un exame presencial sobre materias de 4º da ESO que terá carácter único en todo o territorio galego e que se celebrará o 4 de setembro. A proba estruturase en dúas partes. A primeira delas constará de diversas cuestións referidas ás materias Lingua galega e literatura, Lingua castelá e literatura (agás exencións recoñecidas) e Primeira lingua estranxeira. Na segunda parte o alumnado dará resposta a diversas cuestións teóricas e prácticas de Xeografía e historia, Matemáticas orientadas ás ensinanzas académicas ou Matemáticas orientadas ás ensinanzas aplicadas (a escoller) e dunha das seguintes materias a escoller: Bioloxía e xeoloxía, Economía, Física e química, Latín, Ciencias aplicadas á actividade profesional, Iniciación á actividade emprendedora e empresarial ou Tecnoloxía.

 

A primeira parte da proba desenvolverase nun tempo máximo de dúas horas, mentres que a segunda parte contará cun tempo máximo de 90 minutos. Os exercicios cualificaranse entre 0 e 10 puntos cun decimal e para poder aspirar ao premio, o alumnado participante deberá obter, como mínimo, 5 puntos en cada unha das materias.

 

Información xeral Consellería de Educación, Ciencia, Universidades e Formación Profesional

Summary: 

Román Rodríguez presenta unha oferta “ampla, variada e de calidade” con 46.714 prazas de novo ingreso froito do diálogo co sistema socioeconómico

As prazas medran en 24 das 25 familias profesionais que se poden cursar en Galicia, con incrementos que superan o 20% en catro delas e o 10% noutras 11

As familias de Informática e comunicacións, Hostalaría e turismo e Comercio e márketing suman máis 400 prazas de crecemento con respecto ao actual curso

O titular de Educación asegura que “todo aquel que o desexe, pode atopar un oco na FP, cunha formación case á carta que se adapta ás necesidades de cada persoa”

Idioma Gallego

A Xunta amplía a Formación Profesional para o vindeiro curso en Galicia na práctica totalidade das familias profesionais así como en todas as áreas territoriais, o que blinda una oferta “ampla, variada e de calidade” cun total de 46.714 prazas de novo ingreso que foron deseñadas “en base ao diálogo entre a comunidade educativa os sectores socioeconómicos”.

 

Así o salientou esta mañá o conselleiro de Educación, Ciencia, Universidades e FP, Román Rodríguez, durante a presentación da oferta formativa para o curso 2024-25 por comarcas e especialidades, nun acto celebrado no Centro Integrado de FP, CIFP Compostela, en Santiago, no que estivo acompañado pola directora xeral de FP, Eugenia Pérez.

 

O titular de Educación subliñou que con esta “cifra récord”, que medra nun 11% con respecto ao actual curso e que supón a conformación de 1.799 grupos de clase, búscase “que todo aquel que o desexe, atope un oco na FP, cunha formación case á carta que se adapta ás necesidades e aos intereses de cada persoa”.

 

Así pois, quen desexe estudar un ciclo de FP o próximo curso, poderá escoller entre 214 titulacións diferentes -17 delas de nova implantación- repartidas en 153 ciclos de grao medio, básico e superior, 22 másteres, 24 títulos de alta especialización e 15 programas formativos orientados a persoas con necesidades educativas especiais.

 

Segundo Román Rodríguez, esta oferta reforzada contribuirá a “blindar a igualdade de oportunidades como sinal de identidade” do sistema educativo galego do cal forma parte a Formación Profesional.

 

Familias profesionais e territorios

No que atinxe ás familias profesionais, as prazas increméntanse en 24 das 25 que existen en Galicia, das cales catro delas medran por riba do 20% e outras 11 delas fano por riba do 10%. Como exemplo deste crecemento cómpre destacar a familia de Industrias extractivas (+46,67%), Edificación e Obra civil (+29,27%), Instalación e mantemento (+22,50%) e Seguridade e medio ambiente (+20,75%).

 

Se atendemos ás cifras absolutas, hai dez familias profesionais que incrementan o seu número en máis de 200 prazas con respecto a este ano. Entre elas destacan as familias Informática e comunicacións (que suman 534 prazas máis sobre as xa existentes), Hostalaría e turismo (483 máis) e Comercio e márketing (442 máis).

 

Impulso do rural

Se atendemos aos datos territorializados, a oferta medra en todas as áreas de Galicia, consolidándose a tendencia á alza nas zonas metropolitanas maiormente poboadas, con Vigo á cabeza, que aglutina o 22% da oferta total da comunidade autónoma, e a área da Coruña que aumenta as prazas nun 12,74% ata acadar as case 9.500.

 

Non obstante, faise fincapé no reforzo da oferta nas áreas rurais onde, en palabras de Román Rodríguez, “a FP actúa como vector de desenvolvemento, axuda a fixar poboación, a crear postos de traballo, a crear riqueza e a facer país”. Non en balde, o vindeiro curso ofértanse un total de 7.631 prazas no rural, o que representa un 11,5% máis (789 prazas máis) ca no actual curso e máis que nunca.

 

Entre eles cómpre destacar títulos como Produción agroecolóxica (Arzúa e Ribadeo), Soldadura e caldereiría (Cee, A Pontenova e As Pontes), Química e saúde ambiental (Burela) ou Deseño e amoblamento (A Estrada e Melide), entre un amplo abano de oferta.

 

Alta especialización

Outro dos eidos destacados en canto a impulso para o vindeiro curso son as titulacións de alta especialización que son exclusivas de Galicia e que, segundo explicou o conselleiro, “atenden ao reto de avanzar nun sistema de FP de alta cualificación atendendo a unha demanda específica por parte do sistema produtivo co deseño de titulacións ad hoc.

 

O vindeiro curso poderanse estudar un total de 24 titulacións de alta especialización configuradas como dobres titulacións ou combinacións de ciclos, másteres e cursos de distintos títulos, 13 delas de nova implantación. Hai un total de 623 prazas (un 52% máis que no actual curso) que se reparten en 27 grupos de aula por toda Galicia.

 

File: 

Oferta FP Curso 2024/25 Información xeral Consellería de Educación, Ciencia, Universidades e Formación Profesional

Summary: 

A directora da Axencia Galega de Innovación, Carmen Cotelo, mantén un encontro de traballo con responsables da Dirección Xeral de I+D+i da Comisión Europea e do Consello Europeo de Investigación (ERC nas súas siglas en inglés)

No transcurso da xornada vese tamén coa dirección da Fundación Galicia Europa, coa que colabora en materia de políticas e programas europeos no ámbito da I+D+i

Idioma Gallego

A directora da Axencia Galega de Innovación (GAIN), Carmen Cotelo, mantivo hoxe en Bruxelas varias reunións de traballo con representantes de distintas institucións europeas para coñecer as oportunidades que ofrecen as novas iniciativas e fondos europeos ao ecosistema galego de I+D+i e posicionar a Galicia como un referente en distintos ámbitos como a biotecnoloxía, deep tech ou os programas de captación e retención de talento como Oportunius.

 

A primeira hora da mañá, a representante da Xunta de Galicia mantivo un encontro con Jorge Molina Villanueva e con Giuseppina Luvara, da Dirección Xeral de I+D+i da Comisión Europea. Neste marco, Carmen Cotelo interesouse pola nova iniciativa da Comisión para impulsar a biotecnoloxía e a biofabricación, polo seu potencial para impulsar sectores como o farmacéutico, o sanitario, o alimentario ou o industrial e a súa contribución a unha Unión Europea máis competitiva e resiliente. Así mesmo, a directora de GAIN expuxo as prioridades de Galicia neste ámbito incluídas na Estratexia de Consolidación da Biotecnoloxía en Galicia 21-25, que ten como obxectivo avanzar no posicionamento de Galicia como Comunidade referente en biotecnoloxía.

 

A continuación, reuniuse con José Labastida, xefe da unidade de Apoio ao Consello Científico do Consello Europeo de Investigación (ERC). Na xuntanza, abordaron posibles medidas para dinamizar a participación do persoal investigador excelente nesta e noutras convocatorias europeas e para atraer candidatos, finalistas e gañadores das axudas do ERC, ademais das que xa se están a poñer en marcha a través do programa Oportunius, que desde a súa posta en marcha apoiou a 31 investigadores principais.

 

Por último, a representante da Consellería de Educación, Ciencia, Universidades e FP mantivo tamén un encontro con Ana Ramos, directora da oficina de Bruxelas da Fundación Galicia Europa, coa que colabora en políticas e programas europeos de I+D+i.

 

Información xeral Consellería de Educación, Ciencia, Universidades e Formación Profesional

Summary: 

“Fomos unha comunidade pioneira que se adiantou ás tendencias globais neste eido para avanzar na atracción de talento, investimento e actividade empresarial”, di

O conselleiro participa na presentación da segunda edición do Galicia Biodays, que se celebra o 12 e 13 de xuño en Vigo co apoio do Goberno galego

Idioma Gallego

O conselleiro de Educación, Ciencia, Universidades e FP, Román Rodríguez, destacou hoxe o papel de Galicia como referente na biotecnoloxía. Fíxoo na presentación da segunda edición do Galicia Biodays, o foro da industria da Biotecnoloxía e Ciencias da Vida no Espazo Atlántico Europeo, que se celebrará os días 12 e 13 de xuño en Vigo co apoio da Xunta. O encontro está organizado polo Clúster Tecnolóxico Empresarial das Ciencias da Vida (Bioga).

 

O conselleiro puxo en valor a aposta do Goberno galego por un sector “que marca a diferencia tanto en rendemento produtivo como en transformación innovadora”. Neste sentido, lembrou a posta en marcha da Estratexia de Impulso á Biotecnoloxía 2016-2020. “Fomos unha comunidade pioneira que soubo adiantarse ás tendencias globais no eido da biotecnoloxía e avanzar así na atracción de talento, de investimento e de actividade empresarial”, afirmou.

 

“Ese compromiso mantense intacto hoxe grazas a Estratexia de Consolidación do sector Biotecnolóxico de Galicia 2021-2025, que conta cun orzamento de 622M€ do que o investimento público son 430M€”, explicou Román Rodríguez, quen sinalou que xa se teñen captado máis de 200M€ de financiamento público estatal e europeo a través desta folla de ruta.

 

Un sector que medra

Román Rodríguez quixo tamén felicitar a Bioga pola súa contribución á mellora do posicionamento e cohesión do tecido biotecnolóxico galego. “Un sector que sigue medrando en Galicia e que, segundo a enquisa do Instituto Nacional de Estatística, empregou en 2022 a máis de 1200 investigadores e supuxo un gasto en I+D de máis de 127M€”, dixo.

 

Así mesmo, subliñou o impulso do clúster á dinamización do emprendemento e da colaboración entre centros de coñecemento e axentes produtivos, “en concordancia cunha das liñas de acción estratéxicas da Xunta arredor da ciencia, que é precisamente a transferencia do coñecemento ao tecido produtivo”, incidiu.

 

Polo de Innovación

A Estratexia de Consolidación do sector Biotecnolóxico de Galicia 2021-2025 ten como obxectivo avanzar no posicionamento de Galicia como rexión referente en biotecnoloxía, fomentar a xeración de negocio, e garantir a consolidación empresarial en torno a un Polo de Innovación Biotecnoloxía, que será a panca para o bioemprendemento e a atracción de empresas intensivas en I+D+i.

 

Isto supón estimular o uso da biotecnoloxía en todos os sectores produtivos, fomentando un ecosistema colaborativo baseado na transferencia de coñecemento. Entre os obxectivos específicos está o incremento do capital humano (un 20% no número de investigadores e un 25% no emprego do persoal cualificado) e o 50% do número de empresas biotecnolóxicas en Galicia, entre outros.

 

Desde a súa posta en marcha en 2021 acadáronse numerosos fitos, como a posta en marcha do biopolo do Centro de Fabricación Avanzada Sionlla Biotech, do Centro de Fabricación de Terapias Avanzadas de Galicia, do centro de investigación empresarial Mestrelab ou a ampliación e actualización da Plataforma de descubrimento de fármacos Innopharma, todos eles co apoio da Xunta de Galicia.

 

Información xeral Consellería de Educación, Ciencia, Universidades e Formación Profesional

Summary: 

Román Rodríguez destaca a aposta pola innovación e a cualificación cun total de 383 ciclos, másteres e títulos de alta especialización na área viguesa, que concentra o 22% do conxunto da oferta da comunidade autónoma

A cidade de Vigo contará con 18 ciclos de nova implantación, entre os que destaca un dos 13 títulos de alta especialización exclusivos de Galicia

Idioma Gallego

O conselleiro de Educación, Ciencia, Universidades e FP, Román Rodríguez, salientou hoxe que a nova oferta de FP, aprobada onte no Consello da Xunta, reforza a aposta por estas ensinanzas na área de Vigo. “É a máis ampla de toda Galicia e a única que supera as 10.000 prazas”, puntualizou. En concreto, a área viguesa contará o vindeiro curso con 10.477 prazas, o que supón un incremento de máis dun 4% respecto do actual ano académico.

 

O titular de Educación do Goberno galego fixo fincapé na aposta pola innovación e a cualificación cun total de 383 ciclos, másteres e títulos de alta especialización no conxunto da área viguesa, que concentra o 22% do conxunto da oferta da comunidade autónoma. Entre eles, cómpre destacar 48 de nova incorporación que son 5 ciclos de FP Dual Xeral, 27 ciclos de FP Dual Intensiva, 12 másteres e 4 titulacións de Alta Especialización.

 

Román Rodríguez, acompañado pola directora xeral de FP, Eugenia Pérez, e a delegada territorial da Xunta en Vigo, Ana Ortiz, deu conta da oferta de FP para esta área con motivo dunha visita ao Centro Integrado de FP Valentín Paz Andrade, onde asinou un convenio de colaboración con seis empresas para sumar á oferta deste centro o ciclo de grao medio en Condución de vehículos de transporte por estrada, na modalidade Dual Intensiva, un ciclo inédito que é a primeira vez que se implanta en Galicia.

 

Serán un total de 31 prazas as que se oferten no o ciclo de grao medio en Condución de vehículos de transporte por estrada. Grazas a elas, o alumnado, ademais da correspondente formación no centro educativo, realizará formación en Autocares González (10 prazas), Viajes Melytour (2 prazas), Autna (6 prazas), Autocares Galisur (5 prazas), Condado Tour (4 prazas) e Transportes Álvarez Vázquez de Mondariz (4 prazas).

 

Román Rodríguez subliñou o “alto nivel académico e a alta cualificación” que brindan as aulas do Valentín Paz Andrade a través da súa ampla oferta formativa que agora a Xunta reforza de cara ao vindeiro curso.

 

Alta especialización

Así pois, ademais deste ciclo Dual Intensivo, tamén vai ofertar o título de alta especialización en Construcións metálicas e oferta parcial de Automoción, un dos 13 novos deste tipo, “unha formación impulsada de xeito exclusivo por Galicia” atendendo a unha demanda específica por parte dos sectores produtivos, explicou o conselleiro.

 

Ademais destes novos proxectos, o CIFP Valentín Paz Andrade contará o ano que vén con outros cinco de Dual Intensiva, en concreto os ciclos de grao medio en Soldadura e caldeiraría, en Carpintería e moble, en Carrozaría e a dobre titulación en Instalacións frigoríficas e de climatización e en Instalacións de produción de calor, así como o ciclo o máster de FP en Mantemento e seguridade en sistemas de vehículos híbridos e eléctricos.

 

 

18 ciclos e 441 novas prazas na cidade de Vigo

No caso concreto da cidade de Vigo, a partir de setembro incorpóranse a maiores un total de 18 ciclos de nova implantación (3 de Dual Xeral, 12 de Dual Intensiva, 2 másteres e 1 título de alta especialización) que supoñen un total de 441 e que se suman aos que se viñan ofertando ata o de agora.

 

No caso concreto da FP Dual Intensiva (ata o de agora denominada FP Dual), na cidade de Vigo ofértanse un total de 20 ciclos con 468 prazas. Deles, 12 son ciclos novos, que suman 283 prazas, tal e como se reflicte na seguinte táboa:

 

Centro

Ciclo

Prazas

CIFP Audiovisual de Vigo

GS Son para audiovisuais e espectáculos

22

CIFP de Coia

GM Mecanizado

22

CIFP Manuel Antonio

GM Elaboración de produtos alimentarios

22

CIFP Manuel Antonio

GM Servizos en restauración

22

CIFP Manuel Antonio

GS Dirección de cociña

22

CIFP Manuel Antonio

GS Fabricación de produtos farmacéuticos, biotecnolóxicos e afíns

12

CIFP Manuel Antonio

GS Procesos e calidade na industria alimentaria

22

CIFP Valentín Paz Andrade

GM Carpintaría e moble

22

CIFP Valentín Paz Andrade

GM Carrozaría

22

CIFP Valentín Paz Andrade

GM Condución de vehículos de transporte por estrada

25

CIFP Valentín Paz Andrade

GM Soldadura e caldeiraría

30

IES A Guía

GM Comercialización de produtos alimentarios

30

IES A Guía

GS Xestión de vendas e espazos comerciais

30

IES de Teis

GS Estética integral e benestar

22

IES de Teis

GS Estilismo e dirección de peiteado

22

IES Politécnico de Vigo

GM Mantemento electromecánico

22

IES Politécnico de Vigo

GS Organización e control de obras de construción

22

IES Politécnico de Vigo

GS Proxectos de obra civil

30

IES Ricardo Mella

GM Coidados auxiliares de enfermaría

25

IES Ricardo Mella

GS Imaxe para o diagnóstico e medicina nuclear

22

 

(*)Destácanse en cor azul os títulos novos para o vindeiro curso. Os blancos xa se ofertaban

 

No tocante aos másteres de FP, ofertaranse 11 másteres con 130 prazas. Deles, dous son novos e suman 40 prazas (marcados en azul):

 

Centro

Ciclo

Prazas

IES de Teis

GS Intelixencia artificial e big data

30

CIFP Valentín Paz Andrade

GS Mantemento e seguridade en sistemas de vehículos híbridos e eléctricos

20

CIFP Audiovisual de Vigo

GS Audiodescrición e subtitulación

20

CIFP Manuel Antonio

GM Panadaría e bolaría artesanais

20

CIFP Valentín Paz Andrade

GS Auditoría enerxética

20

CIFP Valentín Paz Andrade

GS Fabricación aditiva

20

IES de Teis

GS Ciberseguridade en contornos das tecnoloxías da información

20

IES de Teis

GS Intelixencia artificial e big data

20

IES Politécnico de Vigo

GS Fabricación intelixente

20

IES Ricardo Mella

GM Instalación e mantemento de sistemas conectados a internet (IoT)

20

IES Ricardo Mella

GS Ciberseguridade en contornos das tecnoloxías de operación

20

 

(*)Destácanse en cor azul os títulos novos para o vindeiro curso. Os blancos xa se ofertaban

 

Respecto aos títulos de alta especialización, na cidade de Vigo haberá o vindeiro curso un total de catro titulacións e 82 prazas, unha delas nova:

 

Centro

Ciclo

Prazas

CIFP Valentín Paz Andrade

GM Dobre titulación en Instalacións frigoríficas e de climatización e en Instalacións de produción de calor

22

CIFP Valentín Paz Andrade

GS Construcións metálicas e oferta parcial de Automoción

22

IES Politécnico de Vigo

GS Curso de especialización de Robótica colaborativa e oferta parcial do ciclo de grao superior de Mecatrónica industrial

16

IES Politécnico de Vigo

GS Mecatrónica industrial e oferta parcial de Automatización e robótica industrial

22

 

Finalmente, no que atinxe á FP Dual xeral, súmanse 3 ciclos novos en Vigo, cun total de 96 prazas:

 

Centro

Ciclo

Prazas

IES A Guía

GS Transporte e loxística

52

IES de Teis

GS Estilismo e dirección de peiteado

22

CIFP Valentín Paz Andrade

GS Programación da producción en moldeamento de metais e polímeros

22

 

Información xeral Consellería de Educación, Ciencia, Universidades e Formación Profesional

Summary: 

O proxecto, que xa está en redacción, contará cun orzamento de 1,5 millóns de euros tal e como informou hoxe a Consellería de Educación no Parlamento

Idioma Gallego

A Xunta de Galicia acometerá a rehabilitación integral do Colexio CEIP Plurilingüe Barrié da Maza de Santa Comba, que contará cun orzamento de arredor de 1,5M€. Así o avanzou hoxe o secretario xeral técnico da Consellería de Educación, Ciencia, Universidades e FP, Manuel Vila, en resposta a unha pregunta na Comisión 4ª do Parlamento de Galicia.

 

“Este proxecto xa foi encargado a pasada lexislatura e agora reafirmamos o noso compromiso de rehabilitar este centro educativo”, indicou o representante da Consellería. “O proxecto xa está en redacción e, se todo vai segundo o que temos previsto, esperamos ter este verán o proxecto para despois aprobalo e licitalo canto antes e, así, poder estar no verán do ano que vén traballando na obra, que terá unha duración aproximada de nove meses”, engadiu. A actuación consistirá na substitución da cuberta, no illamento térmico, na renovación de toda a carpintería exterior e na interior en función do seu estado e no cambio de luminarias, entre outras.

 

Con esta obra, a Consellería de Educación garantirá que o CEIP Barrié da Maza conte cunhas instalacións modernas e adaptadas ás novas necesidades educativas. “Esta actuación súmase ao traballo xa feito en Santa Comba, onde xa investimos máis de 324.000 euros”, insistiu o secretario xera técnico sobre os centros educativos do concello. No caso do CEIP Pepe Xan de Baña, o colexio “conta coas infraestruturas necesarias para prestar un servizo educativo baixo os máximos estándares de calidade”, engadiu.

 

Un traballo de todas as administracións

Durante a súa intervención no Parlamento, Manuel Vila quixo recordar que todas as administracións públicas teñen competencias nos centros educativos, sendo “un traballo de todos, onde o Concello e o Ministerio deben asumir as súas responsabilidades”.

 

Pola súa parte, a Xunta de Galicia traballa desde fai anos na renovación das infraestruturas educativas. “O Goberno galego continuará actuando en función das necesidades dos centros, tendo en conta que en Galicia hai máis de 1.600 edificios cunha antigüidade media de 40 anos”, sinalou o secretario xeral técnico.

 

Así mesmo, desde o ano 2021 a Consellería de Educación actúa nos espazos educativos a través do Plan de Nova Arquitectura Pedagóxica, co que se están a investir 300M€ e baixo o que xa se realizaron máis de 1.300 obras de distinta envergadura. “Continuaremos planificando as actuacións de xeito progresivo co obxectivo de ofrecer un servizo educativo de calidade en todos os centros”, concluíu Manuel Vila.

 

Información xeral Consellería de Educación, Ciencia, Universidades e Formación Profesional

Summary: 

O conselleiro de Educación participa na inauguración da IV edición do Congreso Educativo, EducODS 2030, organizado polo Colexio CEIP Plurilingüe Número 1 de Tui

A iniciativa, que se prolongará ata o venres, busca facer reflexionar á comunidade educativa sobre “os retos e necesidades do presente e do futuro”

Idioma Gallego

O conselleiro de Educación, Ciencia, Universidades e FP, Román Rodríguez, participou hoxe na inauguración da IV edición do Congreso Educativo EducODS 2030, unha cita que organiza o Colexio CEIP Plurilingüe Número 1 de Tui arredor dos obxectivos de desenvolvemento sostible da axenda 2030.

 

Este evento, que conta coa participación dunha vintena de centros educativos da provincia de Pontevedra e de dous de Valença do Miño (Portugal), é unha ”chamada á colaboración plural, ampla e diversa con obxectivos comúns que benefician a todos por igual”, afirmou Román Rodríguez durante a inauguración. “Encontros coma este, no que os equipos docentes e o alumnado son protagonistas, son clave para reflexionar sobre os retos e necesidades do presente e do futuro”, engadiu.

 

No que atinxe ao eido da educación, o representante da Xunta comprometeuse a seguir traballando para “ofrecer as mellores ferramentas e recursos posibles” para acadar a igualdade de oportunidades. “Isto supón universalizar a experiencia educativa de xeito que ningún alumno, independentemente da súa condición, quede sen recibir a formación necesaria para ser parte do desenvolvemento social”, subliñou o conselleiro, quen remarcou a importancia de ofrecer un modelo educativo que sitúe “a inclusión e a calidade da atención no centro da programación”, así como “entender que a diversidade é a nosa maior fortaleza”.

 

Esta cita, que se prolongará ata o 7 de xuño, conta cunha feira na que os centros educativos participantes comparten ao longo dos catro días as súas experiencias educativas e competencias sobre os obxectivos de desenvolvemento sostible. Unha iniciativa que involucra á comunidade escolar e que, como dixo Román Rodríguez, “é responsabilidade de todos, pois todos debemos asumir os obxectivos de desenvolvemento sostible polo benestar colectivo de toda a mocidade”.

 

Centros participantes

Os centros educativos que participan nesta IV edición do Congreso Educativo, EducODS 2030 son os colexios CEIP Pazos de Reis (Pontevedra), CEIP Plurilingüe Nº2 (Tui), CEIP Coutada Beade (Vigo), CEIP Martínez Alonso (Pontevedra), CEIP Plurilingüe da Ribeira (O Porriño), CEIP Balaídos (Vigo), CEIP Pintor Antonio Fernández (Tomiño), CEIP Plurilingüe Nº1 (Tui), CEP Plurilingüe Pedro Caselles Beltrán (Tomiño), CPR Santa María – Maristas (Tui), CPR Plurilingüe Monterrey (Vigo), Seminario Menor de Tui, Centro de Educación Especial CEE de Panxón (Nigrán) e o Colexio Rural Agrupado CRA Mestra Clara Torres (Tui); os institutos IES San Paio (Tui), IES Indalecio Pérez Tizón (Tui) e IES Valadares (Vigo); a Asociación de Apoio a Persoas con Diversidade Intelectual - Aceesca (Pontevedra) e a Escola da Banda de Música Popular de Tui.

 

Ademais, os participantes neste encontro poderán asistir hoxe a un contacontos sobre a igualdade, a unha mesa redonda sobre o camiño para facer de Tui unha vila accesible e ao concerto da Banda de Música Xuvenil de Tui.

 

Xa mañá, mércores, inaugurarase a xornada educativa inclusiva na que varios expertos exporán ante os asistentes os seus estudos e traballos. Betina Represas falará sobre o papel da comunicación para crear vínculos sans; José Ramón Lago e Carmen Vaz porán en común a súa visión sobre a aprendizaxe cooperativa como recurso para a inclusión, e Raúl Bermejo centrarase na importancia do desenvolvemento da creatividade na infancia.

 

O xoves, o alumnado dos centros educativos de Tui dará forma a un show científico, ademais de participar nunha mesa redonda coa mestra Sara Luque sobre claves para mellorar a xestión de residuos no concello. A xornada rematará co concerto do Coro de Pazos de Reis e, finalmente, o venres celebrarase un encontro de carrilanas e clausurarase esta edición do programa ao ritmo dunha batucada.

 

Información xeral Consellería de Educación, Ciencia, Universidades e Formación Profesional

Summary: 

Resalta que Galicia contará o vindeiro curso “coa maior oferta de prazas de Formación Profesional” da súa historia

Son 4.540 prazas máis para cursar 214 titulacións diferentes de FP

Salienta que, ademais, amplíase o catálogo coa implantación de 17 novas titulacións: dous novos ciclos, outros dous másteres e 13 novos títulos de alta especialización

A oferta de alta especialización, moi demandada polo tecido empresarial, medra máis dun 52 % ata acadar as 623 prazas

A FP Dual medra un 45 % e os másteres fano por riba do 50 %

Continúase impulsando a oferta no rural galego, cun 11,5 % máis de prazas

Idioma Gallego

O presidente da Xunta, Alfonso Rueda, destacou que o Consello deu hoxe o visto e prace “á maior oferta de prazas de Formación Profesional na historia de Galicia”, así como a implantar 17 novas titulacións o vindeiro curso 2024/2025.

 

Rueda salientou que o obxectivo é adaptar estas ensinanzas “ás necesidades do tecido produtivo galego”, así como garantir e seguir mellorando a inserción laboral que xa se sitúa no 85% e que case chega ao 100% no caso da FP Dual. “Trátase tamén de redignificar a FP, algo que xa estamos conseguindo dado o incremento de matrícula destes anos, con case 65.000 alumnos, que é algo máis do dobre que hai dez anos”, apuntou.

 

Tal e como se amosa no informe elevado pola Consellería de Educación, Universidades, Ciencia e Formación Profesional ao Consello da Xunta que tivo lugar hoxe, Galicia contará o próximo curso cunha oferta de 46.714 prazas de novo ingreso, o que representa 4.540 prazas máis que o curso que agora remata (preto dun 11 % máis) e unha cifra récord no conxunto das 214 ofertas diferentes entre os 153 ciclos de grao básico, medio e superior, 22 másteres, 24 títulos de alta especialización e 15 programas formativos.

 

 

Grao básico

Grao medio

Grao superior

Total

Programas formativos

15

 

 

15

Ciclos

26

48

79

153

Másteres

 

4

18

22

Título de alta especialización

 

7

17

24

Total

41

59

114

214

 

Así pois, a Formación Profesional galega medra tanto no conxunto da Comunidade como en cada un dos territorios e na case totalidade dos sectores e familias grazas á potenciación da modalidade de FP Dual Intensiva, aos másteres de FP e aos itinerarios de alta especialización exclusivos de Galicia que agora se impulsan de xeito considerable. Isto garante unha oferta ampla, variada, que chega a todo o territorio e que dá resposta a todos os sectores produtivos.

 

Non en balde, esta oferta foi deseñada logo de escoitar os axentes educativos e socioeconómicos a través do Plan Conecta FP Galicia, con encontros sectoriais e territoriais nos que participaron máis de 12.000 empresas, 400 asociacións, clúster ou entidades empresariais e uns 300 centros.

 

Datos destacados

Prazas curso 2024/2025

Incremento de prazas con respecto ao curso 2023/2024

Porcentaxe de crecemento

Prazas totais no sistema de FP

46.714

+4.540

+10,76 %

FP Dual Intensiva

6.153

            +1.926

+45,33 %

Másteres

1.658

+576

 

+53,23 %

Títulos alta especialización

623

             +214

 

+52,32 %

Prazas no rural

7.631

+789

+11,53 %

 

Dentro do catálogo de 214 titulacións, hai catro que se implantan por primeira vez en Galicia, dúas delas en ciclos formativos e outras dúas de máster. Formacións que, tal e como apuntou o presidente da Xunta, contan “cunha alta empregabilidade e onde hai moitas vacantes”: 

 

Centros

Novos ciclos

CIFP de Vilamarín, Ourense (Dual Intensiva)

Ciclo de grao básico Aproveitamento Forestais

 

CIFP As Mercedes, Lugo

CIFP Valentín Paz Andrade, Vigo

(Dual Intensiva)  

Ciclo de grao medio Condución de Vehículos de Transporte por Estrada

Centros

Novos másteres

CIFP As Mercedes, Lugo

IES Luís Seoane, Pontevedra

Ciclo superior de Posicionamento en Buscadores (SEO/SEM) e Comunicación en Redes Sociais

CIFP As Mercedes, Lugo

CIFP Fontecarmoa, Vilagarcía de Arousa

CIFP Portovello, Ourense

CIFP Rodolfo Ucha Piñeiro, Ferrol

IES Luís Seoane, Pontevedra

Ciclo superior de Redacción de contidos Dixitais para Márketing e Vendas

 

Títulos de alta especialización

Rueda resaltou que “unha das principais novidades” para o vindeiro curso escolar é “o reforzo dos títulos de alta especialización, unha modalidade de FP na que Galicia é pioneira”. Trátase dunha formación na que se unen dobre titulacións ou combinacións de ciclos, másteres e cursos distintos e que atende unha demanda específica por parte dos sectores produtivos.

 

Así pois, o vindeiro curso vanse ofertar un total de “24 títulos de alta especialización, 13 deles de nova implantación” e que abranguen eidos económico-industriais moi variados como son automoción e os novos vehículos híbridos, a robótica, a xestión turística, a restauración, a soldadura, as telecomunicacións, a transformación da madeira ou a cantería, entre outros.

 

En total ofértanse 623 prazas, o que representa un aumento de máis do 52 % con respecto ao presente curso. Para iso constituiranse 27 grupos de alta especialización distribuídos por toda a xeografía galega. Os de nova incorporación son os seguintes:

 

Concello

Centro

Ciclo

PROVINCIA DA CORUÑA

A Coruña

IES Urbano Lugrís

GM Instalacións de telecomunicacións e oferta parcial de Sistemas microinformáticos e redes

Carballo

IES Monte Neme

GS Instalación e mantemento de sistemas conectados a internet (IoT) e oferta parcial de Robótica colaborativa

Ribeira

CIFP Coroso

GM Mantemento electromecánico e oferta parcial de Elaboración de produtos alimentarios

Ribeira

CIFP Coroso

GS Dobre titulación en Automoción e Mantemento e seguridade en sistemas de vehículos híbridos e eléctricos

PROVINCIA DE OURENSE

Ourense

CIFP A Farixa

GS Dobre titulación en Xestión de aloxamentos turísticos e Axencias de viaxes e xestión de eventos

PROVINCIA DE PONTEVEDRA

Poio

Escola de Cantería de Poio

GM Pedra natural especializado en cantería

Pontevedra

CIFP Carlos Oroza

GS Dirección de cociña e oferta parcial de Dirección de servizos de restauración

Pontevedra

CIFP Carlos Oroza

GS Dirección de cociña e oferta parcial de Procesos e calidade na industria alimentaria

Pontevedra

CIFP Carlos Oroza

GS Dirección de servizos de restauración e oferta parcial de Xestión de aloxamentos turísticos

Pontevedra

CIFP Carlos Oroza

GS Dobre titulación en Axencias de viaxes e xestión de eventos e Guía, información e asistencia turísticas e oferta parcial de Animación sociocultural e turística

Pontevedra

CIFP Carlos Oroza

GS Guía, información e asistencia turísticas especializado en enoturismo

Valga

IES Plurilingüe de Valga

GS Mecatrónica industrial e oferta parcial de Automatización e robótica industrial

Vigo

CIFP Valentín Paz Andrade

GS Construcións metálicas e oferta parcial de Automoción

 

Potenciación da FP Dual Intensiva e dos másteres

A modalidade de FP Dual Intensiva (a FP Dual clásica que na nova normativa estatal pasa a denominarse así) é unha das que máis pulo recibe por parte do Goberno galego con 6.153 prazas, o que supón un incremento de case o 45 %. Esta modalidade consolídase, por tanto, como unha vía para acadar unha maior formación na empresa, o que garante unha inserción laboral de preto do 100 %.

 

No que atinxe aos másteres, para o próximo curso ofértanse un total de 1.658 prazas, o que representa un crecemento de máis do 53 % respecto á oferta do presente curso. En total, ofértanse 76 grupos de másteres distribuídos por toda a xeografía galega.

 

Por outra parte, tamén se mantén a oferta de programas formativos básicos, un instrumento de especial relevancia para que o alumnado con necesidades educativas especiais poida conseguir a súa incorporación ao mercado laboral ou a súa continuidade no sistema educativo. 

 

“O obxectivo é seguir co pulo que dende hai anos lle damos desde a Xunta a esa revolución silenciosa que está a vivir a FP”, indicou Rueda.

 

Impulso ao rural

As necesidades de formación no territorio rural detectadas a través dos encontros do Plan Conecta FP permiten seguir afianzando a aposta por unha oferta formativa atractiva en áreas de menor densidade demográfica, o que confire oportunidades tanto aos mozos e mozas como ás empresas ao tempo que contribúe a fixar poboación.

 

Así pois, para o próximo curso ofértanse un total de 7.631 prazas no rural, un 11,5% máis que as dispoñibles ata o momento a través da ampliación de ciclos formativos e de másteres na modalidade dual intensiva.

 

A este obxectivo responden ciclos como os de Aproveitamento e Conservación do Medio Natural en Mondoñedo e Ribadeo, Aproveitamentos forestais en Vilamarín, Automatización e Robótica industrial en Cee, Produción Agroecolóxica en Arzúa, Automoción en Chantada, Curtis, Ordes, Ponteceso, Ribadavia, Ribadeo e Sanxenxo, Gandaría e Asistencia en sanidade animal en Boqueixón, Melide e Xinzo de Limia ou Paisaxismo e Medio rural en Arzúa e Bergondo, entre outros.

 

Por outra parte, tamén se incrementan nun 8,8 % as prazas de grao medio no rural, un itinerario axeitado para o alumnado que remata un ciclo de grao básico e que é unha ferramenta de loita contra o abandono escolar temperán e para favorecer a inserción laboral.

 

Información xeral Consellería de Educación, Ciencia, Universidades e Formación Profesional

Idioma Gallego

A directora xeral de Ordenación e Innovación Educativa, Judith Fernández, participou hoxe no acto de entrega do Premio Muller Científica 2024 a Catedrática de Física Aplicada Betty León Fong. O galardón outórgao desde 2018 o Instituto IES Val Miñor de Nigrán para poñer en valor o relevante papel das mulleres na ciencia.

 

A representante da Consellería de Educación, Ciencia, Universidades e FP felicitou ao centro por esta iniciativa, “que favorece o achegamento das nenas e mozas a este ámbito, promovendo as vocacións científicas, na liña do que estamos a impulsar desde a Xunta de Galicia”, destacou. Así mesmo, fixo fincapé na traxectoria pioneira da galardoada deste ano, creadora en 1982 do grupo de investigación Novos Materiais, da Universidade de Vigo, no ámbito dos novos materiais e da ciencia e a tecnoloxía de superficie.

 

Información xeral Consellería de Educación, Ciencia, Universidades e Formación Profesional

Summary: 

O experto ofrecerá na Cidade da Cultura unha visión realista e fundada sobre os novos retos que supón a aparición desta nova tecnoloxía

Idioma Gallego

A segunda edición do Ciclo de Cultura Científica da Xunta, co lema Tecnoloxía con sentidiño, afonda esta semana nun dos aspectos de maior actualidade sobre o impacto da tecnoloxía na sociedade: a intelixencia artificial. Será da man de Francisco Bellas Bouza, investigador e especialista en intelixencia artificial do Centro de Investigación en TIC da Universidade da Coruña.

 

Baixo o título Educación na era da intelixencia artificial: vaiamos a modo, a conferencia centrarase nos novos retos que supón a aparición da intelixencia artificial, especialmente de ChatGPT no ensino, ofrecendo unha visión realista e fundada sobre se estas novas ferramentas dixitais constitúen ou non unha auténtica revolución educativa. O obxectivo é axudar a docentes, estudantes e familias a coñecer as súas limitacións, beneficios e riscos.

 

O relatorio poderá seguirse de forma presencia no auditorio Neira Vilas da Biblioteca de Galicia, de 18,00 a 19,30 h., e tamén será retransmitida en streaming na canle de YouTube da Consellería de Educación, Ciencia, Universidades e Formación Profesional.

 

Penúltima cita do ciclo

A segunda edición do Ciclo de Cultura Científica da Xunta, baixo o lema Tecnoloxía con sentidiño, vai chegando ao seu final, tras as conferencias de Héctor Ruíz Martin, Espido Freire, José César Perales, Juanjo Montiel e Javier Sainz de los Terreros.

 

A última conferencia desenvolverase o 11 de xuño, da man de Luis Sánchez Santos, profesional sanitario do Sergas. Achegará unha visión desde a pediatría e as Ciencias da saúde co relatorio Cruzando saúde infanto-xuvenil e tecnoloxía.

 

O ciclo está dirixido ao público en xeral, comunidade educativa e aos docentes. O profesorado asistente ao ciclo completo recibirá un certificado de 12 horas de formación do profesorado. Coas charlas configurarase un libro, cun artigo específico para cada unha delas.

 

Información xeral Consellería de Educación, Ciencia, Universidades e Formación Profesional

Idioma Gallego

O conselleiro de Educación, Ciencia, Universidades e FP, Román Rodríguez, visitou os ensaios da ópera Le Villi, de Giacomo Puccini, que este sábado representan 150 alumnos de seis centros de ensino galegos. En concreto, trátase do Conservatorio Superior de Música da Coruña, da Escola Superior de Arte Dramática de Galicia, da Escola de Arte e Superior de Deseño Pablo Picasso da Coruña e os centros integrados de FP Imaxe e Son, Paseo das Pontes e Someso, os tres da Coruña.

O titular de Educación da Xunta felicitou aos estudantes polo excelente traballo desenvolvido nos diferentes ámbitos da representación. Non en balde, os centros levan a cabo desde a escenificación, iluminación e realización, ata o vestiario e complementos, pasando pola maquillaxe e perruquería, entre outros elementos. A obra conta tamén co apoio institucional do Centro Coreográfico Galego e do Centro Dramático Galego, do Concello da Coruña e da Orquestra Sinfónica de Galicia, que cede instrumentos.

Información xeral Consellería de Educación, Ciencia, Universidades e Formación Profesional

Summary: 

Román Rodríguez subliña que o obxectivo é “potenciar o oficio da cantería” fomentando a innovación e a tecnoloxía e atendendo ás demandas do sector

Entre as novidades formativas destaca o ciclo en Pedra natural especializado en cantería, unha das 13 novas titulacións de alta especialización que se implantarán en Galicia o próximo curso

Tamén se ofertarán os ciclos duais de Proxectos de edificación e de Construción e o grao básico en Reforma e mantemento de edificios

Idioma Gallego

A Xunta de Galicia dálle un impulso a Escola de Cantería de Poio (Pontevedra) coa súa incorporación á Rede de Centros Integrados de FP e o reforzo da oferta formativa con catro novas titulacións para o vindeiro curso 2024-25, entre elas unha de alta especialización do total de 13 novas deste tipo que se incorporan a partir de setembro.

O conselleiro de Educación, Ciencia, Universidades e Formación Profesional, Román Rodríguez achegouse esta mañá á Escola para dar conta das novidades académicas para este centro, logo de que o Goberno autonómico asumira a súa titularidade o pasado ano para convertese nun centro público docente dependente da Consellería. Un cambio que se traduce en melloras importantes para o alumnado, xa que a partir deste curso, ensinanzas que ata agora eran consideradas como formación non formal pasarán a ser títulos oficiais, ademais de permitir que os antigos alumnos, que non tiñan un título homologado, poidan acreditar a experiencia profesional.

“Neste traspaso asumimos o compromiso de potenciar o oficio da cantería en liña coas novas necesidades e demandas do sector e que agora plasmamos a través da nova oferta de FP que se aprobará no Consello da Xunta deste luns e na que teremos de novo un récord de prazas”, explicou o conselleiro, que destacou o deseño de itinerarios formativos “moi específicos e especializados e titulacións de alta especialización que vai supoñer un salto de calidade” nos estudos de cantería en Galicia.

Paralelamente, a Xunta está ultimando os trámites administrativos para a incorporación da Escola de Cantería á Rede de Centros Integrados de FP como un CIFP especializado no sector da edificación, a construción e a cantería, polo que serán xa 28 os centros que formen parte desta rede que está en constante ampliación.

Precisamente, este é un dos dos obxectivos fixados na Estratexia de FP Galicia 2030, que establece como un dos seus eixes promover o papel dos centros integrados de excelencia como referencia para cada familia profesional e sector produtivo e que estes centros desenvolvan accións de innovación do profesorado coa participación activa do tecido empresarial e de institución.

Así pois, no caso da Escola de Cantería, a súa inclusión na Rede de CIFP enmárcase na aposta da Xunta por “recuperar e potenciar o oficio de cantería, un dos máis antigos e representativos de Galicia é un dos eidos con máis dificultades de relevo xeracional”, subliñou o conselleiro. O titular de Educación explicou tamén que a oferta deseñouse tendo en conta tamén a crecente demanda das empresas de contar con persoas que dispoñan das competencias necesarias para empregar as últimas tecnoloxías e materiais, co obxecto de ofrecer solucións innovadoras no eido construtivo.

Oferta que se incorpora

Neste contexto, e para atender precisamente á finalidade de “compaxinar o estudo dun oficio artesán cos novos retos tecnolóxicos”, a partir de setembro incorpóranse catro novas titulacións ao catálogo formativo desta escola, das cales dúas son ciclos duais e outra é unha titulación de alta especialización. Suman un total de 92 prazas de nova oferta e o compromiso é seguir incrementando o número ano a ano ata superar as 300.

Trátase do ciclo básico en Reforma e Mantemento de Edificios (18 prazas), dos ciclos de FP dual en Construción (22 prazas) e en Proxectos de Edificación (30 prazas) e da titulación de alta especialización en Pedra Natural especializada en cantería (22 prazas), unha das 13 deste tipo que entran novas este curso en toda Galicia.

As titulacións de alta especialización son unha proposta exclusiva de Galicia onde, atendendo a demandas específicas por parte dos sectores produtivos, deséñanse itinerarios formativos moi especializados feitos ad hoc que ben poden ser dobres titulacións ou combinacións de ciclos, másteres e cursos de distintos títulos. Por tanto, no caso da titulación de Pedra Natural especializada en cantería está enfocada a formar persoal con alta cualificación para atender a demanda nos sectores da construción en pedra e da restauración.

Na visita á Escola de Cantería, o conselleiro estivo acompañado pola directora xeral de FP, Eugenia Pérez, e por representantes das empresas Construcciones Hermanos Sanz, Construcciones Ramírez, Aluminios Cortizo, e SanJosé Constructora, que colaboran coa Formación Profesional neste centro. O alcalde de Poio, Ángel Moldes, foi o encargado de dar a benvida a todos os asistentes.

Información xeral Consellería de Educación, Ciencia, Universidades e Formación Profesional

Summary: 

O conselleiro visita o expositor no Salón de Alimentación do Atlántico, onde avanzou que se acadará de novo “unha cifra histórica” de prazas de FP

Idioma Gallego

O conselleiro de Educación, Ciencia, Universidades e FP, Román Rodríguez, visitou esta mañá o stand de Formación Profesional no Salón de Alimentación do Atlántico (Salimat Abanca) que se está a desenvolver na Feira Internacional de Galicia Abanca, na localidade de Silleda.

O titular de Educación do Goberno galego animou á mocidade a que se achegue a este espazo para coñecer de primeira man “a oferta formativa e as saídas profesionais” que ofrecen estas ensinanzas “nas que Galicia é un referente a nivel estatal”. A este respecto, indicou que a Xunta vai reforzar, de novo, a oferta de prazas de FP para o vindeiro curso, polo que “acadaremos outro máximo histórico”.

Así pois, ata mañá domingo, cando a feira pechará as súas portas, as persoas que se acheguen ao stand da FP galega en Silleda recibirán información de primeira man sobre o abano de posibilidades formativas que ofrece o sistema educativo galego neste eido, e mesmo poderán asistir a demostracións e experiencias en directo a través de distintos obradoiros. Este ano están representados os centros integrados de FP CIFP Paseo das Pontes da Coruña), CIFP Fraga do Eume de Pontedeume, CIFP Compostela de Santiago,  CIFP Manuel Antonio de Vigo e CIFP de Vilamarín.

Información xeral Consellería de Educación, Ciencia, Universidades e Formación Profesional

Summary: 

O conselleiro de Educación participa na clausura da segunda edición deste programa no que participan 25 estudantes, que recibiron formación como atrecistas

Idioma Gallego

O conselleiro de Educación, Ciencia, Universidades e FP, Román Rodríguez, participou esta mañá na clausura da segunda edición do programa Formando equipo: traballa no audiovisual, impulsado polo Goberno galego, a plataforma Netflix, a produtora Vaca Films e a fundación FAD Juventud para a formación específica de estudantes no eido audiovisual.

Román Rodríguez destacou a aposta da Xunta por formar profesionais coa máxima cualificación para dar resposta ás necesidades dos sectores produtivos en xeral, facendo fincapé neste caso no audiovisual. “Estamos a falar dun tecido produtivo que atravesa un momento de madurez e esplendor sen precedentes, motivado tanto pola calidade das empresas como polo talento dos seus profesionais”, sinalou.

“Os estudantes que se decantan polo audiovisual como saída profesional escollen unha opción moi positiva, pero é moi importante que o fagan con todas as competencias, habilidades e coñecementos para asegurar tanto a inserción laboral como a calidade e competitividade do sector”, destacou.

A este respecto, o titular do departamento educativo da Xunta quixo felicitar a Netflix, Vaca Films e FAD Juventud pola organización deste programa. Aos alumnos participantes trasladoulles a responsabilidade que teñen “para mellorar unha industria da que estamos orgullosos e que é un referente a nivel estatal”.

O dobre de participantes

Un total de 25 alumnos de ensinanzas artísticas e de FP participaron este ano na segunda edición do programa Formando equipo: traballa no audiovisual, na que recibiron unha formación profesionalizadora de perfil de atrecista enfocada no audiovisual. O obxectivo é dar a coñecer as oportunidades que ofrece o sector en profesións que non están orixinalmente vencelladas a el, ao tempo que se crean sinerxías entre as entidades implicadas e se contribúe á formación de persoal neste ámbito produtivo.

O curso desenvolveuse no Centro Integrado de FP Politécnico de Santiago e participaron nel estudantes dos ciclos de Escultura aplicada ao espectáculo e de Dourado, prateado e policromía das escolas de arte e superiores de deseño Pablo Picasso (A Coruña), Mestre Mateo (Santiago de Compostela), así como alumnado dos ciclos de Deseño e amoblamento dos centros integrados de FP Someso (A Coruña), Politécnico de Santiago (Santiago de Compostela), Valentín Paz Andrade (Vigo) e A Xunqueira (Pontevedra).

Información xeral Consellería de Educación, Ciencia, Universidades e Formación Profesional