Durante as tres primeiras semanas de setembro de 2023 seis alumnos/as de 1º de Bacharelato do IES Plurilingüe de Ames fixeron un intercambio con alumnado do centro Nydalen High School de Oslo (Noruega). Durante a súa estadía na capital nórdica compartiron horario lectivo e actividades escolares e extraescolares co alumnado co que residían. Este programa educativo axudoulles a mellorar a súa competencia lingüística en lingua inglesa.

O alumnado noruegués estivo no noso centro durante a última semana de xaneiro e as dúas primeiras de febreiro de 2024. Participaron da vida cotiá e lectiva do instituto, integrándose perfectamente co resto do alumnado de 1º de Bacharelato e coas familias coas que residiron. Tamén acudiron as distintas actividades que se fixeron durante a súa estadía no IES Plurilingüe de Ames como a saída a A Coruña ou a celebración do Carnaval.

Tanto a comunidades educativa norueguesa como a nosa destacaron o éxito que tivo este intercambio, que se produce dentro do marco do programa EduExchanges dende 2019, grazas aos comentarios aportados por todos os participantes e polas súas familias.

Unha vez máis, unha experiencia moi gratificante.

Alumnado participante do IESP de Ames a punto de partir cara Oslo

.

O Departamento de Matemáticas informa que o alumnado que teña a materia de Matemáticas pendente para o próximo curso, pode presentarse a unha proba na que se avaliarán todos os contidos traballados ao longo do curso 23-24 e que se celebrará

• DATA: 26 de setembro de 2024 (xoves).
• HORA:  16:30 horas.
• LUGAR: Salón de Actos.

No caso de non aprobar este exame, o alumnado seguirá o programa de recuperación de pendentes do que se informará ao comezo do curso.

Neste curso 2023-24 o IESP de Ames participa no proxecto “Be Earth Friendly” no que ademais de escolas españolas participan países como Túnez, Xordania, Croacia e Macedonia do Norte.
Neste proxecto participan tanto escolas de primaria como de educación secundaria. A temática traballada é a sostibilidade, a composición do solo (material orgánico, inorgánica, aire, auga) así como a arte e a creación a partir de residuos( os nosos alumnos fixeron desde carteis ate maquetas de casas realizadas con botellas de auga no deserto) Neste proxecto participou alumnado de Proxecto Competencial de 4º da ESO co profesor Roberto Barral, a linguaxe vehicular do alumnado foi o inglés e realizaronse diferentes equipos internacionais de traballo.  

O proxecto está en fase de finalización. Noraboa para os alumnos e profesores participantes.

Neste curso 2023-24 o IESP de Ames participa no proxecto Etwinning “Sustainable cities and schools ;How smart do we live? co Gymnasium Schwertstraße Solingen, Germany Nordrhein-Westfalen de Alemania. Neste proxecto o alumnado traballou conxuntamente co alumnado da escola aleman utilizando como lingua vehicular o inglés os modelos cidades intelixentes, os indicadores das vilas de Ames e Solingen, ais como a eficiencia sostible nas escolas, desde os espazos materiais á eficiencia da utilización da tecnoloxía nas unidades didácticas. Con este traballo de investigación elaboraronse unhas cartas con suxestións ás institucións (concellos de Ames e Solingen e outra institucións). Tamén realizouse difusión deste proxecto o país de orixe dunha alumna inmigrante do noso centro como medida de integración e fortalecemento dos alumnos como axentes de cambio. Neste proxecto participaron alumnado de 4º de ESO de Proxecto Competencial cos profesores Roberto Barral e Paula Rodríguez e de 3º de ESO de inglés ca profesora Sofía Jiménez. Por parte do Gymnasium Schwertstrabe de Solingen participaron alumnos de 8º de Politica dos sistema de estudios de Alemania.

O proxecto está en fase de finalización. Noraboa para os alumnos e profesores participantes.

Recepción da corporación municipal de Ames

A prensa faise eco dos premios obtidos polo alumnado do IES de Ames. Pincha aquí para ver a noticia.

O Equipo LA GRANADA DE PERSÉFONE, do IES DE AMES de BERTAMIRÁNS, formado polas alumnas de 4º de ESO  LARA BAZARRA SOUTO, ALEJANDRA FERNÁNDEZ CAPELO  e  CARLA GÓMEZ VILAS  coa súa Profesora: Margarita Olivar  Roldán,  gañou o 2º premio do CONCURSO ODISEA XIX EDICIÓN. Este ano participaron 803 alumnos en toda Galicia, repartidos en 315  equipos.

O xoves, 13 de xuño, ás 17:30 horas tivo lugar no Salón de Graos da Facultade de Filoloxía de Santiago de Compostela o acto de entrega de premios e diplomas.

Calendario fin de curso 2023-24 <PDF>

Este ano o alumnado do Club de Ciencia do IESP de Ames tivo a fortuna de participar, a nivel nacional, no proxecto Mosquito Alert. Durante todo o ano traballaronse distintos aspectos do mosquito común e o mosquito tigre. Como resultado, presentáronse varios produtos finais en distintos formatos, sendo seleccionados dous deles para o evento final, que se levou a cabo na sede central do CSIC en Madrid o venres 14 de Xuño. Queremos agradecer a todo o alumnado e profesorado participante, así como as gañadoras, todo o esforzo realizado durante este curso. Tamén queremos agradecer ao CSIC, entidades financiadoras e investigadores a oportunidade dada para poder participar nesta actividade. Para máis información podedes seguir o noso instagram ou acudir a xornada informativa que terá lugar o xoves 20 de xuño no Pazo da Peregrina de 17:00h a 18:00h.