Actividades no centro

O alumnado de 3º da ESO traballou na materia de Plástica diferentes obras de arte para as que buscaron unha reinterpretación.

Así de ben quedou o seu traballo e convertiron a cafetería do centro nun espazo cheo de arte.

Se queredes ver máis, aquí tendes o album!

Nestas últimas semanas o alumnado de Economía de 2º de bacharelato tivo a oportunidade de coñecer de primeira man algunhas das posibilidades de continuación de estudos nese campo en Vigo.

Emilio García Roselló, profesor da Facultade de Comercio da UVigo, explicoulles as saídas profesionais e as posibilidades que ofertaba o seu grado. A semana seguinte, o profesor Benito Gil, da Universidade Intercontinental da Empresa, con sede en Vigo, tamén os informou sobre a oferta formativa que teñen e as bolsas dispoñibles para o alumnado.

Un ano máis o Equipo de Dinamización Lingüística e o Departamento de Galego organizaron o concurso do Samaín: As portas do Inferno. Cada clase decorou as portas das súas aulas con motivos propios das datas e un xurado composto por profesorado e alumnado do centro escolleu seis finalistas:

1º ESO B, 1º ESO C, 1º ESO D, 3º ESO C, 3º ESO diversificación, 4º ESO C.

Finalmente a premio para a porta máis divertida foi para 1º ESO C e o premio para a porta máis terrorífica para 4º ESO C.

Este outubro recibimos no centro a alumnado de Bialystok, Polonia dentro do programa Erasmus Plus. Durante unha semana compartimos experiencias e coñecementos, tamén aulas ao redor dun proxecto: o estudo dos parques naturais. No instituto asistiron a diferentes clases e tamén nos explicaron as características dos seus parques naturais. Unha experiencia marabillosa que enriqueceu enormemente a toda a comunidade educativa e ás familias acolledoras.