Celebramos o Día do Libro na Biblioteca Municipal de Vilalba

Co motivo do Día do Libro (23 de abril) o venres 21 de abril, na Biblioteca Municipal de Vilalba, todo o alumnado e persoal da nosa escola disfrutamos da actuación de Trinke Trinke, cos contos de "Paxariños" e "Turelí, Tureló".

Podedes acceder á galería de fotos dende aquí

7 DE ABRIL: DÍA MUNDIAL DA SAÚDE

                     

     

INTERCAMBIO DE CONTACONTOS

Ainda estamos no mes de marzo, pero co gallo de O día do libro (23 de abril), estamos a celebrar na escola, ao longo deste trimestre e parte do seguinte, todo tipo de actividades para fomentar a lectura como: as familias contacontos, pero tamén intercambios letores cos centros educativos da localidade, como o CEIP Antonio Insúa Bermúdez.

Nesta ocasión veu a visitarnos Samuel con 4 compañeiros da súa clase de 6º de primaria: Ariadna, Aitana, César e Alba, todos eles antigos alumnos da nosa escola, e maila súa profesora de PT, Pili.

O conto titulábase "Carnaval" e utilizaron como axuda uns paneis con pictogramas e para poder contarnos moitas cousas máis utilizaron unha tableta coa app E-mintza . grazas a ela Samuel podíase comunicar á perfección con todos nós.

Desexando repetir! Moitas grazas pola vosa visita

6ª SEMANA ESCOLAR DA ÁRBORE E A AUGA

Con motivo da 6ª Semana Escolar da Árbore e a Auga, que abrangue do 20 ao 24 de marzo de 2017. A Deputación de Lugo agasallounos cun ameneiro para prantar na Escola e máis un libro para cada alumno e alumna titulado "Eva, o trasno e o ameneiro".

Aproveitando a ocasión prantamos cada aula unha árbore; 2 ginkgo biloba, 2 manciñeiras e os 2 ameneiros, para prantar no novo patio.

 

 

COMUNICADO DE MATRÍCULA

Ponse en coñecemento das persoas interesadas que foi admitido neste Centro a totalidade do alumnado que ten solicitada praza para o Curso Escolar 2017/2018.
Recordámoslles que deberán pasar pola Secretaría do centro durante o mes de xuño para formalizar a matrícula.

                      A DIRECCIÓN

TALLER DE MELINDRES

O venres 10 de marzo tivemos a visita de Fani e Isabel, da empresa Dispravia, S.L. coas que aprendimos a facer melindres.

Primeiro fixemos a masa, despois a cortamos en anacos, bañámolos nunha cobertura de azucre e logo os metimos no forno. Despois cada neno e cada nena fixo a súa etiqueta para pegar na bolsa na que levaban os melindres para a casa .

Moitísimas gracias ás dúas, Fani e Isabel, por adicarnos toda a mañá, os nenos e nenas pasárono en grande.

 

*Podedes ver máis fotos deste taller na pestana de Galería ou no seguinte enlace http://www.edu.xunta.gal/centros/eeivilalba/galeria/thumbnails.php?album=70

 

Charla sobre os animaliños do mar

Despois de un gran traballo de recolección de distintos seres do mar na praia, este mércores Vanesa (bióloga mariña), a tía de Noa, aparaceu na escola cargada con recipientes de auga salgada con todo tipo de bechos: estrelas de mar, anémonas, cunchas, caracois de mar, lebre de mar, lapas...

Dividimos ao alumnado por grupos de idade, e pudieron ver, tocar, ulir e escoitar moitísimas curiosidades sobre os seres do mar.

Moitísmas grazas Vanesa por traer todo o teu coñecemento sobre o mar!! encantoulles

UNHA VISITA INESPERADA!

O mércores tivemos unha visita inesperada, Vicente (o papá de Leo) veu a vernos e prestounos unha peixeira con dous peixes.

Así que agora temos dúas mascotas que coidar con moitísma ilusión.

Moitas grazas á familia de Leo!

 

Xa naceron os pitiños!!

En xaneiro tivemos a sorte de que "Monasterio" nos deixara unha incubadora con ovos galeados para poder ver que tras 21 días nacerán deses ovos uns pitiños. Ainda que por fallos técnicos non saiu a primeira remesa. intentámolo de novo e tras agardar outros 21 longos días, por fin o día 24 de febreiro, naceron os pitiños.

*máis fotos na galería de imaxes

            

ACTIVIDADE SOBRE O MAR

Distribuir contido