Skip to Content

Fornelos

Concurso fotográfico "Un bo lugar para ler..." - Xaneiro e Febreiro 2016

08/01/2016 00:00
05/02/2016 13:00

O concurso fotográfico “Un bo lugar para ler…” está aberto á participación das alumnas e alumnos matriculados no CRA María Zambrano de O Rosal, permitíndose a colaboración dalgún familiar ou adulto na realización desta fotografía.
Cada participante pode mandar ata dúas fotografías orixinais e inéditas, realizadas con técnica libre e aparecendo, en calquera caso, na fotografía.

Establécense tres categorías diferentes: á fotografía máis orixinal, á máis artística e á máis divertida.
O tema do concurso é a imaxe de alguén lendo un libro nun lugar especial (tanto exterior coma interior), polo que deben apreciarse estes tres elementos (quen le o libro, o lugar no que se le e o libro).

O prazo de admisión de traballos comeza o 8 de xaneiro de 2016 e remata o 22 de xaneiro de 2016. A decisión sobre as fotografías gañadoras ten como prazo máximo o 29 de xaneiro de 2016. O anuncio público e entrega de premios é o día 5 de febreiro do 2016, como parte das actividades do día da Festa de Entroido do CRA María Zambrano.

Festa de Nadal - Decembro 2015

17/12/2015 09:00
17/12/2015 14:00

O último día de clase antes das vacacións de nadal facemos un día especial, unha festa!!!

Xogamos, preparamos unha merenda xenial que traen as familias, saímos ao patio... Pero o que máis agardamos é a chegada dos Reis Magos. Van pasando por cada colexio para visitarnos a todas as nenas e nenos do CRA. Alí, na clase, cando chegan saudámolos cunha canción e despois e entregámoslles as nosas cartas co que lles pedimos de agasallos. Como nos portamos moi ben regálannos lambetadas e deixan algúns agasallos en cada clase!!!

 

Saída a Baiona - Novembro 2015

27/11/2015 09:00
27/11/2015 14:00

Día de excursión das nenas e nenos de primaria do CRA ao Museo da Navegación e á Carabela Pinta en Baiona.

Tivemos un día boisimo. Xa tiñamos gañas de coñecer este museo... É que o curso pasado tivemos que anular a visita pola chuvia.

Vimos a “Piolín”, un submarino que chegou dende América, movéndose coa enerxía do sol!!!

Logo fomos ver a carabela “Pinta”, a de Colón. Contáronnos que foi a que chegou a Baiona en 1.493. Nela aprendimos como vivían os mariñeiros daquela época e o que levaron e trouxeron de América.

Gustounos moito a saída!!!
 

Excursión a Indiana Bill - Novembro 2015

24/11/2015 09:00
24/11/2015 14:00

Este día as nenas e nenos de Ed. Infantil do CRA fan unha saída a Indiana Bill, un parque de bólas situado na Ramallosa, no Concello de Nigrán.

Despois dunha espectante viaxe en autobús, por fin chegamos ao noso destino. Xa con moitas gañas e cas sen poder aguantarnos deixamos as cazadoras e calzado ben colocadiño para poñelo de novo antes de marchar.

E por fin... Metémonos na piscina xigante de bólas!!! Non paramos de mergullarnos e de tirarnos polos tobogáns que había. Despois, un descasiño para merendar e volta a xogar no parque de bólas...

Pasámolo xenial!!!

 

Obradoiro de percusión africana - Novembro 2015

16/11/2015 09:00
17/11/2015 14:00

Nas distintas escolas do CRA desenvolveuse un obradoiro de percusión de música africana. O obxectivo principal foi achegar a cultura africana ao noso alumnado a través da música e, por suposto, pasar un rato divertido. A actividade foi desprazándose en dúas mañás polas diferentes escolas para poder facerlles o obradoiro a todas as nenas e nenos do CRA.

No obradoiro as nenas e nenos tiveron a oportunidade de escoitar en directo diferentes ritmos africanos tocados con varios instrumentos de percusión. Tamén puideron usar eses instrumentos para practicar da maneira máis sinxela os ritmos que acababan de escoitar. Incluso puideron ver e participar de diferentes pasos de baile asociados á música que estaban escoitando.

En resumo: as nenas e nenos do CRA escoitaron e puideron ver en directo música tradicional africana, coñeceron de primeira man instrumentos doutra cultura, tocaron eses instrumentos, participaron na interpretación dos ritmos, bailaron e coñeceron persoas e parte da cultura de África. Unha actividade ben interesante!!!

 

Magosto - Novembro 2015

10/11/2015 09:00
10/11/2015 14:00

Como todo os anos, as diferentes escolas reuníronse para festexar o magosto. Xuntámonos en Fornelos e pasamos un día xenial. Comezamos o día facendo xogos en grupos de diferentes idades para fomentar a cooperación e a convivencia. Xogamos co paracaídas, fixemos carreiras de sacos, lanzamos aos comecastañas…


Despois dos xogos e coa axuda dalgunhas nais e pais, asamos unhas castañas e comimos diferentes postres e comidas típicas destas datas feitos polos pais e nais… Puxémonos as botas!!!

 

Representación de monicreques "A Casa do Avó", do grupo Tanxarina - Novembro 2015

05/11/2015 09:00
05/11/2015 12:00

As nenas e nenos de primaria do CRA asistimos a unha representación teatral de monicreques no Auditorio Municipal do Rosal xunto coas nenas e nenos do colexio da Mata.

A obra chámase “A Casa do Avó” e está representada polo grupo Tanxarina.

É unha historia sobre un avó ao que os banqueiros lle querían quitar a súa casa. Pero o seu neto, coa axuda da xente, logra evitalo.

 

Samaín - Outubro 2015

30/10/2015 09:00
30/10/2015 14:00

As nenas e nenos do CRA celebramos, cadaquén na súa escola, a festa do Samaín vindo disfrazados a clase e as mestras e mestres tamén!!!

Fixemos xogos e obradoiros de medo e preparamos entre todas e todos unha merenda terrorífica: arañas, dedos sanguentos, sangue de bruxa, terra con gusanos...


Unha merenda de medooooo!!!!!

 

Contacontos de Samaín - Outubro 2015

29/10/2015 09:00
29/10/2015 14:00

As nenas e nenos do CRA imos á Biblioteca do Concello do Rosal para desfrutar dunha actividade de contacontos co motivo do Samaín.

Contáronnos o conto de “Corre, corre cabaciña” e gustounos moito. Pasámolo de medooooo!!!

 

Excursión a Naturnova - Outubro 2015

21/10/2015 09:00
21/10/2015 14:00

Saímos cedo en autobús para chegar a Vigo e fomos andando ata Naturnova.

Proxectaron un vídeo sobre as abellas. Logo dividímonos en grupos para ir a ver as diferentes actividades. Nunha sala había un submarino no que se movían os asentos arriba e abaixo. Era coma se foramos polo fondo da ría de Vigo. Aparecían peixes e algas.
Outra sala tiña planetas, estrelas e xogos do Universo. Abaixo había outra sala na que se escoitaba unha tronada e na que había un túnel. Un tren movíase coa luz. Tamén había unha lámpada que se prendía cando se movía un muíño. Había fotos de insectos e bechos. Noutro sitio cheirábanse diferentes olores.
Merendamos e fixemos un debuxo con adhesivos, inspirándonos en cadros de Kandinsky. Logo vimos unha exposición de cadros con Águeda, unha guía do Rosal.

Un día intenso e cheo de experiencias!!!

 

Distribuir contido


by Dr. Radut