Skip to Content

Música

Por entre as silveiras - Mauro Palmou

Unha sincera homenaxe dende o Cole de Cea ao disco "Galicia canta ao neno" gravado no 1978 por Fuxan os ventos onde aparece esta e outras panxoliñas imprescindibles do nadal galego.

Mauro Palmou pon voz e pandeireta a este canto tradicional.

O Himno da Vida - L’hymne de la vie

O Himno da Vida é a versión elaborada polo alumnado da ESO do Cole de Cea da canción francesa "L’hymne de la vie" interpretada por Kids United e publicada no 2019. A canción orixinal, "Les mondes engloutis", está escrita polo violinista, compositor e director de orquestra rumano Vladimir Cosma en 1985 e interpretada polo grupo Mini Star para a serie de animación homónima. Os marabillosos planos aéreos son do fotógrafo Víctor Barro. http://fotosconletra.com/ Grazas!!

Lettre

Toi, enfant de la Terre, écoute-moi Toi qui as le secret de la joie Toi, qui connais les rêves porteurs d'espoir Va, recommence notre histoire Oh vous, enfants de lumière suivez-moi Vous qui connaissez notre passé Pars, enfant de la Terre sauve de l'oubli Les mondes engloutis Suis l'hymne de la vie Le plus beau reste à faire Enfant pars et vole avec nous Pour sauver notre Terre Enfant, suis, l'hymne de la vie Le plus beau reste à faire Sois les forêts, le ciel, les océans Écoute le message que porte le vent Va vaincre la misère, la faim, le froid Tu gagneras tous les combats Oh toi, enfant de la Terre n'oublie pas Dis-moi que demain elle revivra Sois le soleil qui viendra dans la nuit Pour nous sauver la vie

n/d

SERÁN NO COLE DE CEA

O próximo venres, 29 de maio, a partir das 19:00 horas, toda a Comunidade Educativa e aquelas persoas que desexen acercarse ao cole poderán participar no Serán.

Haberá moita música, empanadas, refrescos..

GALERIA DE IMAXES DO MAGOSTO DO COLE DE CEA

Xa temos aquí as fotos da xornada de xogos, xincanas,...a degustación de castañas asadas e da amenizada polo grupo Os Biruxes e as noso alumnado pandereteiro...

 

O Entroido é Carnaval - O Vídeo

A grande festa do Entroido

E por fin chegou o grande día. Todo o traballo das familias cosendo os disfraces e buscando latas sobre as que percutir. As nenas e nenos ensaiando, construíndo e decorando as baquetas. Todo o profesorado implicado na decoración, vestimentas, ensaios e organización. Todo elo para poder pasar unha tarde feliz ao son da música e gozando do espírito máis entroideiro. Velaquí unha boa mostra delo, unha galería de imaxes que testemuñan un día de celebración e cor.

 

O Entroido é o Carnaval

O Entroido é Carnaval é o lema da festa deste ano no noso centro. Como xa saberedes o Entroido é a entrada na primavera, o renacer da vexetación e tamén o principio da cuaresma cristiana. O Carnaval ven do latín carne levare é dicir, o comezo da época na que non se pode comer carne. Coa celebración deste ano queremos tender unha ponte entre o Entroido tradicional galego e o Carnaval máis famoso do mundo, o Brasileiro. Este vernes 28 ás 15:45h faremos unha batucada escolar que levamos traballando durante dúas semanas. O alumnado construiu maracas, tambores e baquetas con material de refugallo. Coa axuda dos PerQtores de Seixalbo faremos retumbar os cimentos do cole cos nosos ritmos. Queredes ensaiar na casa? Aquí tedes os ritmos. E tamén unha galería do xoves no recreo seguindo as ordes da Meca para vir disfrazados de profesións.

 

O Xogo da Carrasquiña

Dende 1964 cada 30 de xaneiro os centros educativos veñen celebrando o Día Escolar pola Paz e a Non Violencia, (DENIP) coincidindo co aniversario da morte de Mahatma Gandhi. Durante os días anteriores aproveitamos para falar ao noso alumnado da importancia dos valores que sustentan a nosa convivencia: o perdón, o pacifismo, o diálogo. E o propio día aproveitamos para celebrar con música e artes esta efeméride. Este 2014 a xornada rematou cun baile colectivo que simboliza a unión entre todos os membros da comunidade escolar. Escollemos unha danza cantada que fala de afectos, de cariños e de coidados, ao fío do noso proxecto O mapa das emocións. É un tema interpretado polo grupo Pesdelán titulado O Xogo da Carrasquiña, no seu disco Na Punta do Pé, publicado por Kalandraka. Aquí vos deixamos o vídeo para que xoguedes a atoparvos nel.

 

Ande ande ande, o cole de Cea

Ande ande ande, o cole de Cea, ande ande ande que hoxe está de festa. Así remataron os nosos Cantos de Nadal 2013 todos xuntos, alumnado e profesorado cantando para despedir o 2013. Xuntámonos no ximnasio, que é un lugar con non moi boa acústica, para botar unhas panxoliñas. Pero non hai nada que non solucione o entusiasmo e o bo facer das nenas e nenos do cole. E así foron sonando: The First Noel, dos de sexto, Vinde ver o neno con quinto de primaria, Con un sombreiro de palla co alumnado de segundo ciclo, Tan tan os do primeiro e un repertorio variado interpretado polos de Infantil. Todo enlazado cunhas presentacións super divertidas dos de 4º da ESO. Entre elas o gran éxito do sketch do ano pasado: O Sacho Antón, que pronto poderedes ver no youtube. A foto ilustra exactamente ese momento no que Jota e Crespo interpretan esa teletenda tan disparatada.

Distribuir contido


by Dr. Radut