Abrimos esta última entrada do período lectivo coa pequena homenaxe aos nosos tres alumnos que este curso nos deixan para irse a outros centros: Marcos, Martín e Rubén. Desexamos que todo vos vaia fenomenal. Foi un pracer facer parte do camiño xuntos/as.

Cuns presentadores e presentadora iniciándose para o seu paso a secundaria, Javi abriu o festival falándonos das orixes do teatro.

Aínda ben non chegamos do País Vasco, o Teatro Grecolatino en Lugo moveunos de novo de Pedrafita. Coa compañía de Marisa e Javi asistimos ás sesións de Teatro Grecolatino en Lugo, no auditorio Gustavo Freire, para ver Troyanas de Eurípides e Anfitrión de Plauto. Despois da primeira sesión aínda demos un paseo para abrir o apetito e o cole invitounos a unha comida ben xeitosa na Cambalache antes da sesión de tarde.