Nadal 2013
Enviado por Anónimo o Xov, 09/01/2014 - 15:24
Bulla , aplausos, sons de pandeiretas e cantos resoan nos corredores do edificio de Infantil e Primaria.
Nalgunha das aulas, ante a incredulidade, emoción e ledicia de nenos e nenas, Papá Noel, que apareceu de socate, está a repartir sorrisos e presentes, pois, por suposto, todos e todas se portaron moi ben. Algúns aproveitaron para entregarlle a carta para os Reis, sabedores da gran amizade que une a estes con Papá Noel.
Nalgunha outra aula os alumnos e alumnas de sexto de Primaria están recitando poemas de Nadal, intercalados nun popurrí de panxoliñas.