Chegou o OUTONO e os nenos e nenas de 4 anos trouxemos froitos de outono para a clase. Clasificámolos, mirámolos, tocámolos e nomeámolos escribindo os seus nomes. E con todo estes froitos, decidimos facer unha obra de arte. Desta vez, fixámonos en Arcimboldo. Así de bonito quedou!

Na aula de 4 anos, plantamos o ano pasado millo na nosa horta. E en setembro fomos a recollelo. Estamos artellando algo para facer con el... pero xa vos iremos ensinando o que... queda de sorpresa!!  Recollémolo e esfollámolo para conservar as follas.

No mes de setembro, a aula de 4 anos, fixemos unha obra de arte relacionada co calendario que temos na aula. Este mes falamos dos corais. E despois de ver varios visionados decidimos facer esta actividade de arte.

O alumnado de 5° de Educación Infantil afrontou o reto de "TOCA COIDARSE",investigando sobre o seu corpo,como coidarse, quen os coida e como e que poden facer para estar ben.

Toda a información queda recollida na revista "Peque saúde".

Atendendo a súa curiosidade, continuaron cun novo reto "COAS MANS NA MASA".

A investigación estivo centrada en coñecer alimentos sans e variados, a roda dos alimentos, a orixe, obtención e conservación.Tamén as normas básicas para cociñar, receitas e a presentación dos pratos.

Como sempre é momento de comer máis froita, puxemos en marcha o "Taller de cociña" para desenvolver a dús creatividade e resaltar o valor da froita na alimentación.