Skip to Content

IMPORTANTE: CAMBIOS NO TRANSPORTE ESCOLAR PARA OS USUARIOS EXCEPCIONAIS

Xov, 15/07/2021 - 10:47

Esta nota informativa só está dirixida para aquelas familias que teñen as paradas de transporte escolar en Bembibre: Caixa Galicia ou San Lorenzo (Os Porches).

Hai uns días notificáronnos unhas variacións no procedemento de utilización do transporte escolar integrado para aqueles alumnos/as que fan un uso excepcional (residentes en Bembibre).

Ata o curso pasado, tiñamos que meter a todo ese alumnado excepcional na aplicación de transporte escolar e a Consellería de Educación autorizábaos a utilizalo. Para este curso o procedemento varía e o alumnado que colla o autobús nesas paradas de Bembibre xa non estará rexistrado na aplicación, polo que será considerado como un pasaxeiro máis de liña regular, co que terá que utilizar obrigatoriamente a tarxeta XENTE NOVA cada vez que accedan ao bus (tanto na viaxe de ida como na de volta).

Hai que puntualizar, que aínda que teñan que utilizar a tarxeta XENTE NOVA, o servizo de transporte escolar seguirá sendo gratuíto para eses alumnos/as (os nenos/as menores de 4 anos non utilizarán a tarxeta e accederán libremente ao bus sen ela).

TARXETA XENTE NOVA: na seguinte ligazón teñen toda a información sobre esta tarxeta (quen a pode utilizar, como se solicitala a través de ABANCA, como recargala, etc...):

https://www.bus.gal/gl/xente-nova

 

RESOLUCIÓN DEFINITIVA FONDOLIBROS PRIMARIA CURSO 21-22

Mar, 13/07/2021 - 10:11

Xa se pode consultar no centro ou na sede electrónica da Xunta de Galicia a listaxe definitiva do préstamo de libros de texto para 3º, 4º, 5º e 6º de educación primaria para o curso 2021-22.

RESOLUCIÓN PROVISIONAL FONDOLIBROS

Mar, 06/07/2021 - 12:05

Poden consultar no centro ou na sede electrónica da Xunta de Galicia a resolución das axudas  para material escolar en educación primaria e a listaxe provisional de libros de texto para o alumnado de 3º, 4º, 5º e 6º de primaria (nesta listaxe só aparece o número de libros que lle corresponde a cada alumno/a).

EXAMES DE SETEMBRO 2021

Mar, 29/06/2021 - 20:21

Adxúntase un arquivo co calendario de exames de setembro.

REVISTA SECUNDARIA

Mar, 29/06/2021 - 20:12

Adxúntase o último número da revista que recolle as actividades realizadas polo alumnado de secundaria no terceiro trimestre.

SOLICITUDE DE TRANSPORTE E COMEDOR ESCOLAR

Mar, 29/06/2021 - 09:58

Ata o día 23 de xullo poden pasar polo centro para entregar os impresos de solicitude de transporte e comedor escolar.

Os impresos poderán recollelos nas dependenzas do colexio, ou descargalos a través da aplicación Tokapp e na páxina web do CPI de Bembibre.

Aquelas familias que soliciten o servizo de comedor escolar, ademais do impreso de solicitude, deberán presentar cuberto o Anexo II (autodeclaración).

Xunto cos impresos, achegamos unha nota informativa sobre o proceso de solicitude.

 

LIBROS DE TEXTO PARA O CURSO 2021-22

Lun, 14/06/2021 - 09:13

Publícase no arquivo adxunto a relación de libros de texto para o curso 2021-22 para as etapas de primaria e secundaria.

FONDO SOLIDARIO DE LIBROS DE TEXTO E AXUDAS PARA MATERIAL ESCOLAR CURSO 2021-2022

Mar, 25/05/2021 - 13:57

No DOG do 20/05/21 publicouse a ORDE  do 6 de maio de 2021 pola que se regula a participación no fondo solidario de libros de texto e se convocan axudas para adquirir libros de texto e materia escolar destinadas ao alumnado matriculado en educación primaria, secundaria e educación especial en centros docentes sostidos con fondos públicos para o vindeiro curso. Poden consultar a ORDE na seguinte ligazón:

https://www.xunta.gal/dog/Publicados/2021/20210520/AnuncioG0598-070521-0001_es.html

As solicitudes poderán presentarse por vía electrónica empregando a aplicación "fondolibros" (https://www.edu.xunta.es/fondolibros/), a través da sede electrónica da Xunta de Galica (https://sede.xunta.gal/detalle-procedemento?codtram=ED330B) ou presencialmente no centro docente.

Prazo de presentación das solicitudes: do 21 de maio ao 22 de xuño.

 

 

LISTA DEFINITIVA DE ADMITIDOS CURSO 2021-22

Mér, 12/05/2021 - 09:44

Publicadas as listaxes definitivas do alumnado admitido e non admitido neste centro para o vindeiro curso académico 2021-2022.

De forma non presencial poderán consultarse só a través da aplicación  "admisionalumnado"  empregando a chave 365 ou un certificado dixital. De forma presencial poderán consultarse no taboleiro de anuncios situado no interior do edificio escolar.

REVISTA DE SECUNDARIA

Mér, 21/04/2021 - 12:50

No arquivo adxunto poden consultar as revistas que recollen as actividades de secundaria levadas a cabo durante as dúas primeiras avaliacións. 

LISTA PROVISIONAL DE ADMITIDOS

Mér, 21/04/2021 - 12:43

Publicadas as listaxes provisionais do alumnado admitido e non admitido neste centro para o vindeiro curso académico 2021-2022.

De forma non presencial poderán consultarse só a través da aplicación  "admisionalumnado"  empregando a chave 365 ou un certificado dixital. De forma presencial poderán consultarse no taboleiro de anuncios situado no interior do edificio escolar.

INICIO DO PROCESO DE ADMISIÓN DO ALUMNADO

Lun, 22/02/2021 - 12:52

Para o alumnado que non está matriculado neste centro nin no centro adscrito, o proceso de admisión abranguerá do día 1 ao 22 de marzo. O impreso para solicitala pode recollerse na oficina de administración do CPI de Bembibre. Teñen toda a información e manuais de axuda para as familias na seguinte ligazón:

https://www.edu.xunta.es/admisionalumnado/

PRAZAS VACANTES:

    

Curso/Nivel

Vacantes

4º EI

25

5º EI

9

6º EI

9

1º EP

6

2º EP

12

3º EP

9

4º EP

22

5º EP

8

6º EP

12

1º ESO

0

2º ESO

6

3º ESO

28

4º ESO

15

Nestes datos están recollidas as reservas de 3 prazas para alumnado NEE en 1º Primaria e 1º ESO. 

 

LEXISLACIÓN APLICABLE:

  • Decreto 254/2012, do 13 de decembro
  • Orde do 12 de marzo de 2013
  • Orde  do 25 de xaneiro de 2017
  • Orde do 18 de decembro de 2020

 

 

CURSO 2020/2021: PUBLICACIÓN DA LISTAXE DEFINITIVA DO ALUMNADO PROCEDENTE DE CENTROS ADSCRITOS

Mér, 10/02/2021 - 12:24

A partir do xoves 11 de febreiro de 2021 está publicada no taboleiro de anuncios do centro a listaxe de alumnado admitido procedente do centro adscrito CEIP Plurilíngüe Xacinto Amigo Lera.

ADMISIÓN DE ESO E BACHARELATO EN CENTROS ADSCRITOS PARA O CURSO 2021/2022

Dom, 17/01/2021 - 18:15

O prazo para presentar as solicitudes de reserva de praza en centros adscritos comprende desde o 11 de xaneiro de 2021 ata o 8 de febreiro de 2021, ambos os dous incluídos.

O impreso é o ED550A, que se presentará no centro de orixe. Tamén se pode empregar a aplicación "admisión alumnado".

Máis información do proceso no seguinte enlace.

       Anexo ED550A (galego)           

Anexo ED550A (castelán) 

 

 

 

DISTRIBUCIÓN DE MÁSCARAS AO ALUMNADO

Mar, 17/11/2020 - 14:54

A Consellería de Cultura, Educación e Universidade establece un procedemento para a distribución de máscaras entre o alumnado. As máscaras distribuiranse entre o alumnado cuxas familias tivesen unha renda per cápita igual ou inferior a 6.000 € no exercicio 2018, é dicir, os requisitos son os mesmos que para ser beneficiario do vale para material escolar establecido pola Orde do 12 de maio de 2020 pola que se regula a participación no fondo solidario de libros de texto e se convocan axudas para adquirir libros de texto e material escolar para o curso 2020/21.

 

Acceso á orde:

https://www.xunta.gal/dog/Publicados/2020/20201113/AnuncioG0598-061120-0002_gl.html

 

 
Distribuir contido


by Dr. Radut