.

Desde o martes 21/5/2024 ata o venres 21/06/2024 está aberto o prazo para solicitar axudas para Material Escolar para o alumnado de Ed. Primaria que no próximo curso 2024/2025

FORMA DE PRESENTACIÓN DE SOLICITUDES

• Electrónica: utilice esta aplicación e presente solicitude na Sede Electrónica  [iniciar].

IMPORTANTE: na presentación electrónica deberá presentar unha solicitude individual para cada un dos seus fillos.

NECESITARÁ ter: A) conta de Chave365, ou B) ter instalado certificado dixital (guía) ou DNI electrónico e máis a aplicación Autofirma

• Presencial con asistencia da aplicación : cubra os datos nesta aplicación, imprima os Anexos I e II producidos e presenteos no centro educativo [iniciar].
• Presencial manual: cubra os Anexo I e II da Orde da convocatoria e presénteos no centro educativo.

O alumnado que non estea admitido nin coñeza en que centro vai estar escolarizado no curso escolar 2024-2025, deberá presentar a solicitude no centro no que está matriculado no curso 2023-2024.

DOCUMENTACIÓN COMPLEMENTARIA

• Especificase no artigo 11 da Orde de convocatoria
• NON será necesario xuntar coa solicitude os DNIs, NIEs, acreditacións de discapacidade expedidas pola Xunta, acreditacións de pensión por incapacidade, ou declaracións de IRPF, sempre que NON sinale oposición á comprobación telemática pola administración (para a declaración de IRPF requírese autorización expresa) [artigo 12 da Orde de convocatoria]
• A administración poderá reclamar a presentación de documentación cando non sexa posible a verificación por vía telemática

MÁIS INFORMACIÓN

• “Preguntas frecuentes”
• Información na Sede electrónica da Xunta de Galicia
• Manual de usuario para solicitantes
• Listado de librerías e outros establecementos participantes en Axudas Libros (utilización dos vales de libros e material).

%

Xa tendes na biblio a exposición temática do Día das Letras Galegas, na que poderedes informarvos tanto sobre a vida do autor homenaxeado este ano: Francisco Fernández del Riego, coma sobre a vida e obras de autores e autoras que foron homenaxeados en anos anteriores.

Estes son os libros que están á vosa disposición no estante de Novas Adquisicións. Lembrade que mentres estean neste estante podedes lelos na biblio, pero se queredes levalos en empréstito, teredes que agardar a que estean colocados no estante correspondiente.

Bos días familias:

     Segundo a información que temos, mañá non habería problemas co transporte escolar, pois están incluídos nos servizos mínimos.

Polo tanto, funcionaría como habitualmente

Un saúdo

A celebración das Nacións Unidas do Día Internacional da Muller recoñece e homenaxea ás mulleres e as nenas e ás organizacións de mulleres e feministas que están a loitar polo avance da tecnoloxía transformadora e polo acceso á educación dixital. O Día Internacional da Muller de 2023 explorará os efectos da fenda dixital de xénero no crecemento das desigualdades sociais e económicas. Tamén poñerá de relevo a importancia de protexer os dereitos das mulleres e as nenas nos espazos dixitais e de abordar a violencia de xénero en liña e a facilitada polas novas tecnoloxías da comunicación.

              O proxecto Modo galego, actívao! contemplou dende o principio facer unha experiencia de inmersión ao estilo dos 21 días co galego e +. A Real Academia Galega, o Concello de Ames e os centros educativos de educación infantil e primaria decidimos facer colaborativamente unha versión adaptada na que todas as escolas do concello puidesen participar.

       O elemento central da experiencia consiste en establecer o compromiso entre o alumnado, o profesorado, o monitorado dos servizos complementarios e outros traballadores e traballadoras dos centros educativos de empregar o galego durante tres semanas.

Como no programa de referencia, a experiencia artellarase mediante un blog que orientará diariamente o seu funcionamento. 

Se fas clic na imaxe, poderas coñecer máis sobre este proxecto.