Dende a semana pasada mirabamos impacientes o tempo para ver se nos daba un respiro e nos deixaba facer o Magosto antes de que se nos estragaran as castañas. E por fin o luns vimos que o martes sería un bo día para levar a cabo o tradicional asado de castañas.

Comezamos a mañá preparando o lume para que estivera a punto para cando baixaran os nenos/as a degustalas, acompañadas dun zume de froitas, que xa se sabe que as castañas baixan moi ben cun pouquiño de líquido.

Mentres, os alumnos/as preparaban nas súas clases os cornetes e demais creacións para levar unha boa presada de castañas quentiñas e poder sentarse tranquilamente no patio a comelas.

Unha vez rematada a degustación, que por certo pouca proba quedou, deron comezo os tradicionais xogos no patio do colexio.

-         

Sacos

-         

Baile da vasoira

-         

Xogo do conxelado

-         

Tiro á Corda

-         

Birlos

-         

Relevos de culleres

-         

Rá

-         

Diana

-         

Baile coas castañas

Ç                   

O luns todo o cole foi a un concerto didáctico no auditorio da Semana Verde. Pero non fomos a escoitar un concerto calquera, senón que fomos a disfrutar dun concerto con títeres.

Ademáis de desfrutar dos títeres que nos levaron polos mundos de Hansel e Gretel, uns irmás aburridos de axudar aos seus pais que deciden marchar de aventuras topando unha casiña de chocolate e unha bruxa malvada, escoitamos un quinteto de vento con trompa, frauta traveseira, óboe, clarinete e o fagot.

Pasámolo moi ben e divertímonos moito.

Para conmemorar o fin de curso tivemos unha xornada moi especial, na que non faltaron actuacións, xogos, e un xantar na carballeira do colexio. 

Se queredes ver o ben que o pasamos clicade na imaxe.

Con motivo da celebración do día das Letras Galegas o centro encheuse de contos, poemas,obras de teatro...

Os maiores do colexio escolleron un texto para lerlle aos mais pequenos. 

Como podedes ver nas fotos pasamos xuntos unha xornada moi entretida. 

O luns día 24, para celebrar o día de Rosalía, o alumnado de segundo ciclo de primaria acudiu a un contacontos na casa da Cultura de Silleda.

As fotos do magosto están na galería da WEB, no album 2013-2014, magosto, a galería atópase na parte superior dereita desta web. debemos premer en galería.

Recordámoslles aos pais, nais e alumnos que na sección recursos atoparán actividades para repasar os contidos traballados na aula.