O Ceip de Seixo, en colaboración co Centro de Formación e Recursos de Pontevedra, pon esta tarde en marcha unha xornada de formación para as familias do cole sobre o uso e aproveitamento de diversas ferramentas dixitais que se están a empregar no centro: ABALAR, AULA DIXITAL, WEBEX e FALEMOS.

Familias!

Como xa vos comentamos, en información anteriormente enviada por ABALAR, debido ao elevado número de participantes vanse repartir as videoconferencias en 2 grupos:

- VENRES 27 de NOVEMBRO: 16:30 H. (FAMILIAS DE INFANTIL, 1º, 2º e 3º)

- VENRES 27 de NOVEMBRO: 18 H. (FAMILIAS DE 4º, 5º e 6º)

Para que poidades acceder á formación tan só tendes que picar (na quenda que vos corresponda) na seguinte foto ou no seguinte enlace:

ACCESO ÁS XORNADAS

Lembrade que, na aula virtual do cole, xa dispoñedes de información que se vai empregar nas xornadas!

Picade a continuación e accederedes a ela:

INFO XORNADAS

DIRIXIDO A ALUMNADO DE 1º A 6º DE PRIMARIA

Iníciase a tramitación de participación no procedemento de distribución de máscaras entre o alumnado segundo a ORDE do 6 de novembro de 2020 pola que se regulan os criterios e o procedemento de distribución de máscaras entre o alumnado matriculado en primaria, educación secundaria obrigatoria e educación especial en centros docentes públicos dependentes desta consellería e en centros privados concertados no curso 2020-2021 (código de procedemento ED330E).

a) NON TEN QUE PRESENTAR SOLICITUDE: o alumnado beneficiario de axuda de material escolar no curso 2020-2021.

b) TEN QUE PRESENTAR SOLICITUDE DE FORMA PRESENCIAL NO CENTRO: o alumnado que non foi beneficiario da axuda de material escolar no curso 2020-2021 que cumpra algunha das seguintes condicións:

- Que pertenza a unha familia cunha renda per cápita igual ou inferior a 6.000 €.

- Alumnado matriculado en educación especial.

- Alumnado suxeito a tutela ou garda da Xunta de Galicia.

- Alumnado cun grao de discapacidade igual ou superior ao 65%.

c) O prazo de presentación de solicitudes (ANEXOS I E II máis documentación complementaria que se pode ver na orde no artigo 9) para o alumnado non beneficiario da axuda de material escolar no curso 2020-2021, que cumpra as anteriores condicións será do día 16 de novembro ao 27 de novembro incluído.

d) Para a presentación de solicitudes no centro deben chamar con anterioridade ao teléfono: 886 151 350 para concertar a entrega da documentación en SECRETARÍA e evitar aglomeracións seguindo o protocolo Covid. Horario de PRESENTACIÓN SOLICITUDES:

Descargar impreso para a solicitude, e ver a documentación complementaria (ARTIGO 9) que hai que achegar, nos seguintes documentos adxuntos...

TAMÉN PODEDES SOLICITAR OS IMPRESOS AOS TITORES (AXENDA-ABALAR) E SERALLE ENTREGADO AO NENO/A.

Queridas familias:

Aínda que este é un curso moi raro, non queremos deixar de estar cerca vosa e manter a comunicación nun ano no que aínda é máis importante traballar unidos.

O protocolo da Xunta di que "salvo razóns xustificadas ou relacionadas con procesos administrativos, ou cando a presenza sexa requirida polo propio centro, non se permite a entrada dos proxenitores no centro educativo. O centro establecerá horarios específicos para a atención das familias non coincidentes con horarios de entrada e saída nin con intercambios de clase ou recreos."

Tendo isto en conta, dende o equipo directivo, fixemos este horario de atención ás familias no que dirección, xefatura ou secretaría estarán dispoñibles.

É importante que chamedes antes para concertar unha cita.  

Se tendes algunha urxencia non dubidedes en chamar (886.151.350) ou comunicarllo aos mestres de garda que están nas entradas e saídas.

Neste apartado podedes consultar a listaxe do material para o curso 2020-2021.

A listaxe de material para o alumnado de Educación Infantil será comunicada polo mestre/a titor/a de cada un dos grupos.

Queridas familias:

Se estades interesados no comedor e/ou no plan madruga, lede con atención.

Premendo na imaxe que está ao final desta publicación, accederedes a un pdf (editable) que tendes que cubrir para inscribirvos nestes servicios para o próximo curso. Se vos da problemas podedes vir ao centro (ata o 22 de xullo de 10 a 13) que vos damos unha copia impresa.

É moi importante ler e cubrir todos os apartados, non vos esquezades do nome do centro escolar nin de firmala. 

No documento tendes un correo electrónico (ou un fax) que é onde debedes enviar a solicitude.

O límite para enviar as inscripcións é o 25 de agosto, pero recomendámosvos facelo canto antes para poder ter unha previsión de usuarios e organizar o servizo.

Se tendes algunha dúbida chamade a Arume ou ao colexio. Dende o centro podemos axudarvos no proceso, pero non podemos presentar as solicitudes, ten que facelo cada familia.

PUBLICACIÓN DAS LISTAXES DEFINITIVAS DE ALUMNADO ADMITIDO PARA O CURSO 2020-2021.

Con data do 26 de xuño de 2020 están publicadas nos taboleiros informativos do centro as listaxes definitvas de alumnado admitido para o curso 2020-2021.

Todo o alumnado que solicitou admisión no CEIP de Seixo, dentro de prazo, está admitido.

AVISO IMPORTANTE:

Lémbrase que o alumnado admitido debe formalizar a matrícula no centro do 1 ao 10 de xullo  2020.

AS SOLICITUDES DE ADMISIÓN PRESENTADAS FÓRA DE PLAZO FORON REMITIDAS Á INSPECCIÓN EDUCATIVA, ONDE SERÁN VALORADAS POLA COMISIÓN DE ESCOLARIZACIÓN.

A RESOLUCIÓN NOTIFICARÁSE A MEDIADOS DE XULLO ÁS FAMILIAS SOLICITANTES.

PARA CALQUERA DÚBIDA OU ACLARACIÓN PÓÑANSE EN CONTACTO COA SECRETARÍA DO CENTRO EN HORARIO DE 9:30- 14:00 OU NO TELÉFONO: 886 151 349

A dirección

 NOTA FINAL DE CURSO 2019-2020

 Estimadas familias,

 comunicávosmos varios avisos para este final de curso:

 1.    1. Mañá, venres 19 de xuño, é o último día para presentar a solicitude do Fondo de libros e axudas material escolar (alumnado de educación primaria).

2.     2. Xa está publicada ( na web do CEIP de Seixo e no Tablón de anuncios do centro) a Listaxe de Libros de texto para o curso 2020-2021 (agardar á resolución das solicitudes do Fondo e publicación das listaxes - 10 xullo-provisionais- e 17 xullo –definitivas- antes de reservalos/mercalos).

3.    3. Polas circunstancias excepcionais do desenvolvemento do 3º trimestre do curso 2019-2020, na etapa de educación primaria, non se rexistrarán cualificacións da 3ª avaliación, só a final, segundo as Instrucións do 28 de maio de 2020, da Dirección Xeral de Educación, Formación Profesional e Innovación Educativa pola que se amplían e concretan determinados aspectos das Instrucións do 27 de abril de 2020 para o desenvolvemento do 3º trimestre do curso académico 2019/2020, nos centros docentes da Comunidade Autónoma de Galicia.

4.     4. Na etapa de Educacion Infantil, seguindo Instrucións da Inspección Educativa, ao non ter avaliación final, sí se reflexa a 3ª avaliación.  

5       5. As notas deste final de curso publicaranse o día 19 de xuño, ás 12:00h. a través da aplicación Abalar Móbil. No seguinte enlace tedes acceso á descarga da mesma: AbalarMóbil. Se algunha familia tivese problemas para ver as notas, pode poñerse en contacto a través do correo do centro ceip.seixo@edu.xunta.es ou do correo da titora correspondente.

1.

Un saúdo,

A dirección do CEIP de Seixo- Marín