Iniciar sesión: Acceso

HORARIO DE ATENCIÓN ÁS FAMILIAS

Queridas familias:

Aínda que este é un curso moi raro, non queremos deixar de estar cerca vosa e manter a comunicación nun ano no que aínda é máis importante traballar unidos.

O protocolo da Xunta di que "salvo razóns xustificadas ou relacionadas con procesos administrativos, ou cando a presenza sexa requirida polo propio centro, non se permite a entrada dos proxenitores no centro educativo. O centro establecerá horarios específicos para a atención das familias non coincidentes con horarios de entrada e saída nin con intercambios de clase ou recreos."

Tendo isto en conta, dende o equipo directivo, fixemos este horario de atención ás familias no que dirección, xefatura ou secretaría estarán dispoñibles.

É importante que chamedes antes para concertar unha cita.  

Se tendes algunha urxencia non dubidedes en chamar (886.151.350) ou comunicarllo aos mestres de garda que están nas entradas e saídas.

PLAN DE ADAPTACIÓN Á SITUACIÓN COVID-19 DO CEIP SEIXO

Queridas familias!

Tal como se acordou, por aquí vos deixamos o PLAN DE ADAPTACIÓN A SITUACIÓN COVID - 19 PARA O NOSO COLE e os seus ANEXOS. Un plan elaborado a partir do protocolo publicado conxuntamente polas consellerías de educación e sanidade.

Esta é a primeira versión dun documento aberto e flexible que se irá adaptando en función dos cambios e necesidades que poidan ir xurdindo no centro.

Achegámosvos o PLAN en dous arquivos: PLAN e ANEXOS.

Estamos abertos ás vosas suxestións e xa sabedes que podedes consultar calquera dúbida, a través de consulta telefónica ou concertando cita previa, en horario de 09:30 a 14:30 horas.

Sabemos que é un documento longo e de difícil lectura pero pedímosvos que vexades con especial atención a parte organizativa (entradas, saídas, recreos, titorías...).

LISTAXE MATERIAL CURSO 2020-2021

Neste apartado podedes consultar a listaxe do material para o curso 2020-2021.

A listaxe de material para o alumnado de Educación Infantil será comunicada polo mestre/a titor/a de cada un dos grupos.

INFORMACIÓN SOBRE O INICIO DO CURSO 2020/21

Queridas familias:

Sabemos que estades nerviosos e preocupados polo inicio de curso, é totalmente normal, este ano máis que nunca, por iso esperamos aclarar algunhas dubidas e transmitir un pouco de tranquilidade. Sentimos non facelo antes, imos informándovos a medida que recibimos instrucións.

HORARIO PRIMEIROS DIAS

Co obxectivo de facilitar a adaptación do alumnado ás novas dinámicas do centro flexibilizaremos as entradas os días 10 e 11 de setembro.

Pensamos que será moi beneficioso para o alumnado e as familias ter unha chegada especial e diferente, dentro do raro que será todo este curso. Facer esta chegada gradual nos permitirá explicarvos cales son as portas de entrada e saída de cada curso e recibir de xeito mais individualizado ao alumnado.

Fixemos o horario de entrada en base ao calendario marcado pola consellería que dividiu o inicio do curso en dous días.

Xoves:

  • 9:30 - entrada 3º primaria
  • 10:00 - entrada 2º primaria
  • 10:30 - entrada 1º primaria
  • 11:00 - entrada 4 anos
  • 3 anos segundo a adaptación

 Venres:

  • 9:30 a 10:00 - Entrada normal de 1º, 2º, 3º e 4 anos.
  • 10:00 - entrada 6º primaria
  • 10:30 - entrada 5º primaria
  • 11:00 - entrada 4º primaria
  • 11:30 - entrada 5 anos

Estes dous días todo o alumnado entrará pola porta principal. So podemos permitir a entrada no centro a un membro de cada familia.

Por suposto recibiriamos ás 9:30 a todo o alumnado que veña no transporte e aos que por motivos persoais non podan flexibilizar ese día.

MATERIAL ESCOLAR

O luns publicaremos as listas de material que, de inicio, pedirá cada titora para comezar o curso. Este ano será moi diferente e iremos pedindo outro material ao longo do curso segundo xurdan as necesidades. Confiade nas titoras que vos irán informando de todo.  

PLAN DE ADAPTACIÓN AO CONTEXTO COVID19

Como xa vos contamos, estamos elaborando o Plan para o centro a partir do protocolo publicado por Sanidade e Educación. Entre o luns e o martes o faremos público para que poidades lelo antes do inicio do curso.

Se tendes algunha dúbida con esta información podedes chamar ao centro de 9:30 a 14:30. Seguimos pedímosvos paciencia e confianza, entre todos conseguiremos que sexa un bo curso.  

INSCRIPCIÓN COMEDOR/PLAN MADRUGA - CURSO 2020/21

Se estades interesados no comedor e/ou no plan madruga, lede con atención.

Premendo na imaxe que está ao final desta publicación, accederedes a un pdf (editable) que tendes que cubrir para inscribirvos nestes servicios para o próximo curso. Se vos da problemas podedes vir ao centro (ata o 22 de xullo de 10 a 13) que vos damos unha copia impresa.

É moi importante ler e cubrir todos os apartados, non vos esquezades do nome do centro escolar nin de firmala. 

No documento tendes un correo electrónico (ou un fax) que é onde debedes enviar a solicitude.

O límite para enviar as inscripcións é o 25 de agosto, pero recomendámosvos facelo canto antes para poder ter unha previsión de usuarios e organizar o servizo.

Se tendes algunha dúbida chamade a Arume ou ao colexio. Dende o centro podemos axudarvos no proceso, pero non podemos presentar as solicitudes, ten que facelo cada familia.

AVISOS IMPORTANTES PARA O MES DE XULLO

HORARIO DO CENTRO NO MES DE XULLO
O centro permanecerá aberto de 10 a 13 horas dende o 1 ao 22 de xullo do 2020.
A PARTIR DO 22 DE XULLO E A ATA O 31 DE XULLO, para calquera consulta chamar ao número de teléfono: 696 10 70 27 (en horario de 10-13 horas).
  
REUNIÓN INFORMATIVA PARA AS FAMILIAS DO NOVO ALUMNADO DE 4º DE INFANTIL
Venres 10 de Xullo ás 12:30 h.
Medidas de Protección:
      - Asistencia dunha persoa por familia
      - Acudir sen nenos
      - Obrigatorio: Uso de mascarilla
  
LISTAXE PROVISIONAL FONDO SOLIDARIO DE LIBROS DE TEXTO CURSO 2020-2021 e PRAZO DE RECLAMACIÓNS
O venres 10 de xullo poderanse consultar, no taboleiro de anuncios do cole, as listaxes das solicitudes admitidas e excluídas no FONDO SOLIDARIO DE LIBROS 2020-2021.
O prazo de reclamacións serán os días 13 e 14 de Xullo de 2020.
  
LISTAXE DEFINITIVA DE SOLICITUDES ADMITIDAS NO FONDO SOLIDARIO DE LIBROS DE TEXTO CURSO 2020-20201
O venres 17 de xullo poderanse consultar, no taboleiro de anuncios do cole, as listaxes definitivas de solicitudes admitidas no FONDO SOLIDARIO DE LIBROS DE TEXO 2020-2021 e a relación de libros adxudicados.  
  
PRAZO DE ENTREGA PARA RECOLLIDA DE VALES PARA ADQUIRIR LIBROS DE TEXTO E MATERIAL ESCOLAR
Unha vez publicada a listaxe definitiva, os días 20, 21 e 22 de xullo de 2020, en horario de 10 a 13 horas poderán pasar a recoller os vales. De NON poder facelo neste prazo, terán que recollelo nos primeiros días do mes de setembro.

 

PUBLICACIÓN DA LISTAXE DEFINITIVA DE ADMITIDOS PARA O CURSO 2020-2021

PUBLICACIÓN DAS LISTAXES DEFINITIVAS DE ALUMNADO ADMITIDO PARA O CURSO 2020-2021.

 

Con data do 26 de xuño de 2020 están publicadas nos taboleiros informativos do centro as listaxes definitvas de alumnado admitido para o curso 2020-2021.

Todo o alumnado que solicitou admisión no CEIP de Seixo, dentro de prazo, está admitido.

 

AVISO IMPORTANTE:

Lémbrase que o alumnado admitido debe formalizar a matrícula no centro do 1 ao 10 de xullo  2020.

 

AS SOLICITUDES DE ADMISIÓN PRESENTADAS FÓRA DE PLAZO FORON REMITIDAS Á INSPECCIÓN EDUCATIVA, ONDE SERÁN VALORADAS POLA COMISIÓN DE ESCOLARIZACIÓN.

A RESOLUCIÓN NOTIFICARÁSE A MEDIADOS DE XULLO ÁS FAMILIAS SOLICITANTES.

 

PARA CALQUERA DÚBIDA OU ACLARACIÓN PÓÑANSE EN CONTACTO COA SECRETARÍA DO CENTRO EN HORARIO DE 9:30- 14:00 OU NO TELÉFONO: 886 151 349

 

A dirección

INFORMACIÓN FINAL DE CURSO 2019-2020

 NOTA FINAL DE CURSO 2019-2020

 Estimadas familias,

 comunicávosmos varios avisos para este final de curso:

 1.    1. Mañá, venres 19 de xuño, é o último día para presentar a solicitude do Fondo de libros e axudas material escolar (alumnado de educación primaria).

2.     2. Xa está publicada ( na web do CEIP de Seixo e no Tablón de anuncios do centro) a Listaxe de Libros de texto para o curso 2020-2021 (agardar á resolución das solicitudes do Fondo e publicación das listaxes - 10 xullo-provisionais- e 17 xullo –definitivas- antes de reservalos/mercalos).

3.    3. Polas circunstancias excepcionais do desenvolvemento do 3º trimestre do curso 2019-2020, na etapa de educación primaria, non se rexistrarán cualificacións da 3ª avaliación, só a final, segundo as Instrucións do 28 de maio de 2020, da Dirección Xeral de Educación, Formación Profesional e Innovación Educativa pola que se amplían e concretan determinados aspectos das Instrucións do 27 de abril de 2020 para o desenvolvemento do 3º trimestre do curso académico 2019/2020, nos centros docentes da Comunidade Autónoma de Galicia.

4.     4. Na etapa de Educacion Infantil, seguindo Instrucións da Inspección Educativa, ao non ter avaliación final, se reflexa a 3ª avaliación.  

5       5. As notas deste final de curso publicaranse o día 19 de xuño, ás 12:00h. a través da aplicación Abalar Móbil. No seguinte enlace tedes acceso á descarga da mesma: AbalarMóbil. Se algunha familia tivese problemas para ver as notas, pode poñerse en contacto a través do correo do centro ceip.seixo@edu.xunta.es ou do correo da titora correspondente.

1.

Un saúdo,

A dirección do CEIP de Seixo- Marín

ABALAR MÓBIL

Estimadas familias:

Moit@s de vós xa tedes instalada a aplicación ABALARMÓBIL nos vosos teléfonos. Aos que aínda non a tendes, convidámosvos a que a descarguedes, é moi sinxelo e é GRATUÍTA.

Para poder acceder ao datos dos vosos fill@s tedes que ter os números de teléfono actualizados.

Se tedes algunha dificultade para descargar dita aplicación poñédevos en contacto con nós a través do teléfono ou do correo electrónico.

Iremos enviando diversos avisos por medio desta plataforma, por iso queremos pedirvos ás familias que aínda non os fixéstedes que descarguedes dita aplicación.

INSTRUCCIÓNS

Para máis información podedes mirar o seguinte vídeo...

Ou consultar os seguintes documentos adxuntos...

WEB DO CEIP SEIXO

 Moi benvidos todos á páxina web do noso centro! 

Non vos perdades as últimas novas na caixa de Información

(na columna da esquerda),

e visitade os nosos blogues para estar ao tanto de todo

o que sucede no cole,

UN COLE QUE GOZA APRENDENDO!

Distribuir contido