Curso 2023/24

Día Mundial de Concienciación sobre o Autismo

A día de hoxe aínda existe un gran descoñecemento sobre o autismo. Por exemplo, sabías que non existen dúas personas autistas iguais? ou que non hai rasgo físico visíbel que sexa identificativo de que unha persoa é autista? A falta de información, os mitos e as imaxes estereotipadas que vemos en series ou películas non axudan a entender o autismo e as súas características, pero trátase dunha realidade moi presente na sociedade que debemos coñecer, comprender e apoiar.

O día 2 de abril celebramos o Día Mundial de Concienciación sobre o Autismo. Nós aportamos o infinito colectivo á campaña. #AutismoCercaDeTi #DíaMundialAutismo

Picando nesta ligazón podedes atopar información para axudar a levar esta mensaxe máis lonxe.

Álbum: CURSO 2023/24 -> TEA

Día Internacional dos Bosques e da Auga

O pasado 22 de marzo celebramos o Día dos bosques e da auga. Os nenos e nenas de 2º e 3º fixeron estes traballiños para conmemorar este día.

Álbum: CURSO 2023/24 -> Día Internacional dos Bosques e da Auga

Día Mundial do Síndrome de Down

Onte, 21 de marzo foi o Día Mundial do Síndrome de Down. Esta conmemoración ten o seu significado simbólico: o terceiro mes do ano representa a trisomía do cromosoma 21, característica xenética deste síndrome.

Nos últimos anos, a esta xornada engadiuse un importante símbolo. Trátase de vestir un par de calcetíns desparellados, xa que teñen unha forma parecida aos cromosomas, para mostrar que NÓS TAMÉN aceptamos a diferenza sen ningún prexuízo.

Álbum: CURSO 2023/24 -> S. Down

Visita á cociña

A clase de 5º de Ed. Infantil visitou onte a nosa cociña e axudaron a preparar o postre especial que tivemos esta semana "Torrijas", estaban boísimas!

Seguro que voltamos noutra ocasión.

Álbum: CURSO 2023/24 -> PEQUENOS CHEFS

Día da Felicidade

O Día 20 de marzo celebrouse o Día da felicidade. Cada grupo aportou dúas palabras que lles transmitiran felicidade e fixemos un pequeno mural, velaquí o tedes!