Na seguinte ligazón pódese acceder á Orde e Anexos da convocatoria.
https://www.edu.xunta.gal/fondolibros/
O prazo de presentación: comeza o 21 de maio e remata o 21 de xuño de 2024 (este incluído).
Forma de presentación: Electrónica, presencial con asistencia da aplicación ou presencial manual.
O alumnado que non estea admitido nin coñeza en que centro vai estar escolarizado no curso escolar 2024.25, deberá presentar a solicitude no centro no que está matriculado no curso 2023-24.
Destinatarios:
- Axudas para material escolar: Só para o alumnado de Ed. Primaria.
- Axudas para adquirir libros de texto: 1º E 2º de Ed. Primaria e NEAE*.
- Fondo solidario de libros de texto (préstamo): 3º e 4º de Ed. Primaria (5º e 6º non procede por estar en E-Dixgal, onde se facilitan libros dixitais).
A documentación requerida é a seguinte:
-Anexo I e II.
-Copia do libro de familia ou documentación equivalente, onde figure o/a alumno/a e os demais membros computables da unidade familiar.
-En caso de separación ou divorcio: sentenza e/ou convenio regulador.
-Execpcionalmente poderá acreditarse o número de membros computables a través dun certificado ou volante de convivencia, ou informe dos servizos sociais.
IMPORTANTE:
É obrigatorio solicitar cita previa para presentar a documentación de xeito presencial, no teléfono: 881866814
Nota aclaratoria: O alumnado que remata 6º de Ed. Primaria este ano, terá que solicitar a información no IES no que está admitido para o vindeiro curso.
*Véxanse requisitos na convocatoria.
