Biblioteca

NOVIDADES

Ven, 2024-05-24 17:20 — isabelmartinez

Con estas novas adquisicións completamos os fondos adicados ao Día das Letras Galegas, que este ano homenaxea á figura de Luisa Villalta. Entre eles, atopamos algúns libros coa súa biografía e os seus poemas. Esperamos que vos gusten.

TUI LE

Sáb, 2024-04-27 17:46 — isabelmartinez

O pasado día 19, o alumnado de 1º e 2º asistiu á Área Panorámica de Tui para celebrar o "Tui Le". Como levamos facendo nos últimos anos, xuntámonos cos colexios e institutos do concello de Tui para festexar a festa das letras e dos libros, contando ademais coa colaboración da Biblioteca Municipal e a Concellería de Ensino.

Intercambiamos libros, asistimos á actuación de "Pakolas e Laura Romero" e visitamos a exposición de carteis que fixo o alumnado participante.

Esperamos darlle continuidade a esta celebración e animar así a todos a que se acheguen ao fantástico mundo dos libros.

CONTACONTOS

Sáb, 2024-04-27 17:20 — isabelmartinez

Hai uns días tivemos a sorte de contar coa visita de Sabela Gago e David Rodríguez, que nos contaron uns contos marabillosos.

Desfrutamos moito con eles!

DÍA DE ROSALÍA

Mar, 2024-03-05 22:13 — isabelmartinez

Aquí temos ao noso alumnado desfrutando da obra de Rosalía de Castro no seu día e achegándose á poesía.

NOVIDADES NA BIBLIOTECA

Lun, 2024-02-19 22:00 — isabelmartinez

Xa temos aquí as últimas adquisicións da biblioteca. Esperamos que sexan do voso agrado e que desfrutedes con elas.

OBRADOIRO DE NADAL

Mér, 2023-12-20 21:50 — isabelmartinez

Este é o froito dos OBRADOIROS DE TARXETAS DE NADAL. Para realizalas, empregamos papel reutilizado e anacos de cartolina. Con elas felicitaremos o Nadal ás nosas familias e amigos.

GUÍA DE LECTURA

Mér, 2023-12-20 21:28 — isabelmartinez

Con esta nova "Guía de lectura" aportamos algunhas suxestións para que lle pidades aos Reis magos, Papá Noel ou ao Apalpador algún libro este Nadal.

DEIXÁDEVOS ATRAPAR POLA MAXIA DOS LIBROS!

PREME NO ADXUNTO

1 adxunto

25 N

Lun, 2023-12-18 11:37 — isabelmartinez

Aquí temos o resultado tras reflexionar e traballar sobre a eliminación da violencia de xénero e a convivencia. Quixemos plasmar as conclusións nas nosas pegadas, que nos levan cara o lema escollido: CAMIÑANDO XUNTOS/-AS CARA A IGUALDADE. Confiamos en que o noso labor nos leve a unha sociedade máis xusta, igualitaria e sen violencia.

OBRADOIRO DE TARXETAS DE NADAL

Mar, 2023-12-05 23:54 — isabelmartinez

NOVIDADES

Xov, 2023-11-30 21:02 — isabelmartinez

Xa temos colocadas as novas adquisicións, e todo grazas ao traballo dos/das "Chiscoaxudantes", que etiquetan, colocan e ordenan todos os exemplares que van chegando.

Hai un montón de libros interesantes: banda deseñada, teatro, inventos, corpo humano... Seguro que ides atopar algo que vos gustará. Esperámosvos.