XA LEVAMOS DOUS MESES XUNTIÑOS NO COLE, ADAPTÁNONOS MOI BEN A TODAS AS PROPOSTAS QUE VAN XURDINDO. AS RUTINAS XA FORMAN PARTE DA NOSA VIDA ESCOLAR, E POUCO A POUCO AS TAREFAS VANSE COMPLICANDO.

O ENCARGADO DO DÍA PASA LISTA, CONTA CANTOS NENOS E NENAS FALTAN, E CANTOS SOMOS. ESCRIBIMOS O SEU NOME NA PIZARRA, FALANDO DAS LETRAS QUE COMPOÑEN O NOME, E QUEN AS COMPARTE NA CLASE (OU NA CASA), CONTAMOS CANTAS LETRAS TEN O NOSO NOME, E POR ÚLTIMO O ENCARGADO OU ENCARGADA O ESCRIBE NA PIZARRA. AXUDAMOS A FACER RECADIÑOS COMO REPARTIR OS MANTEIS PARA A MERENDA.

COMO PODEDES VER NA PRESENTACIÓN, MERENDAMOS SENTADIÑOS, RODEADOS DOS COMPIS, COMPARTINDO MOMENTOS E SOBRE TODO RISAS, MOITAS RISAS…

ESTE MES TAMÉN RECOLOCAMOS OS RECANTOS, E COMO NOVIDADE IMPORTANTE, NA COCIÑA TEMOS UNHA MESA NOVA CUN MANTEL. ALGO TAN SINXELO FIXO QUE MOITOS NENOS (SOBRE TODO) E ALGUNHA NENA QUE IAN POUCO A ESTE RECANTO, O VISITEN MÁIS A MIÚDO E CON MOITO INTERÉS. FOI UN ÉXITO!!!

ANTES DA HORA DO CONTO, CANDO REMATAMOS A MERENDA, LEMOS LIBREMENTE, E CADA VEZ DE FORMA MÁIS TRANQUILA E ORDEADA… A VERDADE É QUE AS NENAS MAIORES QUE VEÑEN A AXUDARNOS COAS MERENDAS TIVERON MOITO QUE VER CON ISTO, FORON UN MOI BÓ EXEMPLO PARA OS PEQUENOS. GRAZAS POR VIR!!!

PODEDES VER TAMÉN QUE É MOI IMPORTANTE PARA MIN, SER BO COMPAÑEIRO E COMPAÑEIRA, SER AMIGOS É UNHA BASE FUNDAMENTAL, E PEQUENOS XESTOS COMO ABOTOAR OU DESABOTOAR OS MANDILÓNS NOS AXUDAN A PRESTAR AXUDA, A FACER EQUIPO, A SER AMIGOS A FIN DE CONTAS. FACENDO UN GUIÑO Á PELÍCULA DE TROLLS:

NINGÚN NENO OU NENA QUEDA ATRÁS!!!

TEMOS XOGOS DE LETRAS NOVOS, LETRAS MÓVILES IMANTADAS E DE CORES, COAS QUE FORMAMOS PALABRAS TRABALLADAS (COMO MAGOSTO), OU O NOSO NOME, INVENTAMOS OU CREAMOS OUTRAS E AS LEMOS (ISTO É MOI DIVERTIDO), E NO ORDENADOR HAI UN DOCUMENTO DE TEXTO ABERTO, NO QUE LIBREMENTE FACEMOS AS NOSAS PEQUENAS APORTACIÓNS. CANDO LEVEMOS UNHAS PÁXINAS IMOS A IMPRIMIR E FACER O NOSO PRIMEIRO LIBRO COAS APORTACIÓNS DE TODOS. VAI SER MOI DIVERTIDO LELO, SE ALGÚN SE ANIMA ESTADES CONVIDADOS ;)

POR ÚLTIMO, NOS XOGOS QUE FACEMOS AO FINAL DA MAÑÁ, ESTA SEMANA COMPLICAMOS A SELECCIÓN DE BLOQUES XEOMÉTRICOS ATENDENDO AGORA Á FORMA, TAMAÑO E COR… CANTO TRABALLIÑO…