A SEMANA PASADA COMEZAMOS O TEMA DOS PEIXES E TIBURÓNS,ESCOLLIDO POLOS NENOS E NENAS.ALGÚNS TROUXERON MATERIAIS DA SÚA CASA PARA COMPARTIR CON TODOS NÓS.HOXE CADA NENO E NENA PRESENTOU O SEU MATERIAL.

OLIVER TROUXONOS UNHAS PECERAS PARA POÑER OS PEIXES QUE A PROFE VAI TRAER.TROUXONOS DÚAS PERO AO FINAL QUEDAMONOS COA GRANDE,GUSTOULLES MÁIS.

ALTEA TROUXO UN LIBRO DE PEIXES MOI INTERESANTE.

SERGIO DEIXOUNOS UN LIBRO DE ANIMAIS E UN LIBRO DE PEGATINAS DE PEIXES.

XOSÉ TROUXO UN CONTO ONDE O PROTAGONISTA É UN CABALIÑO DE MAR.

ISMA ENSINOUNOS UNHAS FOTOS DE CANDO FOI A TENERIFE,UNHA ORCA E UNS TIBURÓNS DE XOGUETE E FOTOS DO SEU ACUARIO.TAMÉN NOS CONTOU QUE O SEU PEIXE"COME CACA" MORREU.

ALICIA TROUXO UN TIBURÓN DE PELUCHE MOI CHULO.

JUDITH MOSTROUNOS O SEU CONTO DE TIBURÓNS.

SEGUNDO VAIADES TRAENDO MÁIS COUSILLAS OS NENOS FARANNOS A SÚA PRESENTACIÓN.

TEMOS UNHA MESA,ONDE ESTÁN  TODOS ESTOS MATERIAIS SOBRE O TEMA,QUE PODEN ACCEDER A ELES CANDO O QUEIRAN.

GRAZAS A TODOS E TODAS POR PARTICIPAR.

ESTA SEMANA VOLTAMOS A TOMAR FROITA NO TEMPO DE RECREO.POIDEMOS SABOREAR PLÁTANOS,ALBARICOQUES,MAZÁS,PERAS E PELADILLOS).O VENRES DESPOIS DA MERENDA POIDEMOS FACER RECONTO DE CANTAS FROITAS COMEMOS,CREO QUE ALGÚN E ALGUNHA NON BOTOU MOI BEN AS CONTAS POIS 10 MAZÁS PARA O RECREO,...BUFFF.

AS ACTIVIDADES QUE FACEMOS DESPOIS DE MERENDAR FORON CAMBIANDO AO LONGO DO CURSO NO PRIMEIRO TRIMESTRE FOI LEER UN CONTO ,NO SEGUNDO TRIMESTRE LEER UN CONTO E DEBUXAR E NESTE TERCER TRIMESTRE COMA XA SOMOS MOI MAIORES XA PODEMOS RECORTAR,PEGAR,DEBUXAR E MIRAR CONTOS E FACEMOS COUSAS MOI CREATIVAS.SOMOS UNS ARTISTAS!!!!.

Os nenos e nenas  de sexto traballaron este curso no invernadoiro plantando ,coidando facendo compost,...deixovos unha pequena información do compost.

Compost

Os restos orgánicos que cres que xa non serven para nada deberías recompilalos nun colector . Co paso do tempo obterás unha excelente mixtura chamada compost  que servirá como abono para que as plantas teñan un crecemento favorable.

 Como fabricar o teu propio abono?

 1º-    Busca un lugar soleado . Coloca o colector sobre terra, en lugar de facelo sobre cemento, para que a auga se filtre e os organismos beneficiosos actúen.

 2º-    Introduce no colector a mesma cantidade de refugallos ``verdes´´ e ``marróns”.

Os ``marróns´´ son os refugallos sólidos e secos, como o papel , as caixas de ovos ou as follas caídas. Estes achegan fibra e carbono, e forman bolsas de aire que axudan aos organismos beneficiosos.

Os verdes son os restos de plantas.

 3º- Cobre o colector cunha tapa,  unha alfombra ou un felpudo vello. Así manterás o calor.

Engade un pouco de terra e aproximadamente cada mes, pídelle a un adulto que te axude a mesturar as capas superiores cun anciño,para que os refugallos podrezan antes.Verás como pouco a pouco poucos vaise reducindo de tamaño e todo cheira a terra.

 O abono máis rico conséguese, en parte, grazas aos excrementos dalgúns pequenos seres. Verás que no colector haberá moitos  bichos. Algúns se alimentan dos desfeitos orgánicos. Outros os desmenuzan  e fan túneles que axudan a mesturalo.

Abono con follas

Fai  algúns buracos nos lados e na base dunha bolsa de lixo. Recolle follas caídas e méteas nela. Cando a bolsa estea case chea, rocía as follas con auga, axítaa con forza e átaa. Déixaa repousar nun lugar á sombra.

Pasado un ano, as follas estarán podrecidas e formarán un alimento moi rico para as plantas. Distribúeo pola terra e espera a ver os resultados.

A maxia do acolchado

Un bo truco consiste en ``acolchar´´ as macetas. O acolchado é unha capa que cobre a superficie da terra e achega nutrientes ás plantas, mantén a humidade, prevén o crecemento de herballos e protexe as raíces do frío. Para iso, podes utilizar cortiza de árbore, agullas de piñeiro, herba cortada ou mesmo algas de mar .

As contas de cristal ou as cunchas serven de acolchado decorativo.

 Nós, os rapaces e rapazas de Sexto estamos a elaborar un compost coas pelas dás froitas, algunhas servilletas usadas e restos orgánicos. O noso ``composteiro´´ está situado detrás do invernadoiro.Invitámosvos a todos a que botedes alí os restos das froitas que traiades para a merenda . Pero....Ollo! non podedes tirar envases baleiros!    Xa veredes os resultados!

ESTE VENRES FESTEXAMOS O ANIVERSARIO DE NOA E DANIELA CON UN ENORME BISCOITO,CHUCHES E PARA CASA LEVAMOS UNS CARAMELOS.ESTABA TODO DELICIOSO.MOITAS GRAZAS FAMILIAS POLA VOSA COLABORACIÓN.NA AULA VIRTUAL TEDES A CANCIÓN QUE LLE CANTAMOS A ESTAS MOZAS TAN MAIORES.

ESTA SEMANA FIXEMOS UNHA ACTIVIDADE EN GRAN GRUPO QUE CONSISTIA EN RECOÑECER O NOSO NOME E POÑELO NO CARTEL SE TIÑAMOS 3 ANOS OU NO DE 4 SE TIÑAMOS 4 ANIÑOS.TODOS E TODAS RECOÑECERON O SEU NOME E OS DOS SEUS COMPAÑEIROS/AS PERO ALGÚN E ALGUNHA PILLÍN/A QUERÍA APUNTARSE UN ANIÑO MÁIS.COMO LLES GUSTA SER MAIORES.

HOXE VENRES PARA REMATAR A SEMANA FIXEMOS UNHA MERENDA ESPECIAL COS COMPIS DE 5 ANOS.ESTADES CONVIDADOS,VIDE CANDO QUEIRADES.

ESTE MARTES APROVEITANDO O BO TEMPO E ESE PARQUE TAN FERMOSO QUE TEMOS TAN PRETO DO COLE DECIDIMOS FACER UNHA SAÍDA E PASAR UN RATIÑO PARA DESFRUTAR DESTA PAISAXE E ARREDORES TAN BONITOS QUE TEMOS NO NOSO COLE.

ESTA SEMANA TRABALLAMOS UN CADRO DE VICENT VAN GOGH "LOS GIRASOLES",APROVEITANDO A FESTA DOS MAIOS,A VISITA AO INVERNADOIRO COÑECIMOS ESTA OBRA DE ARTE TAN COÑECIDA DO PINTOR HOLANDÉS.

PRIMEIRO VIMOS UNHA PRESENTACIÓN DO AUTOR,OBSERVAMOS O CADRO E DESPOIS ELES FIXERON O SEU PROPIO CADRO.

CANDO REMATAMOS DE MERENDAR COLOREAMOS "LOS GIRASOLES " CON PINTURA DE DEDOS,ESTE MATERIAL QUE NOS GUSTA TANTO.

ESTE MÉRCORES FESTEXAMOS A FESTA DOS MAIOS,É UNHA ACTIVIDADE  QUE DESENVOLVE O CENTRO EN COLABORACIÓN CO CONCELLO E VIÑERON DOUS MONITORES PARA ENSINARNOS TODO O QUE TIÑAMOS QUE FACER.

PRIMEIRO FALAMOS DE QUE ERAN OS MAIOS"A FESTA DA CHEGADA DA PRIMAVERA".TAMÉN ENSINÁRONNOS UN BAILE QUE ACOMPAÑAMOS COAS CLAVES E DESPOIS DECORAMOS O NOSO PROPIO MAIO.

NA AULA VIRTUAL NA CLASE DE CARMEN NO APARTADO DE VIDEOS TEDES UN VIDEO DO BAILE QUE APRENDIMOS.