Boas familias!
O pasado xoves León deixounos na clase uns ovos diminutos. Primeiro, preguntámonos que podía ser aquilo, algunhas cousas que saíron foron: arroz, bolas, papel... ata que pensamos en ovos! E entón fixemos hipóteses sobre que podía saír deses pequenos ovos. Algúns pensaron que ían saír cocodrilos, outros arañas, formigas... ata que o día seguinte naceu un pequeno verme! E lle puxeron entre todxs o nome de Pepito.
Agora todos os días empregamos a lupa de forma autónoma para mirar como van medrando, porque agora xa son máis de un... Ao final achegarnos á natureza, neste caso aos animais, é tamén achegarnos a nós mesmos/as, compararnos con eles, ver que temos en común e que non, coñecer o seu proceso de vida que é semellante ao noso...
Déixovos unhas fotos destes días e ao final un enlace que vos leva a unha presentación que estivemos mirando hoxe para coñecer mellor aos nosos vermes.
Unha aperta!
Enlace á presentación:
https://drive.google.com/file/d/1wevhdFbvk-cdLz3HNGpAnddBWiWDhz71/view?usp=sharing.
