Ceip Plurilingüe Pena de Francia

O alumnado de educación infantil e primaria participou, durante este curso escolar, nun proxecto de innovación educativa baixo o lema "Ponlle as pilas ao teu bocata".

O programa pretende achegar aos nenos e nenas ao medio natural, facendo reflexionar e explorar os seus elementos, os alimentos necesarios para a supervivencia e os beneficios que nos achegan.

O programa aproxima aos nenos e nenas ao medio rural e mariño, co obxectivo de potenciar o consumo dos seus produtos entre o alumnado mediante un proxecto interdisciplinar que leva a cabo accións educativas diversas, destinadas a manter e fomentar nas escolas hábitos de consumo saudables. O alumnado pode experimentar, observar e chegar a descubrir as súas características e propiedades tan necesarias para nós.

Clicade no seguinte bocata para poder ver todas as actividades que levamos a cabo!!!

Os alumnos de primeiro de educación primaria fomos de excursión ao Zoo de Vigo. 

A visita foi más alá da mera observación de animais, senón que os nenos e nenas comprendan a importancia desta institución en diferentes ámbitos como: en primeiro lugar, centro de acollida, refuxio de individuos feridos, función de gran importancia pois proporciona un lugar digno onde vivir a animais sen fogar, que xa non é posible reintroducir na natureza,. como a tigresa que estaba nun circo e a que lle arrancaran as garras. Por outro lado, como centro de recuperación de especies amenazadas, como por exemplo: o programa de cría da tartaruga europea, unha das especies galegas máis amenazadas.

Aprendemos cousas tan interesantes como a diferencia entre un "cuerno" e unha "cuerna"; quen é a lider alfa na sociedade dos lémur...

Aquí vos deixamos unha reportaxe gráfica da visita!!

O alumnado do colexio xuntouse para conmemorar o Día das Letras Galegas, participar na entrega do agasallo pola participación no Certame Literario e ver as curtametraxes dos nosos compañeiros e compañeiras.

Por outro lado, desde o EDLG, propúxose  unha campaña ca que se pretendía concienciar o alumnado do centro  das innumerables cousas que nós como galegos e galegas podemos presumir. Unha reflexión que nós faga por en valor todo o noso. O resultado como vedes foi espectacular. Podemos presumir de tantas e tantas cousas: de língua, paisaxe, chuvia, cocido, praias, de magosto, de Maios…..

O alumnado de 5º e 6º de Educación Primaria participou no 8º Certame de Curtametraxes proposto polo Equipo de Dinamización Lingüística e en colaboración co Equipo Tic.

NORABOA A TODOS OS PARTICIPANTES, UN BO TRABALLO!!

O pasado día 4 de maio todos os de Infantil fomos de excursión a ver un concerto de Mamá Cabra. Antes pasamos polo parque de Castrelos. Aquí podedes ver o ben que o pasamos...