Os nenos e nenas de 2ºA e 2ºB fixeron unha actividade na que combinan a coordinación, a lateralidade e o ritmo. Puxemos unha lona coas pegadas dos pés en diferente sentido, e eles tiñan que pisar segundo fose aparecendo á vez que a música que soaba. O resultado foi un vídeo moi gracioso e pasáronno moi ben!
O pasado 25 de maio acudimos ao CEIP Xosé Fernández López a participar nunha xornada de dinamización intercentros xunto a outros 10 colexios! Foi unha xornada moi divertida na que coñecemos a moitos dos nosos futuros compañeiros de instituto e de clubs deportivos da zona!
O pasado 28 de abril realizamos unha actividade en colaboración co concello e a federación galega de fútbol sala. Esta actividade estaba dirixida a alumnado de 1º a 4º. Xogamos nuns inchables e recibimos agasallos como unha camiseta e tres balóns para o colexio!
O pasado 19 de abril o alumnado de 5º e 6º do CEIP Mestre Valverde Mayo acudiu ao noso colexio para xogar con alumnado de 5º a varios deportes. Foi unha xornada moi divertida na que practicamos fútbol sala, baloncesto, balonmán, bádminton e botebol. O máis importante é que progresamos na deportividade e no xogo limpo!
O pasado 22 de marzo acudimos ao IFEVI para xogar ao bádminton con outros centros educativos da zona! Pasámolo xenial e aprendemos moito deste deporte!
Durante o mes de febreiro e marzo realizamos dúas sesións de béisbol en colaboración co club Trasnos Béisbol Club. Está actividade foi ofertada de 2º a primeiro! Graciñas por ensinarnos tanto Fernando!
Todos os días despois do recreo dedicamos un tempo para relaxarnos e volver á calma despois de tanto movemento.
Antes de nada apagamos as luces, botamos unha colonia "máxica" e poñemos música tranquila. Unha vez creado o ambiente e cos ollos pechados comezamos a traballar coa respiración. Despois con axuda dos dados das posturas e co reloxo de area facemos diferentes posturas que nos axudan a acougarnos, concentrarnos, divertirnos...
O ioga axúdanos a exercitar o noso corpo, a nosa mente e a nosa respiración.
Os nenos e nenas de 5ºB de Educación Infantil realizaron unha actividade en psicomotricidade que consiste en moverse ao ritmo da música pola aula e cando esta pare realizar as indicacións da mestra ou doutro compañeiro/a (agruparse por parellas, en grupos de 3 nenos/as, en grupos de 4...)
Outra variante cos nenos e nenas de 4ºB de Educación Infantil é moverse pola aula o ritmo da música e cando esta pare realizar as indicacións da mestra (colocarse dentro dun aro azul, fóra dun aro amarelo, dentro dun aro vermello…)
Nas aulas de infantil, fixemos unha actividade en psicomotricidade onde traballamos omovemento, axilidade, atención, equilibrio, coordinación…a cal consistía en bailar e movernos por toda a sala mentres soaba a música, e cando esta paraba, debían apurarse e atopar un aro onde meterse. Para a súa sorpresa, cada vez faltaban máis aros e tiñan que xuntarse moitos nenos e nenas dentro dun aro, aínda que iso non foi unha dificultade para eles, fixérono xenial! Aquí vos deixamos un vídeo con algunhas fotos:
Dende a área de Educación Física, levouse a cabo unha actividade na que o alumnado de 1º, 2º, 3º, 4º e 6º, que quixo partipar; mandou unha foto da súa merenda con froita. Aquí o vídeo das fotos recibidas! Esta actividade ten relación co Plan Proxecta Aliméntate ben e o Proxecto deportivo de centro.