Como xa vén sendo habitual, cada vez que damos por rematada unha lectura, algunhas nenas veñen á Ruxi Radio a falarnos do libro que estivemos a ler. Nesta ocasión falamos con Noa Gil, Laura Atanes e Laura Araújo sobre o libro de Charlie Feelwood, "Altas Aspiraciones".
Unha vez rematado, comentado, debatido e participado no Pasapalabra do primeiro libro lido no Club de Lectura co Grupo 1, "Sopa de Europa" de Rafael Ordóñez, Alba e Laura animáronse a visitar a Ruxi Radio a falarnos un pouco desta lectura.
Os nenos e nenas de E. Infantil teñan unha mensaxe: RECICLA, RECICLA E COMPARTE...
Os nenos precisan renovar os xoguetes pero, que acontece con aqueles que xa non usan? Escoitemos aos máis cativos do colexio. A mensaxe é clara : eduquemos no consumo responsable e na conservación do medio ambiente.
Contra a violencia machista o alumnado do Ruxidoiro di #acabouse
Na biblioteca temos as nosas lentes violetas porque cremos nun mundo sen violencia, nun mundo onde os homes e as mulleres, as nenas e os nenos sexan tratados co mesmo respecto.
En infantil, miramos o mundo con lentes violetas
O alumnado de 6º gravou na radio un manifesto contra a violencia de xénero, logo dunha reflexión nas aulas das distintas violencias, os estereotipos., micromachismos... Premede na imaxe para escoitar o seu manifesto.
O alumnado do 1º ciclo reflexionamos sobre o consentimento a través dos contos.
Como saudamos aos adultos?
Temos a obriga de bicar ou dar apertas se non queremos?
As nenas e os nenos temos dereito a decidir a quen bicar e cando bicar. Os adultos temos a responsabilidade de escoitar e respectar as súas decisións.
As nenas e os nenos de 2º gravamos na radio o noso manifesto.
"Nin un biquiño á forza"
Premede na imaxe para escoitar o seu manifesto.
Ademais fixemos a nosa versión do mesmo conto. Velaí vos deixamos o resultado.
Traballamos nas aulas sobre os estereotipos, contra todas as violencias, a importancia do consentimento e berramos #acabouse
Ponte…nas ondas! entrega os premios da VI Edición do Certame “As imaxes do patrimonio”
Hoxe asistimos, moi orgullosas do noso, ao acto do VI Certame de Recolla das Imaxes do Patrimonio que tivo lugar en Ourense na Sala Marie Curie da Facultade de Ciencia, e recollimos un 1ºPREMIO DE PODCAST, onde a nosa ex alumna de 6º,Sara Vazquez, gañou un merecidísimo 1º premio polo seu ben facer na nosa escola. Noraboa, Sara.
*Este certame premia fotografías representativas do patrimonio material e inmaterial enviados por alumnos/as de centros educativos de Galicia e Portugal, onde explican nun podcast o contido da imaxe.
NÓS ,os de 5ºB, estamos desexando volver a celebrar o tradicional magosto no cole e entrementres agardamos polo ansiado día, preparamos un recitado para animar o magosto no colexio.
Rematamos este curso 22/23 cós alumnos/as de 6ºB, que fixeron unha adaptación do conto de Pinto & Chinto da editorial Kalandraka. Escoitade a súa achega.
O Día das Letras Galegas permítenos facer unha viaxe hacia a nosa lingua, que festexamos a través da persoa á que lle dedicamos a celebración.
Nesta ocasión a personalidade e a obra deFrancisco Fernández del Riego (Vilanova de Lourenzá, 1913 - Vigo, 2010), coñecido como Don Paco. Escoitemos aos alumnos e alumnas de 4º B que nos falan da vida e obra deste ilustre galeguista.
