As alumnas e os alumnos de 3 anos A, xunto coa súa profe Sandra Maceira, déronlle a benvida ao outono con este marabilloso mural que queren compartir con todos vós.
Ola! As nenas e os nenos de 4 anos B, partindo do conto Os petos de Loreto, estamos a traballar as formas xeométricas. E coa axuda das nosas familias fixemos estes bonitos murais... e un montón de cousas chulas máis. Mirade!
O pasado venres o alumnado de 5º e 6º de Educación Infantil e 1º de Educación Primaria fixemos unha saída ao Auditorio do Concello de Negreira, onde os profesores da Escola Municipal de Música nos agasallaron cun concerto de piano, violín e gaita.
Estas son imaxes da festa fin de curso do CEIP O Coto amenizada por un DJ na que participaros todas as alumnas e alumnos, e mestres, e poderedes visualizar uns vídeos nos arquivos adxuntos abaixo.
O pasado 5 de xuño, Día do Medio Ambiente, as alumnas e os alumnos de 5º de Educación Infantil do CEIP O Coto acudiron ao encontro dos alumnos de 3º da ESO do instituto veciño, o IES Xulián Magariños para celebrar este día, na liña das actividades que se viñan desenvolvendo ao longo das últimas semanas.
As xirafiñas e os pitiños estiveron traballando a figura de Xosé María Díaz Castro ao longo dos últimos días: a súa vida; o seu libro Nimbos, xunto con dous dos seus poemas,...; e o que aquí vos mostramos, as súas caricaturas. Que vos parecen?
Chegou Verdedades, de Yolanda Castaño e Xosé Tomás aos corredores das aulas de infantil. Botádelle unha ollada ao arquivo adxunto para comprobar o ben que traballamos as plantas da contorna, da man do Equipo da Biblioteca.
