blogue detic3

Dentro do proxecto de música do centro, tivemos o privilexio de contar cun convidado de excepción. Nada máis e nada menos que Xabier Díaz!

Acompañou ós nenos e nenas de 6º de Educación Infantil e as súas mestras, aportándolle unha visión ampla e clara da tradición oral galega.

Presentou instrumentos que descoñecían, ensinoulles coplas e acompañounos tocando a súa pandeireta mentres os nenos e nenas lle adicaban unha das súas cancións.

O día 16 de abril tivemos a gran sorte de contar no cole coa visita de Carmen.

Carmen é a avoa de Ian, un neno que naceu cunha enfermidade moi descoñecida que só teñen 25 nenos en España: a Hemiplexia Alternante da Infancia.

Carmen contounos que precisamos coñecer a enfermidade para poder atopar unha solución e que a investigación é moi necesaria para poder facelo. 

Para axudar á investigación, Carmen escribiu xunto ao seu fillo Luca, de 4 anos "Los superpoderes de Ian", un conto onde Luca nos conta como descubriu o que lle pasaba ao seu sobriño.

Para festexar o día do libro, no colexio fixemos os apadriñamentos lectores, no que os maiores do cole lle leron contos ós pequenos. O día acompañounos e permitiunos poder facer a actividade ó aire libre.

Esta actividade sempre resulta moi proveitosa, xa que ademais de incentivar a lectura, realizamos unha actividade en común con todos os nenos e nenas do cole, na que se crea un vínculo entre os pequenos e os maiores

Para conmemorar o día da saúde realizamos unha actividade de zumba para todo o colexio. Porque todos sabemos que para gozar dunha boa saúde o exercicio físico e imprescindible.

E o zumba ademais é moi divertido!

Para isto contamos cunha monitora profesional: Raquel del Castillo, que realizou dúas sesións, nas que se repartiron por cursos todos os nenos e nenas do cole e as mestras e mestres.

Pasámolo xenial, aínda que con tanta calor case nos derretemos!

Dentro do proxecto integrado de Música, tivemos a sorte de poder contar con Luis Rey, que foi cantante da antiga Poceiro e actualmente do grupo Lume. Veunos facer unha imitación de

Elvis Presley e estivo incrible! Se pechabas os ollos, parecía que estabas diante do propio Elvis en persoa. Pasámolo xenial escoitándoo e tamén bailando coas súas cancións. Moitas gracias,

Luis! Encantounos terche con nós!