Skip to main content

Cedeira

PROXECTO "MÚSICA, MAESTRO!" - AS AVOAS #Cedeira #ABP #ALFIN #AMI #bibliotecacreativa #Axenda2030 #ODS #FamiliasnaBE #bibliotecainclusiva #bescolaresgal #bescolaresgalabertas

Cinco mulleres empoderadas: Josefa Leonardo Díaz ,

Victorina Garrote Garrote, Consuelo Quintana García,

Estrella Leonardo Martínez e Josefa López Rey fixeron

cantar e bailar ao alumnado de 4 anos e 1º de Primaria.

Tan ben o fixeron que tiveron que repetir nunha nova data!

En breves escoitaremos as súas voces nun programa radiofónico.

Permanece atent@s! Gracias avoas!!

 

 

 

 

 

 

MÚSICA, DANZA MEDIEVAL E CASTELOS #Cedeira #ABP #ALFIN #AMI #bibliotecacreativa #Axenda2030 #ODS #bibliotecainclusiva #bescolaresgal #bescolaresgalabertas

Dentro das actividades de investigación do proxecto sobre Cedeira a

música e o baile lévannos ao mundo medieval, onde profundizamos

nos castelos como o noso, o da Concepción. O realizamos coa axuda do

alumnado de 1º de Bach. de Artes Escénicas e da súa profe Zeltia.

Unha experiencia emocionante para o alumnado de 4 anos de Educación Infantil.

Gracias rapazada!

 Engadimos pdf da presentación debaixo.

 

 

 

 

 

 

8 M - MENCHU IGLESIAS REY #igualdade #bescolaresgal #8M #bibliotecainclusiva #bescolaresgalabertas

Este curso as mulleres cedeiresas que destacan no deporte

son as nosas protagonistas do 8 M. Menchu Iglesias Rey estivo

arrodeada do alumnado de segundo B. Menchu é campiona galega

de atletismo en 50 e 200 metros lisos adica agora o seu tempo libre a

o Agility deporte que practica coas súas dúas cadelas Silva e Fada,

coas que xa logrou estar clasificada.

 

 

 

 

 

 

8 M - RAQUEL FREIRE LÓPEZ #igualdade #bescolaresgal #8M #bibliotecainclusiva #bescolaresgalabertas

Este curso as mulleres cedeiresas que destacan no deporte

son as nosas protagonistas do 8 M. Raquel Freire López, destaca

no remo e estivo conversando co alumnado de quinto A.

Así souberon que comezou con trece anos, e aínda que

tivo un parón de vinte, xa voltou adestrar. Amosoulles diversas

medallas e descubriron diversos termos relacionados co remo

que descoñecían: ciar, couple, en punta...

Ademáis ensinoulles que para ser unha  boa deportista,

tes que ser boa compañeira pero tamén unha boa rival na competición.

Os logros adquírense con moita constancia e  perseverancia,

temos que superarnos a nós mesmos.

Valores, esforzo e constancia!

 

 

 

 

 

MAMBRÚ VOLVEU DA GUERRA #Cedeira #LecturasRecomendadas #Clubsdelectura #Igualdade #bibliotecainclusiva #bescolaresgal #bescolaresgalabertas

Realizamos unha visita polos espazos nos que se ambienta a obra de teatro

"Mambrú volveu da guerra", escrita polo dramaturgo que da nome á nosa biblioteca,

Carlos Labraña. Ademáis de pasar un pedazo ben divertido, recoñecemos

o paso do tempo, o cambio na paisaxe, pasamos un anaco de tempo en calma

visibilizando a estatua ás victimas e somos un pouco

máis conscientes da historia da nosa contorna.

 

 

 

 

 

PROXECTO "MÚSICA, MAESTRO!" #Nadal#Cedeira #ABP #ALFIN #AMI #bibliotecacreativa #Axenda2030 #ODS #FamiliasnaBE #bibliotecainclusiva #bescolaresgal #bescolaresgalabertas

Esta semana avoas e avós do Taller de memoria achegáronse ata o cole,

despois de diversas reunións e ensaios para amosarnos tradición oral.

Somexirdos nun mar de contacontos e cancións da vila gozamos de

intres fermosos acariñados polas verbas do saber. Avoas e avós de

moitos de nós espallaron un legado oral que agora temos que protexer

con sumo coidado. Temos que protexelo do esquecemento e un bo xeito

e contando e cantando. Esta entrada irá medrando co paso dos días,

pois é moito o material que nos ofreceron. O mellor de todo e que floreceron

lazos e esta non será a última vez que coincidiremos.

Realizaremos diversas reunións ao seu carón, pois é tanto

o que saben que moito dubidamos que un ano chegue para contalo.

Gracias avoas e avós!

 

 

 

 

 

 

TEMPO DE NADAL "MÚSICA, MAESTRO!" #Nadal#Cedeira #ABP #ALFIN #AMI #bibliotecacreativa #Axenda2030 #ODS #FamiliasnaBE #bibliotecainclusiva #bescolaresgal #bescolaresgalabertas

Chegado o tempo de Nadal moitas familias achéganse á biblioteca a

realizar unha documentación moi importante, a transmisión da tradición

oral da nosa música de Nadal: panxoliñas, cantos de reis e por suposto,

unha manchea de contos. Hoxe contamos coa visita de Jose de Vigo,

que agasallou ao alumnado de 5º e 6º con dúas panxoliñas que falan da

xeografía da nosa vila. Con elas inauguramos esta semana

de tradición oral de xeneración en xeneración.

 

 José de Vigo prometeunos voltar, aquí quedan

as panxoliñas grabadas para ir practicando nestes días.

A primeira é da súa colleita, escrita e cantada por José de Vigo.

Unha panxoliña na que collemos todos os de Cedeira,

de tódalas parroquias, perfecta para nos tempos que estamos. 

A segunda é unha canción mariñeira, a primeira noticia a recibimos

por unha mamá, falounos de Manolo do Mudo (en paz descanse)

e desta canción. Despois soubemos por Jose que a cantaban nos bares,

as fins de semana, despois de vir do mar, Manolo do Mudo, Manolo Vergara,

Javier Vergara e Manolo Pita Cribeiro ( O Norreca). Ata o de agora, aínda estamos

por saber de certo, se a letra é só de Manolo do Mudo ou hai máis autores.

Pero o que máis nos gusta é que permanecera na tradición oral. Hoxe pasa a

unha nova xeración que ten que encargarse de cantala moito e transmitila á seguinte.

Agasallos musicais da man dos que hoxe non están e grazas a José de Vigo.

Cantada polos nenos en homenaxe aos que hoxe non están.

 Podedes descargar a panxoliña e a canción nos ficheiros adxuntos.

 

 

 

 

 

 

 

PROXECTO DOCUMENTAL "MÚSICA, MAESTRO!" #Cedeira #ABP #ALFIN #AMI #bibliotecacreativa #Axenda2030 #ODS #FamiliasnaBE #bibliotecainclusiva #bescolaresgal #bescolaresgalabertas

Como vén sendo habitual ano a ano, a biblioteca da escola embárcase

nun proxecto de traballo no que a colaboración de toda a comunidade

educativa é condición indispensable para arribar en bo porto.

Basearemos coma sempre as nosas investigacións no currículo

cedeirés e así propoñemos este curso un tema que forma

parte esencial da existencia da nosa vila A MÚSICA.

 

 

 

Cedeira...unha vila que non se entende sen o compoñente musical.

Foron, son e serán moitos os músicos e agrupacións que manteñen

viva a nosa tradición musical. A música é parte da vida cotiá:

cantamos cando xogamos, cando contamos contos ,

despois dun xantar compartido e mesmo cando traballamos,

forma parte das nosas vidas e da nosa historia como pobo.

 

Non entenderemos pois o currículo cedeirés sen o compoñente musical.

Queremos achegar aos nosos nenos e nenas a nosa tradición máis sonora,

queremos facelo dende a escola, dende a biblioteca

e coa axuda inestimable de todos vosoutros.


Ao estar en vésperas do Tempo de Nadal e coa intención de ir preparando

os cantares de aguinaldo iniciamos este proxecto. Se conservades na vosa

memoria ou na dos vosos avós algún cantar tradicional, cubride o seguinte

cuestionario que vos enviamos ou solicitade un na biblioteca ou en secretaría.

 

 

 

https://www.facebook.com/bibliotecacarloslabranha/
@beCarlosLabrana
biblio.nicolas.del.rio@gmail.com

 

 

ANUNCIO NADAL CO COMERCIO LOCAL

O alumnado de 2º de Primaria (Esquíos, Duendes e Vagalumes) xúntanse para promocionar

o Comercio Local, o da nosa vila. Así deseñan un anuncio de Nadal para convencer da importancia

de mercar na vila, pretiño, con persoas de confianza ás que vemos tódolos días e sabemos que

se preocuparán por cumprir os nosos desexos. Por elas e eles, o anuncio de nadal:

No Nadal merca no Comercio Local!

 

 

As tendas nas que estamos a diario son importantes para a sostibilidade do planeta.

Apostar polo comercio local é sinónimo de posicionarse firmemente do lado da sostibilidade:

do consumo responsable, da conservación do territorio, de velar polo medio ambiente. 

Por iso, os ODS (Obxectivos de Desenvolvemento Sostible da Axenda 2.030) aos que máis

contribúe o Comercio Local son os relacionados co cambio climático. O Comercio Local contribúe

de xeito decisivo na diminución da pegada de carbono que deixa cada persoa.

Cando o consumidor merca no seu barrio, na súa vila, é moi probable que o faga a pe,

reducindo as emisións que proveñen de distintos medios de transporte e diminúe de maneira

clara sobre o medio ambiente.

 

O Comercio Local tamén axuda a loitar contra a desertización rural, xa que a supervivencia

destes comercios nunha vila pequena coma a nosa, permiten que teñamos os produtos e servizos

de primeira necesidade.

 

O obxectivo de loitar por unha produción e consumo responsables constitúe a esencia do Comercio Local,

xa que o mercar "preto" favorece a substitución do "mercar e tirar" pola de "encher e reparar".

 

Ademáis, o Comercio Local fomenta a actividade emprendedora de pequenas/os empresarias/os e autónomas/os

e xera moitos empregos, cumprindo así outro ODS sobre a loita polo traballo decente e o crecemento económico.

 

 

Promocionando Cedeira!!!

Posted in

A rapazada de 4º de EP elaborou un video de Cedeira como reclamo turístico en inglés...

A ría comeza aquí!

Baixo este lema o alumnado de 4º, 5º e 6º colaborou na segunda parte da

actividade sobre os sumidoiros e os seus coidados, organizado polo Concello de Cedeira.


Na Praza Roja sinalizaron todos os sumidoiros baixo o título "A ría de Cedeira comeza aquí".


Despois pegaron cartaces e repartiron trípticos para concienciar á poboación do uso correcto dos sumidoiros.

Esta actividade complementa o proxecto "Contra o cambio... eu cambio. E ti?"

 

NOTICIA DO CONCELLO

 

NOTICIA "LA VOZ DE GALICIA"

 

Avaliación da charla: Onde vai a auga que usamos?

Agradecemos que se participaches na charla como aluna, aluno, mestra, mestre... realices a avaliación que se presenta.

Así podemos mellorar!

Gracias por participar.

DÍPTICO "PEGADAS NA IAUGA" PATRIMONIO INMATERIAL: A SEMENTE

A DIFUSIÓN DO PROXECTO INTERCENTROS CHEGOU A TRAVÉS DA CREACIÓN DUN DÍPTICO CON QRs

QUE LEVAN A ALGUNHAS DAS TAREFAS REALIZADAS POLO ALUMNADO DE ANTROPOLOXÍA DE 1º DE BACHERELATO

DO IES PUNTA CANDIEIRA E OS VAGALUMES DE 3º A DO CEIP NICOLÁS DEL RÍO.


CANDELORIA "De festas pola vila"

A CANDELORIA, UNHA NOVA DATA PARA CELEBRAR, COMO BEN NOS ILUSTRA RAFAEL LÓPEZ LOUREIRO, TEMPO DE APEGOTAS (bromas permitidas que debemos aturar estoicamente) E DE LUZ, CON ENREDOS COMO AS LUMINARIAS.

NESTA OCASIÓN ADEMÁIS DO ALUMNADO DE 2º A, TEMOS A PARTICIPACIÓN DAS ALUMNAS DE ANTROPOLOXÍA DE 1º DE BACHERELATO DO I.E.S. PUNTA CANDIEIRA.

AGRADECER A COLABORACIÓN DA SÚA PROFESORA ROSANA FREIRE CALVIÑO, DE RAFA POR DOCUMENTARNOS, DE MONTOUTO SOUNDMACHINE POLA MÚSICA E CREATIVIDADE, DE QUIQUE VÁZQUEZ E ANDY BRAÑAS, POLO REXISTRO E DAS BIBLIOTECAS POR ESTAR SEMPRE ALÍ!

 

UN PIRATA EN CEDEIRA

Posted in

O ALUMNADO DE 6ºC DESFRUTOU DA VISITA DE RAFA.

COÑECIMOS A HISTORIA DE ANTÓN DE GARAY, PIRATA QUE ACTUOU POLA ZONA ALÁ POLO 1509, E QUE CONTOU COA AXUDA DALGÚNS CEDEIRESES.

"AS MURALLAS DE CEDEIRA"

DENDE A BIBLIOTECA ESCOLAR "CARLOS LABRAÑA" APOIAMOS A ENSINANZA DUN "CURRICULUM CEDEIRÉS" POR MEDIO DUNHA METODOLOXÍA DE APRENDIZAXE BASEADA EN PROXECTOS E NA APRENDIZAXE COOPERATIVA.

UN EXEMPLO CLARO É O TRABALLO DESENVOLVIDO POR DULCE E O SEU ALUMNADO DURANTE OS DOUS ÚLTIMOS CURSOS ESCOLARES: INVESTIGARON, FORON ÁS FONTES DOCUMENTAIS, ORGANIZARON A INFORMACIÓN RECOLLIDA E OFRECERON O APRENDIDO PARA QUE TODOS POIDAMOS SABER MÁIS.

O PROXECTO "CEDEIRA É UNHA VILA" INCLÚE VARIAS TAREFAS. NESTA OCASIÓN CENTRÁRONSE NAS MURALLAS MEDIEVAIS DA VILA DE CEDEIRA E AS SÚAS PORTAS DE ACCESO.

A ANDAINA DESTE PROCESO INICIOUSE COA VISITA DE DON RAFAEL USERO, HISTORIADOR QUE AXUDOU AO ALUMNADO A ACUDIR ÁS FONTES PARA PODER DOCUMENTAR O SEU PROXECTO "CEDEIRA É UNHA VILA" E COA INFORMACIÓN RECOLLIDA ELABORARON UN LAPBOOK.

 

MAIS QUERÍAN COMPARTIR TODO ESE COÑECEMENTO, ASÍ QUE DESEÑARON UN TRÍPTICO EDITADO POLO CONCELLO COA AXUDA INDISPENSABLE DO NOSO BENQUERIDO QUIQUE. ADEMAIS DE ELABORAR OS TEXTOS, GRAVARON UNS VÍDEOS EXPLICATIVOS DE CADA UNHA DAS PORTAS AOS QUE SE PODE ACCEDER A TRAVÉS DUN CÓDIGO QR.

 

TODAS AS TAREFAS DE APRENDIZAXE REMATAN CUN PRODUTO SOCIALMENTE RELEVANTE. ADEMAIS DOS TRÍPTICOS, O CONCELLO COMPROMETEUSE A COLOCAR UNHAS PLACAS INFORMATIVAS EN CADA PORTA DA VILA CO TRABALLO REALIZADO POLO ALUMNADO AO LONGO DESTES DOUS CURSOS. QUIQUE FIXO O DESEÑO (unha vez máis, grazas) E OS OPERARIOS DO CONCELLO COLOCARON AS PLACAS NOS LUGARES CORRESPONDENTES.

 

 

XA TODOS, OS DE AQUÍ E OS QUE NOS VEÑAN VISITAR, PODEMOS COÑECER UNHA PARTE IMPORTANTE DA HISTORIA DA NOSA VILA. GRAZAS.

BO TRABALLO!

http://cedeira.gal/os-alumnos-do-ceip-nicolas-del-rio-colocan-carteis-con-codigos-q-para-sinalar-as-portas-de-acceso-a-cedeira-medieval/

http://www.lavozdegalicia.es/noticia/ferrol/cedeira/2017/06/17/cedeira-alumnos-ceip-nicolas-rio-indagan-historia-villa/0003_201706F17C6996.htm

 

PODEDES DESCARGAR O LECTOR DE CÓDIGOS QR NOS VOSOS DISPOSITIVOS MÓBILES E TABLETAS

http://www.codigos-qr.com/lectores-codigos-qr/

 

FINALIZARON ESTA AVENTURA CONVIDANDO ÁS FAMILIAS A UN PASEO

COREOGRAFÍA "A BIBLIOTECA"

OS EQUIPOS DAS BIBLIOTECAS DE CEDEIRA ESTAMOS PREPARANDO UN VÍDEO MUSICAL CON TODOS OS NOSOS QUERIDOS LECTORES E LECTORAS COMO PROTAGONISTAS.

A BAILAR!

PINCHADE NA IMAXE PARA APRENDER A COREOGRAFÍA PREPARADA POR IVANA.

COREOGRAFÍA "A BIBLIOTECA" copia from PERCEBÍN LECTOR on Vimeo.

VISITA DE RAFAEL USERO

Posted in

O cronista oficial do noso Concello, Rafael Usero, visitou aos nenos e nenas de 1º e 2º, para ensinarnos entre outras cousas, a situar as catro portas das antigas murallas de Cedeira datadas no século XII. Esta actividade está enmarcada no proxecto "Cedeira é unha vila".

 

Distribuir contido