Skip to Content

EXCURSIÓN FIN DE CURSO

Xov, 28/06/2018 - 13:22 — Anónimo

Para celebrar o fin do trimeste e do curso, fixemos unha excursión á praia. Pasámolo xenial!! se queredes ver as fotos do ben que o pasamos, pinchade na imaxe!!

Bo verán!!!

Álbum: Sen categoría -> Excursión fin de curso

DÍA DA ÁRBORE

Mér, 04/04/2018 - 09:28 — Anónimo

O 21 de Marzo celébrase o "Día da árbore", no que se fai fincapé na importancia de coidar os bosques polo beneficiosos que son para os seres vivos.

Durante toda a semana fixemos diferentes actividades relacionadas con este tema e o venres, día 23, plantamos entre todos e todas unha árbore. Este ano adicóuselle esta data aos Salgueiros e o nome que saíu elexido para o noso foi "Salgueiriño".

Para rematar a xornada fixemos unha festa no ximnasio e así celebrar a fin do trimestre.

Deixamos un vídeo coas imaxes do día.

DÍA DA ÁRBORE on PhotoPeach

EXCURSIÓN Á CASA DO PATRÓN

Mar, 03/04/2018 - 16:31 — Anónimo

O xoves 22 de Marzo, fixemos a excursión do segundo trimestre. Nesta ocasión visitamos "A Casa do Patrón", en Lalín. Alí vimos como eran as casas, os coles e as cousas cando os nosos avós eran pequenos. Si que cambiaron as cousas!!!

Como nós somos grandes expertos en reciclaxe, quixemos aprender un pouco máis e fixemos un taller de reciclaxe de papel.

Deixámos unhas fotos co resumo do día.

Saúdos!

EXCURSIÓN Á CASA DO PATRÓN on PhotoPeach

PREVENCIÓN DE INCENDIOS FORESTAIS

Mar, 03/04/2018 - 13:07 — Anónimo

O día 20 de Marzo viñéronnos visitar os axentes forestais de Meira para ensinarnos a importancia de coidar os bosques para evitar os incendios forestais. Ensiráronnos os seus camións, cos que van apagar os incendios e tamén nos trouxeron varias árbores para plantar no cole, entre elas Cerdeiras e Salgueiros.

Gustounos moito a súa visita!!

Deixamos unhas fotos nas que veredes o ben que o pasamos!

 

 

PREVENCIÓN DE INCENDIOS FORESTAIS on PhotoPeach

Día de Rosalía

Mar, 27/02/2018 - 18:09 — Anónimo

O 24 de febreiro celébrase o "Día de Rosalia" para conmemorar o nacemento desta poetísa galega.

Durante toda a semana estivemos coñecendo a vida e a obra de Rosalía de Castro e elaborando materiais para facer entre todos un mural. Tamén fixemos uns marcapáxinas que nos quedaron preciosos.

Hoxe fixemos a posta en común de todo o aprendido e cada neno/a fixo a súa aportación para o mural. Os maiores mostraron as súas dotes coma intérpretes recitando os poemas máis representativos de Rosalia.

 

Deixamos un vídeo coas fotos da celebración.

DÍA DE ROSALÍA on PhotoPeach

ENTROIDO

Mar, 27/02/2018 - 17:24 — Anónimo

Hai uns días celebramos o entroido. Vaia festa máis divertida! Durante os días previos preparamos os nosos disfraces e actuacións: os nenos e nenas de infantil disfrazáronse dos "Paiasos da Tele", os de 1º e 2º da película "Grease", os de 3º e 4º de ´Rapeiros" (inventaron eles mesmos un rap con moito ritmo para cantar no festival), e os de 5º e 6º do grupo de rock "The kiss".

Como non podía faltar, a día da festa queimamos o MECO e convidamos as nosas familias a que visen o noso festival e participaran na festa!

DEIXAMOS UN VÍDEO COAS FOTOS

 

 

ENTROIDO on PhotoPeach

MENSAXES DE PAZ

Mér, 31/01/2018 - 10:54 — Anónimo

DÍA DA PAZ

Bo día!

Onte, 30 de xaneiro, foi o "Día da Paz" e para celebralo decoramos o cole con pompas e motivos relacionados coa Paz. entre todos os nenos e nenas do cole fixemos un mural ao que lle chamamos "Mensaxes de Pax", no que cada un escribía unha mensaxe de Paz nunha botella e, para rematar a mañá, cantamos e bailamos todos xuntas a "Danza da Paz", de Mamá Cabra.

Deixamos un video para que vexades que ben o pasamos!

 

saúdos

 

Mensaxes de Paz on PhotoPeach

EXCUSIÓN AO CINE

Mar, 05/12/2017 - 18:16 — Anónimo

Hoxe fomos de excursión ao cine a ver "COCO"!! Esta peli conta a historia dun neno que quería ser músico. (Non vos contamos nada máis para non desvelaros o final). A nós gustounos moito, recomendámola!!!

Deixamos unhas fotos que sacamos no cine.

Saúdos

Excursión ao cine on PhotoPeach

O MAGOSTO

Mar, 28/11/2017 - 17:23 — Anónimo

O venres 10 de Novembro fixemos una festa para celebrar o Magosto. Nesa semana, cada neno/a elaborou na clase de plástica o seu cucurucho para as castañas. Quedaron chuliisimos!! Tamén trouxemos cada un unha ducia de castañas adentadas para comelas todos xuntos o día da festa.

O día da festa, antes do recreo, comimos todos xuntos as castañas no ximnasio. Que ricas estaban!!! Despois do recreo fixemos xogos tradicionais por equipos formados por nenos e nenas de tódolos cursos, deste xeito, os maiores axudamos aos máis pequeniños. Algúns dos xogos aos que xogamos foron: carreira de sacos, encestar castañas nunha caixa, levar castañas nunha cuchara, bailar por parellas suxeitando un globo coa barriga....e o máis divertido: derribar unhas botellas con fotos dos profes tirándolles castañas, como se fose o xogo dos bolos!!

Para rematar a festa cantamos e bailamos a canción de "Arao" de Pelo Gato 24. Pásamolo xenial!!

Deixamos un vídeo coas fotos da festa.

Magosto 2017 on PhotoPeach

A FESTA DO SAMAÍN

Mar, 31/10/2017 - 17:53 — Anónimo

FESTA DO SAMAÍN

Hoxe celebramos no cole a festa do Samaín!! Para ambientar un pouco o cole trouxemos cabazas decoradas por nós na casa e tamén valeiramos e decoramos algunha todos xuntos na clase, algunhas eran moi terroríficas!

Á hora de entrar no cole tiñamos o patio cheo de bruxas, zombis, Dráculas, bonecos diabólicos...calquera se atrevía a achegarse a nós!!!

Durante a mañá fixemos xogos e, os máis atrevidos, visitaron o Pasadizo do Medo.Nel había moitas sorpresas!!! (Ainda se oscoitan agora os berros).

Para rematar esta festa cantamos a canción do Samaín e comimos unhas lambetadas tamén moi terroríficas, como todo no día de hoxe.

Deixámosvos unhas fotos para que vexades que ben o pasamos. A festa do Samaín on PhotoPeach

Distribuir contido


by Dr. Radut