Novas de Convivencia

 O EQUIPO DE CONVIVENCIA do CEIP MESTRE VALVERDE MAYO  convoca un concurso dirixido a toda a comunidade educativa coa finalidade de elixir a portada da nosa axenda escolar para o curso 24-25.

BASES DO CONCURSO:

• PARTICIPANTES: alumnado e os seus proxenitores ou titores/as legais que cursen a etapa de Educación Primaria no Ceip Mestre Valverde Mayo no curso 24-25.
• O tamaño do deseño será de 21 cm de alto x 15 cm de ancho (Medio folio).
• Admitiranse debuxos, fotografías ou composicións dixitais.
• Podedes incluír as mascotas do colexio, fotografías do centro ou da contorna, frases ou palabras alusivas á defensa da igualdade, da inclusión, en contra da violencia… (Os textos deben estar en galego).
• No deseño debe aparecer o nome do colexio ben visible e o texto CURSO 24-25.

·        Podedes entregar os vosos deseños no centro a través dos vosos fillos e fillas ou envialos ao correo do colexio ceip.mestre.valverde@edu.xunta.gal ata o día 21 de xuño de 2024.

ANIMÁDEVOS A PARTICIPAR. 

O martes 30 de xaneiro, conmemoramos no noso cole o DÍA DA PAZ E DA NON VIOLENCIA.

O alumnado e profesorado convertimonos en heroes e heroínas pola PAZ.

Premede na imaxe para ver como foi a nosa celebración.

Para conmemorar o Día Internacional das persoas con Discapacidade (3 de decembro), ao longo de dúas semanas, fixemos, no noso cole, diferentes actividades dende 4º de Infantil ata 6º de Primaria.

Este ano, centrámonos na cegueira, animando aos nenos e nenas a reflexionar, sentir e aprender sobre este tipo de discapacidade.

Algunhas das actividades que levamos á cabo, neste días, foron: asambleas para reflexionar co alumnado sobre a discapacidade visual; xogos de sensibilización; lectura do libro “Superheroes da escola” (para reflexionar sobre o autocoñecemento e a valoración positiva dun mesmo)…

En definitiva, o que quixemos transmitirlle aos máis pequenos foi que, todas as persoas son diferentes, pero todas son igual de valiosas!!!

Aquí vos deixamos un vídeo resume das actividades que fixemos!!!

Agardamos que vos guste!!!

O equipo de Convivencia fixo ó longo deste curso un proxecto multidisciplinar baseado na meteoroloxía, xa que pertencemos aos grupos Proxecta da Xunta de Galicia e neste curso 2021-22 centrámolo no tempo e a metereoloxía. Aquí tendes unha mostra

Dende o Equipo de Convivencia, invitámosvos a ver as tarefas que fixemos todas as nenas e nenos xunto cos nosos mestres, ao longo destes días para celebrar o DIA DA PAZ.