2º

Ola familias!!! O pasado mes de marzo os nenos e nenas de 2º de Primaria, recibimos, na nosa clase, a visita de Silvia, unha das veterinarias da protectora CAAN (Vigo).

Explicounos a responsabilidade que implica ter unha mascota, os coidados que precisan en canto a alimentación, visitas ao veterinario (fixo fincapé na importancia de poñerlle un microchip, desparasitala, terlle as vacinas ao día e todo o que sexa necesario)

Tamén outra cousa moi importante é xogar con elas, sacalas a pasear e darlles moito amor, xa que pasan a ser un membro máis da nosa familia!!!

A verdade é que aprendemos moito e puidemos ver como era un microchip, un lector de microchip, o pasaporte dunha mascota… e moitas cousas máis!!!

Unha actividade xenial e que nos encantaría repetir para seguir aprendendo máis cousas!!!

Premede na imaxe para ver o vídeo!!! Agardamos que vos guste e o desfrutedes tanto coma nós!!!

Unha aperta!!!

Ola familias!!! O pasado 15 de decembro os nenos e nenas de 2º de Primaria, xunto cos nosos compis de 1ºEP, fixemos unha saída a Vigo para visitar as instalacións de APROINPPA (Asociación Provincial de Panadeiros e Pasteleiros). 

As compañeiras de Aproinppa xa nos estaban agardando, e tod@s agradecemos o calorciño dos fornos nun día tan frío!!!! Comezaron preguntándonos sobre o que sabíamos, relacionado coa elaboración do pan para, a continuación, pedirnos a nosa colaboración, para elaborar un bo anaco de masa!!! Estábamos abraiad@s!!!

Cando a mestura estivo feita (grazas á amasadora) chegou o momento de poñernos mans á masa!!!

Cada neno e cada nena puidemos moldear coas nosas mans o noso boliño de pan, e non defraudamos!!! Houbo boliños con forma de flores, peixes, estrelas... deixamos voar a nosa imaxinación!!!

Unha vez amasado e moldeado o pan, metémolo nos fornos e agardamos a que estivera listo!!!

Unha vez rematamos na panadería, aproveitamos para dar unha voltiña polas rúas dos arredores, o cal nos brindou a oportunidade de realizar fotografías con Papá Noel e cun oso xigante, súper bonito!!!

Foi unha mañá moi instructiva, divertida e fantástica, na que aprendemos moito e marchamos moi content@s grazas, tamén, ao cheiro do pan recén feito!!!

Agardamos que vos guste moito!!!

Premede na imaxe e desfrutade moito co vídeo!!!

Unha gran aperta!!!

Ola familias! Un ano máis, os nenos e nenas, que xa estamos en 2º de Primaria, participamos nas últimas semanas nun obradoiro de xadrez, impartido por Brais, un dos mestres do clube de xadrez de Mos!!!

Explicounos que o xadrez é un xogo moi beneficioso, xa que nos axuda a formar un pensamento máis claro, solucionar con máis rapidez os nosos problemas (ter un pensamento máis áxil e tomar decisións rápidas), manter un nivel de concentración alto, así como tamén reforzar a memoria visual. Interesante, verdade???

Parécenos sorprendente que nos axude a tantas cousas, pero o certo é que así é! Encantounos e implicámonos un montón!!!

A verdade é que aprendemos moitísimo e, sobre todo, divertímonos o que tamén é moi importante!

Xa estamos preparad@s para un gran torneo!!! Apuntádesvos???

Premede na imaxe e comprobádeo vós mesm@s!!! Agardamos que vos guste!!!

Unha aperta!!!

AÍDA A ILLA DE SAN SIMÓN!

O equipo de 2º realizamos a última excursión deste curso. Que magoa!

Disfrutamos moito visitando a ILLA DE SAN SIMÓN!

SOMOS UN EQUIPO!

Bo día familias!

Con motivo do Día do Libro (que este ano cae no domingo 23 de abril), o alumnado de 2ºB estivo traballando durante toda a semana o álbum ilustrado "Un gato na árbore", de Pablo Albo.

Ao longo da semana estiveron lendo as páxinas que lles tocaban unos aos outros para mellorar a pronuncia, a expresividade, o ritmo... e entre todos establecer cales eran as frases ás que debíamos darlle maior énfase para que a historia fose máis divertida.

Aquí compartimos con vós o resultado final, premede na imaxe da portada para acceder.

Agardamos que vos guste!