Skip to Content

 

Buscar

6º Educación Infantil

OBRADOIRO DE ESTIMULACIÓN SENSORIAL

O 5 de xuño tivemos o derradeiro obradoiro do curso coas familias de 6º de EI B. Os sentidos son a nosa vía de aprendizaxe, pero non todos os empregamos na mesma medida. Os máis empregados adoitan ser a vista e o oído, pero a nai de Claudia, sabedora de todo isto, preparounos un obradoiro no que o protagonismo tivérono o tacto e o olfato. Pero ademáis, de xeito espontáneo xurdiu por parte do alumando empregar tamén o gusto. Eles e elas si que saben!

Moitísimas gracias Carla!

OBRADIORO DE FROITAS

O alumando de 6º de Educación Infantil A e B xuntámonos para levar a cabo un obradoiro de froitas, pero antes de comelas aproveitamos para debuxar un pouco con elas. Dividímonos en tres equipos: un equipo practicaba debuxando dinosauros sobre papel ccontinuo, outro xogaba con quebracabezas e sombras de dinos e o terceiro, tomando decisións en equipo, construía o seu propio dinosaurio empregando diferentes froitas.

Os tres dinosaurios escollidos foron o diplodocus, o triceratos e o tiranosauro rex. Pero sen dúbida, para eles e elas o mellor foi rematar coméndose os seus dinosauros. Adquisicion de bos hábitos alimenticios, traballo en equipo, coordinación, exposición de ideas de xeito respectuoso e xustificado, creatividade, practicar o xeometrismo aditivo, traballar o equema corporal, as formas... unha actividade do máis completa e saborosa! Premede na imaxe para ver o ben que o pasaron e as obras de arte que fixeron.

OBRADOIRO COA NAI DE ENEKO,EVA.

A nai de Eneko, Eva, viu a aula a facer un obradoiro de ovos de dinosaurios feitos con globos e xeso, que ben o pasamos e que bonitos quedaron. Preme na imaxe para ver o video.

MURAL DE DINOSAURIOS

Os nenos e nenas de 6º de infantil fixemos un mural dun esqueleto de dinosaurio con material de reciclaxe. Primeiro observamos e manipulamos o material (tubos de papel de diferentes tamaños). Por equipos experimentamos e buscamos todas as posibilidades de contrución. E o final a montaxe entre tod@s. Preme  na imaxe para ver o video.

 

O PAI DE ANXO ENSINA O SEU DEPORTE,CICLISMO.

Marcelino, pai de Anxo,viu ó colexio a ensinarnos o seu deporte,ciclismo. E o que é o duatlón e triatlón. A importancia das protección, casco, e da vida sa e facer deporte. Preme na imaxe pra ver o video.

ESTAMPAMOS PEGADAS DE DINOSAURIOS NO PATIO

Os nenos e nenas de 6º de infantil estampamos pegadas de dinosaurios no patio con moldes, primeiro con auga e con tizas decoramos o patio con distintos modelos, axudámonos por parellas e máis tarde sen molde debuxamos diferentes modelos e tamaños, grandes , medianas, pequenas e algunha xigante. Que bonito quedou o chan e cando sairon o patio, que susto, chegaron os DINOS. Preme na imaxe para ver o video.


SOMOS PALEONTÓLOGOS

Os nenos e nenas de 6º A de infantil xogamos a ser paleontólogos, despois de deixar secar a pasta, con pico, martelo e pincel, sacamos os fósiles escondidos e os dinos pequenos. Canto traballo e que coidadosos fomos. Preme na imaxe para ver o video.

OBRADOIRO DE GALLETAS DE DINOSAURIOS

Os nenos e nenas de 6º de infantil xuntámonos para facer galletas de dinosaurios. Primeiro lavamos as mans, e comezamos. Pesamos a manteiga e o azucre, misturamos e botamos os ovos, usamos a batidora para que quede moi ben misturado, e pesamos a fariña, misturamos con coidadadiño e coas nosas mans amasamos e fixemos bolas. Gardámolas na neveira un ratiño mentre lavamos e recollemos todos os utensilios e xa co rodillo facemos a forma e con dinos poñémoslle a súa pegada, colocamos pepitas de chocolate e o forno. Que ricas, canto traballamos e que ben o pasamos. Preme na imaxe para ver o video.

OBRADOIRO COS PAIS DE MANU

A nosa aula viñeron os pais de Manu, Aranzazu e Cristian, fixeron un obradoiro de dinosaurios con pratos de cartón. Primeiro pintamos os pratos con témpera sólida, recortamos cabezas, patas e colas. Mirade que ben nos quedaron e como nos divertimos.

Preme na imaxe para ver o video.

OBRADOIROS DE PALEONTOLOXÍA EN 6º A

O venres 19 de abril fixemos tres  obradoiros sobre dinosaurios:

- No primeiro fixemos unha masa para fósiles con sal, fariña e auga; para facer a masa tivemos que medir e amasar.

- No segundo obradoiro metemos dinosaurios nun globo e enchémolos de auga para simular unha das causas polas que os dinosauros se extinguiron, o frío que reinou no planeta. Os nosos dinos quedaron no conxelador... a ver como os atopamos.

-E no terceiro  pintamos os nosos pes e estampamos as pegadas.

Que ben o pasamos e que maiores somos. Preme na imaxe para ver o video

 
 
 
 
 

 

 

Distribuir contido


        

 

 

 

 

 

 
by Dr. Radut