A partir do venres 21 de maio e ata o 22 de xuño (incluído) está aberto o prazo para a solicitude de libros do Fondo solidario e as axudas para adquirir libros e material escolar. (Ligazón ao DOG).

As solicitudes poden facerse na aplicación <<Fondolibros>>, (https://www.edu.xunta.es/fondolibros, a través da sede electrónica da Xunta de Galicia https://sede.xunta.gal. ou entregalos na secretaría do centro (horario da secretaría).

Tipos de axuda (En función da renda familiar)

• Material escolar: 1º a 6º de Primaria.
• Libros de texto:
• 1º e 2º de Primaria.- vale para a adquisición dos libros.
• 3º a 6º de Primaria.- libros do Fondo solidario.

Documentación a entregar:

En todos os casos:

• Anexos I e II
• Copia do libro de familia ou documento equivalente, onde figure o alumno e os demais membros computables da unidade familiar.

De ser o caso:

• En caso de separación ou divorcio, deberán achegar ademais a sentenza xudicial e/ou convenio regulador onde conste a atribución da custodia do/da menor.
• Certificado do grao de discapacidade do/da alumno/a ou de calquera membro da familia recoñecido por un órgano que non pertenza á Xunta de Galicia.
• Documentación xustificativa da situación de violencia de xénero no ámbito familiar, en calquera das formas que enumera o artigo 5 da Lei 11/2007, do 27 de xullo, galega para a prevención e o tratamento integral da  violencia de xénero.
• Resolución xudicial de incapacitación con patria potestade prorrogada ou rehabilitada.
• Resolución administrativa ou xudicial acreditativa da situación de acollemento ou do certificado do centro de menores, para o alumnado en situación de tutela ou garda da Xunta de Galicia.
• Certificado de convivencia, volante de convivencia ou informe dos servizos sociais ou do órgano equivalente do concello onde resida a familia, no caso de que o pai e a nai ou o titor o titores carezan de DNI e NIE.