O pasado venres fixemos o desfile de entroido no centro debido as condicións metereolóxicas. Aquí podedes ver un resumo da festa que fixemos.

Un curso mais, a ONG Global Humanitaria pon en marcha a campaña solidaria «Mariola» de recollida de roupa e calzado usados coa que se dedica parte dos beneficios obtidos ao financiamento dos proxectos humanitarios dirixidos pola ONG en India.

 As familias que desexen colaborar poden facelo entregando no centro a roupa e calzado usado nunha bolsa pechada ata o luns 4 de marzo de 2024.

Para calquera dúbida ou consulta, Mariola Solidaria está á vosa disposición no correo electrónico info@csmariola.com ou no teléfono +34 96 651 66 56.

No marco da celebración do Día Internacional das Nenas e a Tecnoloxía o día 11 de febreiro, Microsoft quixo recoñecer o labor dos máis de 100 empregados e empregadas que, ofrecen, de forma voluntaria, charlas inspiracionales entre estudantes de toda España, dando, entre outras cousas, visibilidade ás novas enxeñeiras e especialistas técnicas da compañía como modelos a seguir, ao ser exemplos do talento feminino de éxito e de como aproveitar as oportunidades existentes nun mundo cada vez máis dixital. Este foi precisamente o obxectivo do noso Obradoiro “Construíndo o futuro” levado acabo no día de hoxe, unha iniciativa MakeWhatsNext, que Microsoft lanzou en 2016 para fomentar as vocacións tecnolóxicas e científicas desde a infancia, dando visibilidade a referentes femininos de éxito e traballando pola diversidade e equidade na contorna laboral, con actividades de programación adaptadas ás distintas idades nas que os nenos e nenas puideron crear xogos e aplicacións utilizando Makecode.org ou Minecraft e coas que se axudou a espertar o interese polas disciplinas STEM, dunha forma atractiva e amena.

Estimadas familias,

Dirixímonos a vostedes para informarlles sobre as opcións que plantexamos para levar a cabo o desfile de entroido, considerando as condicións climatolóxicas que poden afectar a súa realización.

Dadas as variacións climáticas e as posibles inclemencias do tempo, elaboramos un plan alternativo para garantir a seguridade e o goce de todos os participantes no desfile.

A continuación, presentámoslles as opcións dispoñibles:

- Desfile ao aire libre (opción principal): no caso de que as condicións climáticas sexan favorables e non representen un risco para a saúde e seguridade do alumnado, o desfile levarase a cabo polas rúas da vila.

- Desfile no interior do centro: si as condicións climáticas son desfavorables e representan un risco para a saúde dos participantes, preparamos un plan alternativo para realizar o desfile no interior das nosas instalacións. Habilitarase un percorrido para que o alumnado desfile no patio cuberto así como unha zona delimitada para o público. 

Queremos lembrarlles que o desfile de entroido é unha actividade organizada por e para o alumnado. Neste sentido, é fundamental que as familias nos axuden a manter un ambiente propicio para que os nenos e nenas poidan gozar plenamente da experiencia.

O Proxecto "Nós tamén creamos!" tratase dun programa de promoción da adquisición, do uso e da valoración da lingua galega na aula por medio da creatividade e da incorporación das tecnoloxías da información e da comunicación ás aulas. Os centros promoverán a elaboración dun traballo en equipo que terá como produto final unha curtametraxe en galego coa técnica stop motion a partir dun álbum ilustrado.

Cos coñecementos adquiridos polo profesorado durante un obradoiro de formación nos meses de novembro, decembro e xaneiro, traballaranse co alumnado as diferentes fases da creación dunha curtametraxe de animación coa técnica stop motion: guión gráfico, personaxes, luz, efectos especiais, movemento, música e montaxe.

Aquí vos presentamos a nosa primeira fase do proxecto coa elección do album ilustrado e o diseño do guión gáfico polo alumnado de 5º e 6º de Educación Primaria:

  O 6 de febreiro de 2024 celébrase en todo o mundo o Día da internet Segura.

O Día da internet Segura ou Safer Internet Day (SID) é un evento internacional organizado polas redes Insafe/INHOPE de Centros de Seguridade na internet en Europa, co apoio da Comisión Europea. Esta iniciativa realízase cada febreiro para promover o uso seguro e positivo da tecnoloxía, especialmente entre nenos, nenas, mozos e mozas. Así, millóns de persoas únense en todo o mundo para inspirar cambios positivos en liña, crear conciencia sobre os problemas de seguridade e participar en eventos e actividades. Desde o Instituto Nacional de Ciberseguridade (INCIBE), e como cada ano, únense á iniciativa internacional e celebran o #DíaDeInternetSegura con actividades para fomentar, entre nenos, novos e as súas contornas máis próximas, un uso seguro e positivo das tecnoloxías dixitais, promocionando as súas competencias nesta materia e axudándolles a ser respectuosos, críticos e creativos, en liña cos principios dixitais europeos.

Esta actividade levouse a cabo en dous obradoiros: un con alumnado de 1º, 2º e 3º de primaria; e o outro, con alumnado de 4º, 5º e 6º de primaria.