Este ano adicamos o Día das Letras Galegas a Antón Fraguas.

Traballamos nas aulas mediante unidades didácticas e actividades interactivas. Expuxemos murais e libros sobre o autor.

No patio, lemos a súa biografía e recitamos cantigas que recolleu este autor, como o casamento do piollo e maila pulga, o bolo, Carpinteiro de Ribeira... e tamén disfrutamos dunha magnífica banda de música tradicional, composta polo alumnado do noso centro.

Entregamos tamén os premios ao alumnado gañador do concurso "Sábelo ti?" e "Receitas da avoa".

A continuación podemos ver algunhas fotos deste evento. Feliz Día das Letras Galegas!!

RECURSOS LETRAS GALEGAS 2019: ANTÓN FRAGUAS

Antonio Fraguas Fraguas O antropólogo, xeógrafo e historiador Antonio Fraguas Fraguas naceu o 28 de decembro de 1905 na vila pontevedresa de Cotobade. Sendo estudante de bacharelato fundou a Sociedade da Lingua para a defensa do noso idioma e a elaboración dun dicionario. En 1928 formou parte do Seminario de Estudos Galegos que foi clausurado pola ditadura militar despois da Guerra Civil. Tamén foi membro do Instituto de Estudos Galegos Padre Sarmiento, do que chegou a ser director da Sección de Etnografía e Folclore. En 1951 entrou a formar parte da Real Academia Galega, ocupando o posto de Alfonso D. Rodríguez Castelao. Dirixiu o Museo do Pobo Galego ata o seu falecemento en 1999.     - Documentos e actividades para imprimir - Actividades interactivas (EdiLim)  - Descargables, interactivos... (Primavera das Letras)   - OUTRAS: .. Museo do Pobo Galego .. Díptico .. Fichas didácticas .. Ficha 1 .. Ficha 2 .. Ficha 3 .. Enredando coa Lingua .. Symbaloo: Antón Fraguas

O alumnado e profesorado do CEIP Manuel Respino puidemos aprender sobre Fernando de Magallanes, Elcano e as cinco naos, e disfrutar cos diferentes obradoiros e videos sobre esta temática.

Queremos agradecer ao profesorado do Pablo VI que nos convidaran a ver esta fermosa exposición. Podedes ver a continuación un pequeno resumo en forma de fotos:

O pasado xoves 4 de abril, o alumnado de 1º e 2º de Educación Primaria visitaron a cidade da Coruña acompañados polos mestres: Javio, Luisa, Silvia e Vicente e o coidador, Anxo.

En primeiro lugar, puideron ver as instalacións e exposicións no MUNCYT (Museo Nacional de Ciencia Y Tecnología) onde había robots, un faro da Torre de Hércules, pezas de reloxos e outras cousas antigas. Pero, o que máis impresión causou foi a cabeceira do avión Lope de Vega, onde se transportou o cadro "Guernica" de Pablo Picasso, ao que puideron subir.

Máis tarde, fixemos diferentes experimentos con auga, terra, fariña, bicarbonate, betadine, vinagre... e aprendemos a distinguir unha mestura dunha reacción.

Logo, comemos todos xuntos no comedor.

Despois de comer visitamos a Domus. O que máis nos impresionou foron os latexos do corazón e o xogo de mover unha bóla coa mente.

Aquí deixamos algunhas fotos:

O alumnado de 3º e 4º de Primaria asisten ao Auditorio de Ourense a ver a obra de teatro "Bon appétit" acompañados polas mestras Ana Isabel, Elena e Loli.

Aqui podedes ver algunhas fotos:

Os nenos e nenas de 3º e 4º de Primaria tamén tiveron a ocasión de visitar unha alfarería en Niñodaguia.

Aqui podedes ver as fotos e este fantástico video:

Neste curso 2018-2019 os alumnos/as de 1º e 4º de Primaria plantaron un bidueiro.

Despois de facer un gran buraco, colocaron a árbore e puxéronlle un bo montón de terra arredor. Logo, regárono ben, xa que este tipo de árbore necesita moita cantidade de auga. É propio de lugares húmidos. Aquí podemos ver algunhas fotos:

Para conmemorar este día soltamos globos azuis e amarelos e fixemos un gran corro, ademais de decorar o centro para a ocasión.

Feliz Día do Síndrome de Down!