Trasniños 1 e 2 participaron nun contacontos dunhas bruxiñas un pouco rabudas. O conto "A bruxa enrabechada" foi todo un éxito!!! Xa están a argallar a receita da beberaxe verde.

Arrancamos os nosos clubs de lectura. Nesta ocasión os Trasnos están a ler "Matilda", un clásico de Roal Dahl. Estalles a gustar moitísimo!!!! Agardamos ter unha reunión moi moi moi entretida!!!! Animámosvos a lelo!!!! Vaivos encantar!!!!

Puxemos fin a esta fermosa etapa do club de lectura deste curso cunha actividade de escapismo onde aprenderon que o traballo en equipo é imprescindible para conseguir unha meta común. Foi unha experiencia que queren repetir, así que convidámosvos a que vaiades coas vosas familias!!!!

Último obradoiro-concerto deste curso. Danos mágoa non escoitar estas músicas tan bonitas ata o vindeiro curso!!!

Grazas rapaces por compartir con todos e todas o voso amor pola música!!!!

O ano que ven, queremos máis!!!

Con tantos libros de arte que hai na biblioteca, non podíamos deixar de traballar os cadros máis famosos, ou algúns deles!!!!

Despois de buscar nos baúis de disfraces, atoparon os atuendos máis axeitados para lograr este marabilloso resultado!!!!

Grazas ás familias por axudar sempre nas actividades propostas!!!

Na derradeira reunión do Club de lectura, trasnos e trasniños compartiron sensacións con estas dúas marabillosas lecturas como son Chamádeme Simbad e A lagoa das nenas mudas. Dúas historias que moven sentimentos a tope!!! Que vos recomendamos ler sen lugar a dúbidas este verán.

GRAZAS ÁS FAMILIAS POR PARTICIPAR NAS MERENDAS E ANIMANDO AOS VOSOS FILLOS E FILLAS A COMPARTIR LECTURAS!!!!!

O alumnado de 5º EP tivo unha visita moi especial, a escritora Fina Casalderrey. Con ela puideron compartir a lectura do seu libro "O xenio da cidade do sal". Entusiasmados coa visita, xa teñen ganas de máis!!!!

Andy Warhol ensinounos moito sobre o tratamento da cor e o Pop art. Cos nosos rostros fixemos unha composición ao seu xeito que parece obra duns grandes artistas!!!

"El sueño de Van Gogh" é un libro artístico que está na nosa biblioteca e co que fixemos uns cadros fermosísimos imitando os xirasois deste famoso pintor.

O alumnado de 6º EI e Trasnos e Trasniños do club de lectura, visitamos a imprenta do Colegio Hogar. Fixemos unha chea de obradoiros, empregamos letras das antigas imprentas, fixemos marcapáxinas, impresión manual, dixital, coñecemos unha chea de encuadernacións, materiais nos que se pode imprimir...

Foi unha visita moi enriquecedora e queremos agradecer tanto aos mestres e mestras coma ao alumnado do Colegio Hogar por recibirnos con tanta profesionalidade, paciencia e agarimo. Incluso agradecer ao persoal da cafetería por ternos unha merenda tan tan rica e especial!!! Que dicir do futbolín e o ping pong!!!