O vindeiro 1 de marzo comeza o periodo de admisión para o alumnado que comeza o 2º ciclo de infantil ou para aqueles que desexan cambiar de centro.

O prazo de presentación de solicitudes de admisión é do 1 ao 20 de marzo (ambos incluídos).

Na web iremos colgando todas as novidades ao respecto deste proceso. 

As solicitudes (ED550B) presentaranse preferiblemente por vía electrónica, mediante o formulario normalizado dispoñible na aplicación informática admisionalumnado (https://www.edu.xunta.gal/admisionalumnado), a través da sede electrónica da Xunta de Galicia, https://sede.xunta.gal Opcionalmente, poderanse presentar as solicitudes presencialmente no centro docente indicado en primeiro lugar ou en calquera dos lugares e rexistros establecidos na normativa reguladora do procedemento administrativo común.

O formulario poderán atopalo na aplicación admisionalumnado, na páxina web ou pasar a recollelo no propio centro. Recordamos que a presentación de solicitudes de admisión, de facelo de forma presencial, debe ser entregada na secretaría do centro xa que é imprescindible darlle rexistro de entrada para posibles futuras reclamacións

O alumnado que xa está matriculado no centro e que vaia a continuar nel para o vindeiro curso, non teñen que facer nada, xa que teñen garantía de permanencia no centro.

A solicitude deberá vir acompañada da documentación acreditativa do requisito de idade: Libro de familia ou DNI.

A admisión e a matriculación nun centro docente público implicará respectar o seu proxecto educativo.

LEXISLACIÓN ADMISIÓN

• ORDE DO 21 OUTUBRO 2022
• DECRETO 13/2022
• Resolución do 10 de xaneiro 2024 

DOCUMENTOS ADMISIÓN

• RESOLUCIÓN SORTEO DESEMPATE
• CALENDARIO ADMISIÓN E INFORMACIÓN IMPORTANTE
• MAPA ESCOLAR OLEIROS
• CRITERIO COMPLEMENTARIO
• NOTA INFORMATIVA
• SERVIZOS COMPLEMENTARIOS DO CENTRO
• PRAZAS VACANTES 24/25
• DOCUMENTACIÓN A ENTREGAR COA SOLICITUDE DE ADMISIÓN

FORMULARIO ADMISIÓN CASTELÁN

FORMULARIO ADMISIÓN GALEGO