CEIP FROEBEL

'

Proxecto eTwinning Arcimboldo “Healthy Art”

Estimadas familias:

Como centro Etwinning, tentamos desenvolver proxectos en comunidade con diferentes escolas de Europa e inquietudes de traballo similares. Con “Arcimboldo Healthy Art” o noso alumnado realizou investigacións sobre hábitos saudables de alimentación, recreando as obras de arte do famoso pintor italiano do século XVI.

Ademais de traballar na aula virtual privada do TwinSpace, https://school-education.ec.europa.eu/en/networking/projects/160300 tamén facemos videochamadas para poñer en contacto ao alumnado dos diferentes centros que comparten este proxecto.

Confiamos en seguir aproveitando as oportunidades que nos ofrece esta plataforma europea para desenvolver as competencias e potencialidades do noso alumnado.

blogue de Equipo directivo

Presentación do curso 24-25 para as familias de 4º Ed. Infantil

Bo día:

Confirmamos que o próximo día 26 de xuño, mércores, ás 11:00 realizaremos unha reunión informativa coas familias do alumnado que comezará en setembro no curso de 4º EI.

Nesta xuntanza trataremos temas coma o período de adaptación, os seus horarios, aspectos de organización da etapa de infantil e as dúbidas que teñades ante a próxima escolarización.

O prazo para formalizar a matrícula será dende o 20 ao 30 de xuño.

Recibide un cordial saúdo,

O equipo directivo.

blogue de Equipo directivo

Distinción eTwinning School

Estimadas familias:

No día de onte recibimos a comunicación oficial de que o noso centro acadou a distinción eTwinning School: https://www.edu.xunta.gal/portal/etwinning/selos-e-premios

Esta mención supón o recoñecemento dos nosos proxectos de innovación e de traballo colaborativo. Tamén é un paso máis cara a internacionalización da nosa escola, proceso no que temos que seguir avanzando nun contexto diverso e inclusivo coma é o actual.

Achegamos un par de enlaces con información da Comunidade de escolas eTwinning e misión deste programa:

https://school-education.ec.europa.eu/en/etwinning