Educación primaria

O alumnado de 6° E.P. participou en Lugo nas xornadas de aproximación ao piragüismo a bordo dunha embarcación dragón polo río Miño a cargo do Programa Xogade. 

Este programa ten como finalidade achegar o deporte e fomentar os hábitos de vida saudables  a centos de estudantes de toda a provincia.

Aquí deixamos unhas fotiños! 

Dentro do Plan Director para a convivencia e a mellora da seguridade nos centros educativos e os seus contornos, as nenas e nenos de 5º e 6º de Primaria recibiron o pasado luns, unha charla informativa-formativa sobre temáticas como violencia de xénero, o papel da muller no mundo laboral e acoso escolar, impartida por unha persoa experta das Forzas de Seguridade do Estado.

Para conmemorar o 8M (Día Internacional da Muller), o alumnado do noso centro realizou diversas actividades:

- O alumnado de 4º de Primaria elaborou un audiolibro co conto "Artur e Clementina". Podedes velo no seguinte vídeo.

- O alumnado de 1º de Primaria decorou unha xardiñeira cunhas flores especiais, nas que se poden ler mensaxes que resaltan o valor das mulleres na sociedade. Podedes ver as fotos premendo na imaxe.

Dentro do taller de Animación á Lectura, o alumnado de 3º de Primaria tamén realizou unha actividade relacionada co libro “El club de los raros”  de Jordi Sierra i Fabra, onde realizaron as descricións dalgúns personaxes do club.