3º ciclo

Neste tempo de vacacións, poderiades visitar algunha  páxina web para  pasalo ben e tamén aprender dun xeito máis lúdico. Buscade nas páxinas o xogo e o nivel de dificultade axeitado á vosa idade ou curso.

Non vos esquezades dos xogos clásicos: parchís, oca, damas, xadrez, monopoly... E sobre todo, buscade un libro que vos guste e lede.

Estas son algunhas das páxinas que vos recomendamos:

• Xogos de Xeografía

          Mapas flash: http://serbal.pntic.mec.es/ealg0027/mapasflash.htm

          Xogos xeográficos: https://world-geography-games.com/es/index.html

          XogosXeo: https://www.juegos-geograficos.com/

          Seterra: https://online.seterra.com/es

          Xogos sobre a  UE: https://europa.eu/learning-corner/learning-materials_es?age_group%5B0%5D=82

• Puzzles: https://www.jigsawplanet.com/

• Zona de xogos: http://www.educa.jcyl.es/zonaalumnos/es/tipologia-recursos/juegos

Desexámosvos que disfrutedes, o mellor que poidades, das "vacacións". Dámosvos unha forte aperta.

Os titores:

Mar (5º) e Manolo (6º)

Ola rapaces!

Tratade de corrixir as actividades coas solucións que vos deixo no arquivo adxunto. Se tedes algunha dúbida xa sabedes cando e como contactar comigo. O luns subireivos uns enlaces para que nestas "vacacións" realicedes, se vos apetece, unhas actividades "online" máis entretidas e lúdicas.

Moito ánimo e unha aperta!

Ola rapaces! Déixovos tres arquivos adxuntos: un da mestra de Música e os outros dous meus. Abrídeos e xa tedes alí toda a información que precisades para esta semana.

Tamén debedes visitar o blog de Francés (Departamentos e Ciclos- francés). Atoparedes recursos para repasar os contidos dados, ademais dalgunha nova proposta (buscade as entradas dedicadas ao francés). Para calquera aclaración ou dúbida, podedes escribirlle ao correo de Vanessa.

Por último, lembrade que en CLAN de 11:00 a 12:00, imparten clases axeitadas á vosa idade.

Visitade o blog de inglés, tamén hai novas actividades.

Unha aperta forte a todos.

O titor de 6º

Ola, rapaces!

Os que fixéchedes as actividades propostas do libro, tratade de corrixilas coas solucións que vos deixo no arquivo adxunto (sodes os maiores e tedes que ser capaces de facelo sós, como faciamos en clase). Fixádevos ben e reparade na ortografía. Se hai algunha dúbida, xa tedes o meu correo electrónico que deixei no Abalar-Móbil e pronto tamén o meu teléfono (en canto se fixen unhas horas para chamar).

O luns subirei novas actividades para a próxima semana.

Moito ánimo e unha aperta!