CEIP Plurilingüe San Bartolomé

Poden consultar ou descargar as listaxes de material para cada curso no documento PDF adxunto.

Infórmase da apertura do prazo para solicitar axudas para adquirir libros de texto nos cursos de 1º e 2º de E. Primaria, a participación no fondo solidario de libros de texto para o alumnado de 3º, 4º, 5º e 6º de E. Primaria e para a adquisición de material escolar para a etapa de E. Primaria.

Poderán presentar as solicitudes dende o 20 de maio ata o 21 de xuño de forma presencial adxuntando o impreso ED330B, que poden descargar no arquivo anexo, ou ben vía electrónica na aplicación fondolibros (https://www.edu.xunta.es/fondolibros) e a través da sede electrónica da Xunta de Galicia, https://sede.xunta.gal.

Para calquera aclaración poden consultar a convocatoria co DOG Orde do 10 de maio de 2023  pola que se regula a participación no fondo solidario de libros de texto, ou ben dirixirse ao centro escolar.

Esta semana retomaremos as andainas pola contorna do río Umia.

O proxecto de centro "Quilómetros de saúde" comenzou xa hai algúns anos co obxectivo de fomentar a actividade física e combater o sedentarismo, ao tempo que coñecemos unha parte da variante espiritual do camiño de Santiago e recibimos moita información sobre a nosa contorna.

É recomendable que os días de andaina traian a vestimenta axeitada: chándal e zapatillas de deporte, ademáis de gorra para os días máis solleiros, nos que tamén deben traer crema solar e auga.

No seguinte cadro poderán consultar os días que sairán cada un dos grupos, agás cambios de última hora por mor do tempo ou calquera outra circunstancia que o centro considere.

De conformidade coa disposición adicional primeira da Orde da Consellería de Cultura, Educación, Formación Profesional e Universidades do 21 de outubro de 2022, que regula o procedemento de admisión de alumnado en centros docentes sostidos con fondos públicos, o próximo día 16 de xaneiro de 2023 inícianse os trámites do procedemento (código ED550A), coa reserva de praza nun centro de adscrición para alumnado que cambia de etapa.

• O prazo de solicitude abranguerá do 16 de xaneiro ao 6 de febreiro do 2023, ambos incluídos.

Tanto a presentación das solicitudes como a consulta das listaxes de admitidos, que se publicarán antes do día 28 de febreiro, deberán realizarse no centro no que está matriculado o alumnado no presente curso ou a través da aplicación admisionalumnado (https://www.edu.xunta.gal/admisionalumnado/)