Os nenos e nenas de 5º e 6º na materia de plástica estivemos reutilizando diferentes materiais para facer uns espellos. Cortamos rolos de papel en tiras máis finas, pintamos as tiras e logo, cada un de nós, fomos pegando e dándolle diferentes formas á nosa creación artística.
Este foi o resultado! Clicade neste espello para ver algúns dos resultados!
Que vos parecen?
No presente curso imos a desenvolver un programa de Innovación sobre a lingua galega "GALEGArtes" que promove a consellería. Pretendemos que se valore e traballe o galego, dun xeito especial; e que se teña en conta no día a día do alumnado e a comunidade educativa, que a respecten, a valoren e a empreguen, co fin de manter moi viva unha parte tan importante da nosa cultura.
Podedes ver o traballado neste proxecto no seguinte blog:
No presente curso imos a desenvolver un programa de innovación que promove a consellería. Trátase dun CLUB DE CIENCIA, unha actividade extraescolar na que o noso alumnado desenvolverá diferentes habilidades e capacidades tendo como eixo central o ámbito científico.
Cada semana, estaremos inmersos en novos retos e ao longo do curso iremos ensinando as actividades que levamos a cabo. Queres ver o que aprendemos? Pois pincha na marxe dereita, na ACTIVIDADE de CLUB DE CIENCIA.
Boas a todos e todas! O pasado venres, 18 de xaneiro, os nenos e nenas de Educación Primaria, tivemos a sorte de levar a cabo no colexio, unha actividade dos Bolechas sobre a reciclaxe de aparatos electrónicos; que leva por nome "O que se enchufa, recíclase".
Foi unha actividade moi interesante e divertida. Aprendemos como colaborar na reciclaxe de aparatos eléctricos que xa non usamos: teléfonos móbiles, lavadoras, lámpadas, ordenadores.....
Pasámolo xenial, até creamos un rap sobre a reciclaxe dos mesmos, mirade mirade as nosas fotiños.....
<iframe
Hoxe foi un día diferente!! Visitamos o Museo do Gravado e o centro de día de Artes onde dedicamos unhas panxoliñas aos usuarios. Que ben o pasamos!!
O día 14 de decembro fixemos un simulacro de incendio coa colaboración do corpo de bombeiros de Ribeira e protección civil, o cal foi un éxito. Moitas grazas a todos
O 30 DE OUTUBRO CELEBRAMOS O SAMAÍN: DISFRAZÁMONOS, DECORAMOS O COLE, ESCRIBIMOS CONTOS DE MEDO, FIXEMOS CABAZAS, XOGAMOS E QUEIMAMOS OS MEDOS…
Coa colaboración de Manolo e do profesorado, o alumnado do cole preparou o compost e a terra, e comezou a plantar o axeitado para este tempo: fabas, allos, brécol, grelos,...todo de forma ecolóxica.