Onte 16 de abril de 2024, publicouse no Boletín Oficial da Provincia da Coruña, a convocatoria das bolsas municipais de comedor para o curso 2024-2025, para o alumnado empadroado no termo municipal de A Coruña, e que vaian cursar 2º ciclo de educación infantil, primaria, ensinanza secundaria obrigatoria, bacharelato ou formación profesional nun centro de ensino con comedor autorizado do mesmo termo municipal. A asistencia ao comedor será obrigatoria durante todo o período lectivo (de setembro a xuño).

 Prazo de presentación: do 17 de abril ao 8 de maio, ambos incluídos.

 Toda a información da convocatoria pódese consultar:

- Na web municipal de servizos sociais

https://www.coruna.gal/serviciossociales/es/detalle-contenido/becas-comedor-para-el-curso-escolar-2024-2025/suceso/1453864601968

- Na sede electrónica municipal

https://sede.coruna.gal/sede/gl/tramites-e-servizos-electronicos/guia-de-procedementos-e-servizos/detalle-de-procedementos/bolsas-comedor/contenido/1453739229256

- No teléfono 010 de información cidadán

 NOTA: Entre outros requisitos para acceder á bolsa, a/o alumna/o solicitante deberá ter un DNI, NIE ou número de identificación fiscal válido.

O alumnado de 6º de educación primaria fixo unha ruta polo ribeira do rio Mero para coñecer a flora e fauna desta maravillosa contorna.

O alumnado do 6º de primaria aproveitou unha xornada por unha contorna natural, as Fragas do Eume, un dos bosques atlánticos de ribeira mellor conservado de Europa que segue o curso do Río Eume.

O alumnado de 5º e 6º de primaria recibiu unha visita especial. Contamos coa charla de Ángeles Huerta, directora de cine e guionista, que nos veu a falar do seu documental Esquece Monelos. Despois do roteiro que disfrutou o alumnado pola nosa contorna e saber da existencia dun río que circula moi preto, o argumento do documental trata o esquecemento dos lugares e as súas xentes debido ao crecemento da nosa cidade. Unha charla que mantivo esperto o interese do noso alumnado preguntando as súas dúbidas e facendo ás súas aportacións. Moitas grazas Ángeles pola túa experiencia a aportacións.

Publícase información referida ao procedemento de admisión do alumnado para o curso 24-25

O prazo de presentación de solicitudes será do 1 ao 20 de marzo.

A solicitudes poden tramitarse de forma presencial no centro ou de forma electrónica a través da sede electrónica da Xunta de Galicia na aplicación admisiónalumnado:

https://www.edu.xunta.gal/admisionalumnado/

A solicitudes de admisión poderán recollerse na Conserxería do centro ou descargar dos arquivos que se anexan.

A continuación xúntase relación de documentos e información sobre o proceso de admisión:

1. INSTRUCCIÓNS SOBRE O PROCESO DE ADMISIÓN

2. CALENDARIO DE ADMISIÓN

3. ANEXO II: SOLICITUDE- GALEGO

4. ANEXO II: SOLICITUD-CASTELLANO

5. VALORACIÓN DOS CRITERIOS XERAIS BAREMO

6. RESOLUCIÓN RESULTADO SORTEO ADMISIÓN

7. CRITERIO COMPLEMENTARIO DO CENTRO

7. INSTRUCCIÓNS DA DIRECCIÓN XERAL DE CENTROS E RECURSOS

8. MANUAL USUARIOS FAMILIA APLICACIÓN ADMISIONALUMNADO

9. MAPA DE ZONAS DE INFLUENCIA DE CEIP 

Esta semana celebramos o día de Rosalía de Castro con diversas actividades. Neste video podedes disfrutar do recitado dos poemas más representativos de Rosalia por parte do alumnado de 5º e 6º de primaria.

O alumnado de terceiro ciclo recibiu unha sesión formativa que consistiu no desenvolvemento de actividades divulgativas para axudar a comprender aos estudantes como funciona a natureza e especialmente os ríos.

As nenas e nenos das aulas do lazo verde e amarelo tiveron unha sorpresa sensorial neste Entroido. A profe Cris contoulles o conto de Leotolda coa maxia da luz negra que resalta as cores. Despois puideron disfrutar dos talleres coa mesma experiencia sensorial: taller de antefaces, debuxo de Leotolda, construcións de cores, mesa de luz e colares e máscara do Entroido galego elaboradas en impresora 3D.

O noso alumno Leo Santomé acompañado polo seu adestrador do Clube Triathlon Coruña, Dani González, ofreceron unha pequena exhibición deste deporte tan completo.

Un curso máis o alumnado de 3º ciclo está a levar a cabo un programa de educación medioambiental que se iniciou coas charlas por parte dos membros de CEIDA (Centro de Extensión Universitaria e Divulgación Ambiental de Galicia)