Ceip Plurilingüe Celso Emilio Ferreiro

Ao longo desta semana, e para conmemorar o Día da Paz, no CEIP Plurilingüe Celso Emilio Ferreiro realizamos diversas actividades nas que colaborou toda a comunidade educativa: lectura do conto de Paula Carballeira Un hermoso huevo blanco, elaboración dun mural, canción Un planeta de paz e recollida de alimentos pola paz. No blog do EACE atoparedes un resumo de todo isto.

Este Nadal, a ANPA agasallou aos nenos e nenas do colexio con bicis, balóns e xogos de mesa cos que xa están a gozar un montón. No blog da Bibliosilva tedes imaxes destes últimos que, ademais de divertir, axudan ao desenvolvemento da concentración, a memoria, a observación, a elaboración de estratexias... Moitísimas grazas!!!

No blog do Equipo de Actividades Complementarias e Extraescolares atoparedes anaquiños de todas as actividades que estivemos a realizar no centro para celebrar o Nadal. Queremos enviar o noso agradecemento a aquelas familias que organizaron e participaron nos obradoiros de cociña e de adornos de Nadal pola súa implicación e desexar a toda a comunidade educativa unhas moi felices festas!

No mes de decembro un montón de iniciativas estanse a desenvolver desde a biblioteca do centro: o desafío fantástico no outono, acompañamentos lectores, cadernos viaxeiros que veñen e van, recomendacións lectoras de Nadal... Todo isto irédelo atopando resumido no blog da Bibliosilva.

Todo o alumnado do centro puido gozar esta mañá da actividade "Abellas na escola", na que aprenderon moitísimas cousas relacionadas con estes insectos tan importantes para a vida no noso planeta. No blog do Equipo de Actividades Complementarias e Extraescolares tedes fotos e vídeos deste obradoiro.

Como xa saberedes, en novembro vense celebrando o Mes da ciencia en galego nas bibliotecas, e desde o noso centro queremos amosar que o galego é, cada vez máis, unha lingua de transmisión da ciencia. Ademais, e coincidindo co comezo do mes de decembro, recibimos un ano máis a Juan Manuel Rodríguez García, alcalde de Cerceda, no marco da actividade Bibliotecas Humanas. De todas estas actividades atoparedes detalle no blog da Bibliosilva.

Desde o CEIP Plurilingüe Celso Emilio Ferreiro non podemos deixar de conmemorar o 25N: Día Internacional da Eliminación da Violencia Contra a Muller, con diversas actividades que poderedes seguir no blog do Equipo de Actividades Complementarias e Extraescolares e no blog da Bibliosilva.

Achegamos a resposta da empresa Jardanay aos escritos remitidos pola ANPA en relación á calidade dos alimentos servidos.

Como cada ano nestas datas, celebramos no colexio a Festa do Outono, que consiste na celebración conxunta do Magosto, o Samaín e o Halloween. Nos blogs do centro atoparedes vídeos-resumo das distintas actividades que levamos a cabo este día:

- Festa do Outono

- Entrega de Premios do Concurso de Marcapáxinas

- Entrega de Premios do Concurso de Debuxos e Banda Deseñada de Samaín

Hoxe, 24 de outubro, festexamos no noso colexio o Día das Bibliotecas con diversas actividades das que estamos a dar conta no blog da Bibliosilva.