No Diario Oficial de Galicia do 31 de maio de 2010 aparece publicada a Orde do 28 de maio de 2010 pola que se convocan axudas para a adquisición de libros de texto, materiais curriculares e material didáctico e complementario destinadas ao alumnado matriculado en centros sostidos con fondos públicos en 1º, 2º, 5º e 6º de educación primaria e en educación especial no curso escolar 2010-2011.

RENDAS FAMILIARES E CONTÍA DAS AXUDAS:
No caso do alumnado de educación primaria é condición ter unha renda per cápita familiar igual ou inferior a 9.000 €.

CONTÍA DA AXUDA:
Familias monoparentais:
-Renda per cápita familiar ata 6.000 €: 180 €.
-Renda per cápita familiar desde 6.000,01 ata 9.000 €: 104 €.
Resto das familias:
-Renda per cápita familiar ata 5.400 €: 180 €.
-Renda per cápita familiar desde 5.400,01 ata 9.000 €: 104 €.
Enténdese por renda per cápita familiar, a renda familiar dividida entre o número de membros da unidade familiar computables. Terase en conta o exercicio fiscal 2008 para os efectos de determinar dita renda. A renda familiar obterase por agregación das rendas de cada un dos membros computables da familia que obteñan ingresos de calquera natureza. Os membros da unidade familiar que presentasen declaración do imposto sobre a renda de 2008, para os efectos do cálculo da renda familiar sumarán os recadros 455 (base impoñible xeral) e a 465 (base impoñible do aforro) da declaración.

PRAZO DE PRESENTACIÓN DE SOLICITUDES:
O prazo de presentación de instancias será dun mes contado a partir do día seguinte ao da publicación da orde no DOG. Presentarase unha solicitude por alumno/a matriculado/a.

INFORMACIÓN DE INTERESE:
A Orde de convocatoria está á disposición da comunidade educativa no taboleiro de anuncios do centro e as solicitudes, segundo o anexo I da orde, serán facilitadas na secretaría do centro.
Para o alumnado que cursará 3º e 4º de educación primaria.
segue en vigor o Programa de Gratuidade de Libros de Texto polo que contamos que o vindeiro curso os alumnos escolarizados nestes niveis educativos conten con libros de texto en préstamo.

TEXTO ÍNTEGRO DA CONVOCATORIA: 

INSTANCIAS DE SOLICITUDE PARA CUBRIR E IMPRIMIR:  

Anexos en galego

Anexos en castelán