BiblioCeleiro

CORRELINGUA

Hoxe celebramos O Correlingua. Unha actividade  na que se pretende potenciar o uso do galego.

Nesta ocasión viaxamos ata Burela, xunto con outros moitos centros educativos da Mariña-Ortegal. Percorrimos as rúas e asistimos a  actividade que tivo lugar na  Praza da Mariña cunha gran  Festa final. A presentación estivo  a cargo de Fran Rei e bailamos e escoitamos a actuación de Cuarta Xusta e Paco Nogueiras.

Pasámolo xenial!!!

 

 

 

 

 

 

 

Os Maios

Este xoves pasado celebramos Os Maios, festividade que conta con gran tradición en Viveiro e parte de Galicia e que trata de dar a benvida á primavera, o bó tempo e as flores. Aínda que nesta ocasión o tempo meteorolóxico non nos permitiu sair desfilando ata a Praza do Chao e tivemos que celebralo no ximnasio.

Os maios é unha festa de tradición prerromana que xa celebraban os celtas e desde o noso centro, queremos facer partícipe ao alumnado da nosa cultura para  axudar a que non se perda e involucrándoos desde pequenos. 

Conmemoración do Día das Letras Galegas 2024

Mañá, 17 de maio de 2024, será homenaxeada pola Real Academia Galega,  Luísa Villalta Gómez no Día das Letras Galegas 

Nada na Coruña o 15 de xullo de 1957 e finada na mesma cidade o 6 de marzo de 2004, foi unha escritora, filóloga e violinista galega. Escribiu poesía, teatro, narrativa de ficción, ensaio, articulismo e tradución.

 "celebrámoste desde a complexidade da épica ao publicismo, deste ti, desde o teu pensar, lúcida e comprometida, destacando dela que foi a "creadora dunha obra singular e sólida que a converteu nunha das grandes figuras da literatura galega que emerxeron na segunda metade dos anos 80 e primeiros 90". Esta proposta estivo encabezada pola tamén escritora Ana Romaní e respaldada por Chus PatoMarilar AleixandreFina CasalderreyMargarita Ledo AndiónManuel RivasMaría López SándezEuloxio R. RuibalDolores Sánchez PalominoManuel González González e a xa mencionada Ana Romaní.

No colexio fixemos unha pequena homenaxe en forma de "caricaturas" e libriños da súa obra.

 

 

Clausura da Microrrede

O venres pasado tivo lugar a clausura da Microrrede 2024 coa Coral Polifónica Alborada de Viveiro e o alumnado do CEIP de Celeiro.

Unha marabilla de actuación!

Grazas Marta Pérez Lage por seguir contando cos nenos e nenas do noso colexio.

 

 

Visita do Capitán do buque oceanográfico Angeles Álvariño

Hoxe o alumnado de 3º de EP tivo unha visita moi especial. Para o día da Muller deste curso elixiron a unha muller moi relevente no campo da investigación oceanográfica. Foi a primeira científica nun buque de investigación internacional. Unha apaixoada do océano, sen embargo dedicidiu especializarse nos osrganismos máis diminutos que acolle: o plancto.

Hoxe en día o buque que capitanea José Manuel Guerreiro Escourido,  e que leva o nome desta muller, segue surcando as augas en busca de novas mostras que nos axuden a coidar e protexer os nosos mares e océanos.

Foi un día moi emotivo para toda a clase, ensionounos  a interpretar unha carta náutica, a entender o duro do seu oficio traendo un sextante,  un instrumento de medición, que permite determinar a posición dunha embarcación no océano, mediante a observación dos astros e que era o único medio que había antigamente  para poder orientarse na navegación. Ademáis poidemos ver moitas imaxes do seu traballo e dos científicos que os acompañan. Tamén trouxo un diploma precioso para cada neno e un libro adicado para a nosa mestra.

Só queremos agradecerlle a  Jose,  a exposición que nos fixo, tan emotiva e formativa  e a súa tripulación e cientícos, o traballo que desenvolven.

 PREME NA IMAXE PARA PODER VER O VÍDEO

 

 

Semana da Microrrede A Mariña

Presentamos  o cartel de actividades da Microrrede A Mariña.

Entre os días 7 a 10 de maio vaise celebrar, na Sala de Exposicións do Concello de Viveiro, unha nova edición co tema: "Microrrede a Mariña. Homenaxe a Ibáñez".

 

O noso centro colabora con diversos deseños. A obra principal é un dos espacios que tan ben recreaba Ibáñez con ese edificio icónico DA RÚE 13 DO PERCEBE. Trátase dunha obra plástica que desenvolveu o alumnado de 4º e 5º de EP,  en donde se pode apreciar como un gran barco pesqueiro choca e entra na cociña de Otilio. O que nun principio parecía un caos absoluto, vólvese na oportunidade de celebrar un festín no que Otilio é o gran protagonista. Grazas que o helicóptero gardacostas entra en escena para gran sorpresa de Neptuno. Ao final todo queda nun susto. Tal como imaxinaría Ibáñez.

 

O alumnado de 6º de EP colaborou realizando unha fantástica viñeta do Cómic colaborativo, na que unha grande representación de centro educativos da Mariña estiveron a desenvolver durante este curso académico.

Como traballo individual contamos coa elaboración  de cómics por parte de  todo o alumnado do Centro en colaboración coas súas  familias. Sempre temos unha gran acollida e a participación é extraordinaria. Non podemos deixar de agradecer tanto esforzo por parte de tod@s.

NORABOA EN MAIÚSCULAS!!!

 

 

 

 

 

 

 

Semana de Inmersión lingüística en Salduero

O alumnado de 5º e 6º de EP estivo a semana pasada  nun campamento de inglés en Salduero, Soria.

Acompañáronos a profesora de inglés, Rosa; a orientadora, Virginia e o auxiliar de conversa do noso colexio, Johan.

Foi unha semana intensa, chea de actividades, proxectos, compañerismo e moito traballo en inglés.

Podedes ver todo o que fixeron no seguinte enlace:

https://rosa-thepine.blogspot.com/

 

Día do Libro

Hoxe conmemoramos o Día Libro.

Pedímosllle ao escritor e defensor da natureza, Anxo Moure, que nos acompañara, por  segunda vez neste centro, coas súas historias cargadas de agarimo polas árbores, a lectura e os especial o respeto polas tradicións da nosa terra.

Así mesmo, elaboramos diferentes libriños para colgar nas árbores que temos dentro do centro e diferentes marcapáxinas.

O alumnado de 6º de EP recomendou,a trevés de Radio na Biblio, unhas lecturas moi interesantes. 

Coma sempre, GRAZAS a tod@s!!!

Preme na imaxe para poder ver o vídeo

 

 

Obradoiro Ultralimento, pola nosa saúde!

Durante dous días desta semana visitáronos Lucas Requejo e Jarull Rynol para elaborar receitas con froitas e alimentos naturais.

Dende Prato-Do foron capaces de demostrar a todo o noso alumnado que alimentarse dunha forma divertida e saudable é posible. Promoven a saúde e o coidado do noso planeta dende o ano 2014. Evitando alimentos procesados e concienciando  a toda a comunidcade educativa do consumo responsable, apoiando o comercio de proximidade.

Elaboraron: Froitas de tempada, "Aquarius natural", bebidas saudables e sostibles e barriñas enerxéticas.

É un verdadeiro pracer recibir a Lucas e ao seus colaboradores no noso centro, polas boas sensacións que crean en cada actividade e, especialmente, polos obxectivos tan importantes que promoven.  

Acompañan cada actividade coa  canción "As merendas que nos gustan máis" cocreada por Lucas e Iván Vale e que nós incluímos  neste vídeo.

 

 

PREME NA IMAXE PARA PODER VER O VÍDEO!

 

Grazas, mil grazas!!!

Grazas Nuno!!!

Nuno, alumno de 6º de Educación Primaria, trouxo para a biblioteca unha serie de 14 libros "Los forasteros del tiempo".

Estamos seguros de que o resto do alumnado dará boa lectura de todos eles. Moitísimas grazas Nuno por compartir cultura.

 

 

Distribuir contido